រតនគិរី ៖ ក្រុមអ្នកដឹកឈើទៅវៀតណាមរៀបរាប់ឲ្យដឹងថា ពួកគាត់ថ្ងៃនេះប្រឈមមុខនឹងធនាគាររឹបអូសផ្ទះសំបែង និងដីធ្លីដោយសារតែដឹកឈើទៅវៀតណាម តាមមធ្យោបាយរថយន្តសាំយ៉ុង,បាឡែន, រថយន្តឆ្លាមជាដើម ប៉ុន្តែសមត្ថកិច្ចមេព្រៃ និងសមត្ថកិច្ចពាក់ព័ន្ធដាក់ប្រចាំការ លើផ្លូវជាតិលេខ៧៨(ទីរួមខេត្ត-ច្រកទ្វារអន្តរជាតិអូរយ៉ាដាវ)អនុញាត្តិឲ្យដាក់បន្តិចបន្តួច, ដាក់តាមដំបូល, បាតរថយន្តដើម្បីបិទបាំងមហាជននិងសមត្ថកិច្ចថ្នាក់លើ។
ប្រភពព័ត៌មានខាងលើបន្តថា ក្នុងចម្ងាយផ្លូវប្រមាណ៣០គីឡូម៉ែត្រ ចាប់ពីផ្សារទីរួមស្រុកអូរយ៉ាដាវរហូតដល់ច្រកទ្វារអន្តរជាតិអូរយ៉ាដាវមានសមត្ថកិច្ចមេព្រៃនិងសមត្ថកិច្ចពាក់ព័ន្ធជិត៤០កន្លែង។ក្នុងនោះស្ថាប័នដែលតម្រូវឲ្យពួកគាត់បង់លុយច្រើនជាងគេមានមេព្រៃខណ្ឌ, មន្ទីរកសិកម្មខេត្ត, គណបញ្ជាការឯកភាពស្រុកអូរយ៉ាដាវ, គណបញ្ជាការឯកភាពខេត្តរតនគិរី, យោធាស្រុកអូរយ៉ាដាវ, អាវុធហត្ថស្រុកអូរយ៉ាដាវ , ថ្នាក់ជាតិ, គយចល័ត, វរការពារព្រំដែននគរបាល៦២៣ជាដើម។
ប្រភពព័ត៌មានខាងលើបញ្ជាក់ឲ្យដឹងទៀតថាក្រុមសមត្ថកិច្ចខាងលើនេះឲ្យតែមានបទល្មើសដឹកឈើទៅវៀតណាមភ្លាមគឺនាំគ្នាជិះរថយន្តទំនើបៗបើកប្រទ្រុយតាមផ្លូវដាក់កម្លាំងប្រដាក់គ្នាដូចខ្យងហើយការនិយាយស្តីមើលងាយមើលថោកពួកគាត់សុទ្ធតែពួកឯងបើរកស៊ីមិនចំណេញឈប់រកទៅ។
ប៉ុន្តែពួកគាត់(ក្រុមដឹកឈើ)ចេះតែទ្រាំទាំងឈឺចាប់ព្រោះជំពាក់លុយធនាគារវ័ណ្ឌកម្នាក់ទៅហើយ។ជាងនេះទៅទៀតសមត្ថកិច្ចខិលខូចមួយចំនួនដែលស៊ីប្រាក់រដ្ឋត្រូវថៅកែវៀតណាមទិញយកធ្វើប្តីដើម្បីឲ្យជួយកាងការដឹកជញ្ជូនឈើថែមទៀតផង។ទាក់ទិញទៅនឹងសកម្មភាពក្រុមសមត្ថកិច្ចខិលខួចមួយចំនួនខា ងលើនេះដែរអ្នកសារពត៌មាននគរធំមិនអាចសុំការបំភ្លឺពីអង្គភាពណាមួយដែលប្រចាំការលើផ្លូវជាតិលេខ78បានទេនៅព្រឹកថ្ងៃទី១៧ខែតុលាឆ្នាំ២០១៧នេះ ៕
