បន្ទាយមានជ័យ៖ នៅដើមខែតុលា២០១៧នេះនៅ ការិយាល័យទំនាក់ទំនងព្រំដែនកម្ពុជាថៃទីតាំងស្ថិតនៅក្នុងភូមិគីឡូម៉ែត្រ៤សង្កាត់ផ្សារកណ្តាលក្រុងប៉ោយប៉ែត ខេត្តបន្ទាយមានជ័យ ក្រោម ការដឹកនាំដុះស្លែរបស់លោកឧត្តមសេនីយ៏ទោ ពេជ្រ វណ្ណាមានលេចឡើងនូវ ភាពច្របូកច្របល់ក្នុងចំណោមក្រុមមន្ត្រីដោយសារតែប្រធានការិយាល័យទំនាក់ទំនងព្រំដែនកម្ពុជា ថៃប្រើអំណាចតាមតែអំពើចិត្តមិនគិតពីថានានុក្រមដែលបានកំណត់ដោយច្បាប់នោះទេ ។
មូលហេតុគឺចាប់ផ្តើមចេញពីលោក ឧត្តមសេនីយ៏ទោ ពេជ្រ វណ្ណា នាយករងទីចាត់ការ ការងារព្រំដែន និងជាប្រធានការិយាល័យទំនាក់ទំនងព្រំដែនកម្ពុជា ថៃ បានតែងតាំង ប្រធានស្តីទីមិនត្រឹមត្រូវតាមរចនាសម្ពន្ធ័របស់ថ្នាក់ដឹកនាំដែលបានកំណត់ក្នុងច្បាប់រដ្ឋបាលនោះទេ ។លោក ពេជ្រ វណ្ណា សំអាងខ្លួនជាប្រធានការិយាល័យ ចាស់វស្សាចង់ចាត់តាំងអ្នកណាក៏បាន តាមតែអំពើចិត្តរបស់ខ្លួនចង់បាន ។
ជាក់ស្តែងលោក បានចាត់តាំងមន្ត្រីយោធាមួយរូបថ្នាក់ ឧត្តមសេនីយ៏ត្រី របស់ក្រសួងដែលគេដឹងថាជាមនុស្សជំនិតរបស់លោក ឲ្យធើ្វជាប្រធានស្តីទីនៃការិយាល័យទំនាក់ទំនងព្រំដែនកម្ពុជាថៃជំនួសដោយមិនចាត់តាំងមន្ត្រីនៅក្នុងការិយាល័យនោះឡើយ។បញ្ហានេះវាបានធើ្វឲ្យមន្ត្រីក្រោម ឱវាទជាច្រើនរូបផ្សេងទៀតមានសតិអារម្មណ៏មិនល្អ ដោយសារទង្វើរបស់លោកពេជ្យ វណ្ណាធើ្វនេះវាខុសទៅនិងថាណានុក្រមរបស់អង្គភាពនៃការិយាល័យដែលបានកំណត់កាលពីកន្លងទៅ ។
ពាក់ពន្ធ័និងចំណាត់ការខាងលើ មន្ត្រីក្រោមឱវាទជាច្រើនបានសម្តែងការសោកស្តាយមិនសប្បាយចិត្ត ដោយពួកគាត់ស្នើឲ្យលោក ឧត្តមសេនីយ៏ឯក សៀក សុជាតិ នាយរងសេនាធិការចំរុះអគ្គបញ្ជាការដ្ឋានកងយោធពលខេមរភូមិន្ទ និងជានាយកទីចាត់ការ ការងារព្រំដែនកម្ពុជា មេត្តាពិនិត្យនិងកែសម្រួលលើចំណាត់តាំងរបស់លោក ពេជ្យ វណ្ណានោះ ជាបន្ទាន់ដើម្បី ឲ្យនាយទាហានដែលស្ថិតក្រោមឱវាទរបស់លោកពេជ្យ វណ្ណា បានស្ងប់ចិត្ត ជាជាងទុកបញ្ហាបណ្តាលឲ្យក្លាយជារឿងទំនាស់ផ្ទៃក្នុង របស់អង្គភាពមួយនេះ កកើតជាអធិករណ៏ដែលពិបាកព្យាបាលបាន ។
ក្រុមមន្ត្រីដែលមិនពេញចិត្តលើចំណាត់តាំងរបស់លោកពេជ្យ វណ្ណាបានលួចខ្សឹបឲ្យដឹងមកថា លោក ឧត្តមសេនីយ៏ត្រីនេត សំអាត ចាត់តាំងដោយលោក ពេជ្យ វណ្ណានោះគឺជាមន្ត្រីរបស់ក្រសួង ដែលអង្គភាពការិយាល័យទំនាក់ទំនងព្រំដែនកម្ពុជាថៃ មិនតម្រូវឲ្យមានសិទ្ធិធើ្វជាប្រធានស្តីទីនោះទេ ។ទាក់ទិនរឿងរ៉ាវខាងលើមន្ត្រីដែលមានទូនាទីនិងថាណានុក្រមជាអនុប្រធាន បែជាលោក ឧត្តមសេនីយ៏ទោ ពេជ្រ វណ្ណា មិនចាត់តាំងឲ្យធើ្វជាស្តីទីនោះគេសង្ស័យថា ទំនងជាលោកខ្លាចបាត់បង់ចំណូលក្រោមតុជាជាងការគោរពច្បាប់?។
ព្រោះមានប្រភពផ្ទៃក្នុងបានបញ្ចេញមកមកថា លោកពេជ្យ វណ្ណា ជាមនុស្សប្រកាន់ពណ៌សម្បុរ និងបក្សពួកនិយម ជាពិសេសមន្ត្រីភាគច្រើនដែលជាសាច់លោហិត របស់លោកបានតម្រូវឲ្យធើ្វជាប្រធានក្រុមការងារតាមច្រកនីមួយៗ ស្ទើតែទាំងអស់ ។ពាក់ពន្ធ័ករណីខាងលើនៅព្រឹកថ្ងៃទី១២ខែតុលា ឆ្នាំ២០១៧នេះ អង្គភាពយើងមិនទាន់អាចសុំឲ្យលោក ឧត្តម សេនីយ៏ទោ ពេជ្យ វណ្ណា បកស្រាយបានយ៉ាងណានៅឡើយនោះទេព្រោះទូរសព្ទ័របស់លោកមិនអាចទាក់ទងបាន ។
សូមបញ្ជាក់ថា៖ នៅជាប់និងស្នាក់ការត្រួតពិនិត្យច្រកទ្វារអន្តរជាតិប៉ោយប៉ែតដែលជាទីកន្លែង សម្រាប់បំពេញការងាររបស់មន្ត្រីទំនាក់ទំនងព្រំដែនកម្ពុជាថៃ សព្វថ្ងៃនេះត្រូវបានប្រភព បង្ហើបមកថា លោកពេជ្យ វណ្ណា បានតម្រូវឲ្យកូនចៅក្រោមឱវាទរបស់ខ្លួន យកទីតាំងធើ្វការនោះ ដាក់ធើ្វជាកន្លែងផ្ញើម៉ូតូហើយក្នុង១ខែៗ ត្រូវឡើងលុយ ឲ្យលោក ពេជ្យ វណ្ណា ចំនួន៧ម៉ឺនបាតប្រាក់ថៃ។តែបើតាមការពិនិត្យ បើទោះជាមានការរិះគន់ពីមជ្ឈដ្ឋានមហាជនជុំទិសទីយ៉ាងណា ក៏លោកលោកពេជ្យ វណ្ណា មិនខ្វល់ដែរ សំខាន់បានលុយច្រកហោប៉ៅតែប៉ុណ្ណោះ ៕