កំពង់ចាម៖ សង្វៀនប្រជល់មាន់ចំនួន ៣កន្លែង ក្នុង ភូមិប៉ាណា ឃុំសូទិព្វ ស្រុកជើងព្រៃ និងក្នុង ភូមិ មហា ឃុំ ស្វាយទៀប ស្រុកចំការលើ ខេត្តកំពង់ចាម ។ប្រជាពលរដ្ឋបានរាយការណ៍ឲ្យដឹងថាបាន បើកលេងភ្នាល់ទ្រង់ទ្រាយធំ ទឹកលុយ រាប់មុឺន ដុល្លាក្នុងមាន់មួយគូរៗជល់ហ៊ោរគគ្រឹកគគ្រេង ផ្អើលអស់ក្រុមអ្នកញៀនល្បែងបក្សីកីឡាមួយនេះ ចង់ចូលរួមលេង ទឹកលុយធំ ក្រាស់នៅទីតាំង ខាងលើរបស់ទឹកដីខេត្តកំពង់ចាម ។
តាមប្រភពពីប្រជាពលរដ្ឋបានឲ្យដឹងថា ក្នុង ភូមិប៉ាណា ឃុំ សូរទិព្វ ស្រុកជើងព្រៃ ខេត្តកំពង់ចាម បង្កើតសង្វៀនចំនួន៣ បើកលេងប្រជល់មាន ឆ្លាស់គ្នាក្នុងមួយសប្តាហ៍ ប្រៀបបានទៅនឹង កាសុីណូ ទៅហើយ នៅក្នុងមូលដ្ឋានជនបទ ស្រែចំការ មិនដឹងថា មានច្បាប់ឬអត់ច្បាប់ មិនដឹងឡើយ រាល់ថ្ងៃឃើញតែ ឡានម៉ូតូចេញចូល យួរកន្ត្រក់មាន់ ចូលជល់ ខណៈសង្វៀន ទាំង៣នៅចំណុចខាងលើ ទឹកលុយ មាន់មួយគូររាប់មុឺនដុល្លា មិនចាញ់ កាសុីណូ ល្បីៗឈ្មោះតាមជាយដែនឡើយ ។ចំណែកឯនៅ ស្រុក ចំការលើ ក៏មិនចាញ់ ស្រុក ជើងព្រៃ ដែរ
ពោលគឺកំពុងប្រកួតប្រជែងគ្នា យកពានរង្វាន់ខ្នាយ ដែកក៏មិនដឹង។
តាមអ្វីដែលពលរដ្ឋលើកឡើងតៗគ្នា តែមិនច្បាស់ការទេ ថា ម្ចាស់សង្វៀន ហ៊ានបើកលេង ក៏ដោយសារ គេអះអាងថា មានច្បាប់ហើយ អនុញាតទើបគេអត់ខ្វល់ ប្រកូកប្រកាស ភ្ញៀវអ្នកញៀនល្បែងឲ្យចូលទៅលេង ។ ក៏ប៉ុន្តែ ម្ចាស់សង្វៀនអួតអាងថាមានច្បាប់ហើយ ហេតុអ្វីបែរ ជាអ្នកលេងមួយចំនួន ភ្នែកឡេមឡើម ដូចខ្លាចអ្វីម្យ៉ាង មិនដឹង? ។
តែទោះជាសម្តីម្ចាស់ អ្នកលេង អ្នកភូមិ លើកឡើងផ្សេងៗគ្នាយ៉ាងណាក៏ដោយ ត្រង់ថា មានច្បាប់ឬអត់ច្បាប់ សង្វៀនប្រជល់មាន់ទាំង៣ ក្នុងឃុំសូរទិព្វ ស្រុកជើងព្រៃខាងលើ មានតែអាជ្ញាធរ ទេដែលលោកដឹងច្បាស់។ប្រជាពលរដ្ឋ សំណូមពរ ស្ថាប័នពាក់ព័ន្ធ ជាពិសេសលោកមេប៉ូលីសខេត្ត ឯម កុសល និងលោក គួច ចំរើន ចៅហ្វាយខេត្តកំពង់ចាម កុំសម្ងំដេកលក់ឬក៏អស់លោកត្រូវថ្នាំសណ្តំ ថៅកែ ល្បែងស៊ីសងជល់មាន់បាត់អស់ហើយទេដឹងបានជា មិនឃើញមានចំណាត់ការអ្វីចឹង? ៕
