តាងនាមរាជរដ្ឋាភិបាលកម្ពុជា ទូលព្រះបង្កំ ខ្ញុំព្រះករុណាខ្ញុំ សូមសំដែងនូវមនោ សញ្ជេតនារីករាយ នៅក្នុងឪកាសនៃការប្រារព្ធទិវាក៏មានសារសំខាន់នេះ និងសូមសំដែងនូវ ការដឹងគុណយ៉ាងជ្រាលជ្រៅបំផុតចំពោះមនុស្សចាស់ និងបុព្វការីជន ដែលបានបង្កើតធន ធាន ដ៏មានសារៈប្រយោជន៍ ព្រមទាំងបានផ្តល់នូវចំណេះដឹង ចំណេះធ្វើ និង បទពិសោធន៍ យ៉ាងសំបូរបែបសម្រាប់មនុស្សជំនាន់ក្រោយ។
នេះជាលិខិត សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តីនៃព្រះរាជា ណាចក្រកម្ពុជា ដែលអានដោយលោក ប៊ុត គិមស៊ាន អភិបាលរងខេត្តបាត់ដំបង ថ្លែងក្នុង ឪកាសនៃការប្រារព្ធទិវាមនុស្សចាស់កម្ពុជានិងទិវាមនុស្សចាស់អន្តរជាតិ ០១ តុលា ឆ្នាំ២០១៥ នៅមន្ទីរសង្គមកិច្ច អតីតយុទ្ធជន និងយុវសម្បទា ខេត្តបាត់ដំបង កាលពីថ្ងៃទី ២២ តុលា ឆ្នាំ២០១៥ នេះ។
សមិទ្ធិផលនិងមរតកជាច្រើន បានកើតចេញពីស្នាដៃ គុណូបក្តារៈ និងការអប់រំបង្រៀន ប្រៀនប្រដៅ ប្រកបដោយគតិបណ្ឌិត នៃបុព្ធបុរស នៃចាស់ព្រឹទ្ធាចារ្យរបស់យើង ដែលអាចជា ក្សត្ររាស្រ្ត មន្រ្តីរាជការ យុទ្ធជន បព្វជិតគ្រហស្ថ អ្នកអក្សរសាស្រ្ត អ្នកស្រាវជ្រាវសិល្បៈករ អ្នកច្បាប់ និងអ្នកវិទ្យាសាស្រ្តជាដើម។
រាជរដ្ឋាភិបាលបានយកចិត្តទុកដាក់ខ្ពស់ និងការអនុវត្តន៍គោលនយោបាយ ស្តីពី សុវត្ថិភាពសង្គម សំរាប់កងកម្លាំងប្រដាប់អាវុធត្រៀមចូលនិវត្តន៍ តាមរយៈការផ្តល់ដីសម្បទាន សង្គមកិច្ច បាននិងកំពង់រៀបចំព្រាងច្បាប់ ស្តីពីរបបសន្តិសុខសង្គម សម្រាប់ប្រជាពលរដ្ឋនៃ ព្រះរាជាណាចក្រកម្ពុជា។ ជាងនេះទៀត រាជរដ្ឋាភិបាលបានបង្កើតគណកម្មាធិការជាតិកម្ពុជា ដើម្បីមនុស្សចាស់ដែលជាយន្តការ សម្រាប់អនុវត្តគោលនយោបាយមនុស្សចាស់ និងគម្រោង កម្មវិធីគាំទ្រផ្សេងៗសម្រាប់ជួយលើកកំពស់សុខុមាលភាព មនុស្សចាស់នៅទូទាំងប្រទេស។ ដើម្បីរួមចំណែកក្នុងការលើកកំពស់ដល់ជីវភាព និងសុខុមាលភាពរបស់មនុស្សចាស់នៅទូ ទាំងប្រទេសខ្ញុំព្រះករុណា សូមក្រសួងសង្គមកិច្ចអតីតយុទ្ធជន និងយុវនិតិសម្បទា គណកម្មា ធិការជាតិកម្ពុជា ដើម្បីមនុស្សចាស់គ្រប់ក្រសួងស្ថាប័ណ្ណ ព្រមទាំងអាជ្ញាធរមានសមត្ថកិច្ចគ្រប់ លំដាប់ថ្នាក់ ត្រូវបង្កើតការយកចិត្តទុកដាក់ និងគាំទ្រតាមគ្រប់មធ្យោបាយពីគណៈអធិបតី ចែកជូន ភួយ កន្សែងពោះគោ ច្រាស់ថ្នាំដុសធ្មេញថវិកា ១០០០០រៀល ដល់មនុស្សចាស់ ២០០ នាក់ ដែលបានមកចូលរួមរួចមក ៕
