កំពង់ស្ពឺ ៖ កាលពីរសៀលថ្ងៃទី១៥ខែតុលាឆ្នាំ២០១៧កម្លាំងកងរាជអាវុធហត្ថស្រុកថ្ពងបានសហការជាមួយកងកម្លាំងអាវុធហត្ថលើផ្ទៃប្រទេស បង្ក្រាបបានរថយន្តម៉ាហ៊ីយ៉ាន់ដាយ១គ្រឿងចំណុះ៨តោនពណ៍ត្រេអុី ពាក់ស្លាកលេខ តាកែវ3A:1571 ផ្ទុកឈើប្រភេទម្រេញ(រាជថ្កុល) ចំនួន២៥ដុំស្មើនិង១៤.០១៩ម៉ែត្រត្រីគុណ នៅចំណុច ភូមិអូរដាឃុំអមលាំងស្រុក ថ្ពងខេត្តកំពង់ស្ពឺ។បច្ចុប្បន្នវត្ថុតាងមនុស្ស២នាក់ត្រូវបានបញ្ជូនមកកងរាជអាវុហត្ថខេត្តកំពង់ស្ពឺដើម្បីធ្វើការសាកសួរ រីឯឈើ និងរថយន្ត ត្រូវបានកម្លាំងកងរាជអាវុហត្ថស្រុកថ្ពងបញ្ជូនទៅអោយខណ្ឌរដ្ឋបាល ព្រៃឈើស្រុកឱរ៉ាល់យកទៅ រក្សាទុកដើម្បីចាត់ការបន្តតាមនិតិវិធីច្បាប់។
ប្រភពពីប្រជាពលរដ្ឋបានអោយដឹងថាឈើប្រណិតឬឈើរាជថ្កុលខាងលើត្រូវឈ្មួញដឹកជញ្ជូនចេញពីតំបន់ជួរភ្នំឱរ៉ាល់និងភ្នំក្រវ៉ាញក្នុងទឹកដីខេត្តពោធិ៍សាត់ដឹកតាមច្រកអូត្រាវចេញមកលើចំការដំឡូងមីរបស់ក្រុមហ៊ចិនដោយកាត់តាមទេទឹកពុះចេញមករង្វង់មូលស្រុកឱរ៉ាល់ដោយកាត់ស្នាក់បរិស្ថាននៅអូត្រាវចំនួន២កន្លែង គឺបរិស្ថានខេត្តពោធិ៍សាត់ មួយកន្លែង ដែលមានឈ្មោះឡេងជាប្រធានស្នាក់ការ និងបរិស្ថានខេត្តកំពង់ស្ពឺមួយកន្លែងដែលមានឈ្មោះធឿនជាប្រធានស្នាក់ការនិងស្នាក់ការបរិស្ថាន២កន្លែងទៀត គឺនៅទេទឹកពុះមួយកន្លែងនិងនៅខាងលិចតង្វង់មូលទីរួមស្រុកឱរ៉ាល់មួយកន្លឺងដែលមានលោក ខន សុខុមជានាយកដែនជម្រកសត្វព្រៃឱរ៉ាល់ខេត្តកំពង់ស្ពឺនិងជាប្រធានស្នាក់ការប្រចាំនៅទីនោះផងដែរ ។
ប៉ុន្តែគេមិនដែលឃើញក្រុមមន្ត្រីបរិស្ថានទាំងនោះធ្វើការបង្ក្រាបឬទប់ស្កាក់រថយន្តដឹកឈើប្រណិតនិងឈើរាជថ្កុល់បានមួយករណីណាឡើយគឺគេអង្គុយចាំយកតែលុយចែកគ្នាធ្វើមានធ្វើបាននិងទិញឡានសេរីទំនើបជិះស្ទើគ្រប់គ្នាអស់ហើយ៕
