ភ្នំពេញ៖កញ្ញា ខ្លឹម ស្រីគា អាយុ ១៨ឆ្នាំ ជាសិស្សមកពីរាជធានីភ្នំពេញ កញ្ញាបានក្លាយជា Miss Grand Cambodia ឆ្នាំ២០១៧ តំណាងឲ្យប្រទេសកម្ពុជា ចូលរួមប្រកួត Miss Grand International នៅក្រុងហូជីមិញប្រទេសវៀតណាម។ មានការរិះគន់ខ្លះពីសម្រស់ប៉ុន្តែកាលពីយប់ថ្ងៃទី១២ ខែតុលា ក្នុងវគ្គប្រកួត “ឈុតតំណាងជាតិល្អបំផុត” កញ្ញា ខ្លឹម ស្រីគា បានបង្ហាញឈុត “ទេវីក្រុងកម្ពុជាធិបតី” ជាមួយនឹងស្នាមញញឹមពោរពេញដោយភាពជឿជាក់ ធ្វើឲ្យកញ្ញទទួលបានការកោត សរសើរជាច្រើន ។
កញ្ញា ខ្លឹម ស្រីគា មុននឹងបានតស៊ូក្លាយជា Miss Grand Cambodia 2017កញ្ញជាយុវតីវ័យក្មេង ជាសិស្សវិទ្យាល័យធម្មតា ដែលកើតនៅក្នុងគ្រួសារដែលមានជីវភាពពុំសូវជាធូរធារ គេពុំសូវអោយតម្លៃ។
ដោយសារចង់ជួយក្រុមគ្រួសារ យុវតីវ័យក្មេងស្រីគាក៏បានចូលប្រលង Freshie Girl and Boy ឆ្នាំ២០១៧ តែមិនបានជោគជ័យ។ ទោះជាយ៉ាងណាកញ្ញមិនអស់សង្ឃឹមឡើយ។ស្ថិតក្នុងវ័យពុំទាន់២០ឆ្នាំកញ្ញនៅតែ មានក្ដីស្រមៃ ហើយក៏មិនបោះបង់ នាងក៏បានចូលប្រកួតម្ដងទៀត គឺកម្មវិធី Miss Grand Cambodia 2017។ កញ្ញបានទទួលជ័យលាភីលេខមួយ ប៉ុន្តែការរិះគន់ក៏កើតឡើងទន្ទឹមគ្នា ថានាងពុំស្អាត មើលទៅពុំទាន់សម័យ ពុំឆ្លាតវ័យ។
តែមកដល់ពេលនេះស្រីគាបានផ្លាស់ប្ដូរយ៉ាងច្រើន ជាពិសេសនាងបានទទួលការរិះគន់ថាស្លៀកឈុតប្រពៃណីជាតិ មិនស្អាត ស្លៀកពាក់ពុំសមការប្រកួត ស្លៀករ៉ូបស្រែៗ ។តែឥឡូវកញ្ញបានក្លាយជាបេក្ខនារីតំណាងប្រទេស។ ចឹងសូមចូលរួមបោះឆ្នោតអោយ Miss Grand កម្ពុជាដោយគ្រាន់តែចុច link Miss Grand International ដើម្បី Voteជាការស្រេច!៕
