តាកែវ៖ លោកអនុសេនីយ៍ឯក ផេង ម៉ានីត ជាអតិតមន្ត្រីនគរបាល ត្រូវបានសមត្ថកិច្ច វាយខ្នោះចាប់ឡើងលើឡានតាមដិកាតុលាការខេត្តតាកែវនាថ្ងៃទី១២តុលាឆ្នាំ២០១៧ ពីបទបានបោកលុយពីប្រជាពលរដ្ឋ ចំនួន៧ម៉ឺនដុល្លា ហើយបានរត់គេច ខ្លួនអស់រយះពេល ២ឆ្នាំ ។ប៉ុន្តែអ្វីដែលគួឲ្យហួសចិត្តគឺក្រោយពីជនសង្ស័យរូបនេះត្រូវបានចាប់ខ្លួន និងបានបញ្ជូនទៅតុលាការ ខេត្តតាកែវ នៅព្រឹកថ្ងៃទី១៣ ខែតុលា ឆ្នាំ២០១៧នេះជនឆបោករូបនេះក៏ ត្រូវបានលោក អឿង វណ្ណា អនុប្រធានតុលាការខេត្តតាកែវដែលជាចៅក្រមស៊ើបបាន អនុញ្ញាតឲ្យនៅក្រៅឃុំបន្ទាប់ពីការសួរនាំចប់?។
សូមបញ្ជាក់ថា អតីតមន្ត្រីនគរបាលថ្នាក់អនុសេនីយ៍ឯក ផេង ម៉ានីត បានឆបោកប្រាក់ពីឈ្មោះ ជា វិបុល យកប្រាក់ជាង៧ម៉ឺនដុល្លារ ទៅទិញដីនៅភូមិឬស្សីមួយគុម្ព ភូមិអូសារ៉ាយ ស្រុកត្រាំកក់ ខេត្តតាកែវ កាលពីកំឡុងខែឧសភា ឆ្នាំ២០១៥។ បន្ទាប់ពីទទួលប្រាក់រូច ឈ្មោះ ផេង ម៉ានីត ក៏គេចខ្លួនបាត់រហូត ។ជនរងគ្រោះឈ្មោះ ជា វិបុល បានយកភស្តុតាងទាំងអស់ទៅដាក់ ពាក្យបណ្តឹងនៅតុលាការខេត្តតាកែវ។
តែក្រោយពីចាប់ខ្លួនបានតុលាការបែជាសម្រេចឲ្យជនបោកលុយនៅក្រៅឃុំទៅវិញ ធ្វើឲ្យជនរងគ្រោះមិនសុខចិត្ត និងអំពាវនាវឲ្យ លោកចៅក្រម ចាត់ការតាមច្បាប់ចំពោះជនល្មើស។
