មណ្ឌលគីរី ៖ ការធ្វើអាជីវកម្មរ៉ែមាសខុសច្បាប់នៅភូមិពូទុង ឃុំចុងផ្លាស់ ស្រុកកែវសីមា គឺជាប្រភពចំណូលដ៏ធំរបស់លោក សាន់ ដារិទ្ធ ប្រធានមន្ទីររ៉ែ និងថាមពលខេត្ត ។ នេះបើតាមប្រភពពីមន្ដ្រីនៃមន្ទីររ៉ែ និងថាមពលខេត្តនិងប្រជាពលរដ្ឋដេលធ្វើអាជិវកម្មលក្ខណៈគ្រួសាដែលសុំមិនបញ្ចេញឈ្មោះបានបង្ហើប ប្រាប់។
ថ្មីៗ នេះមានប្រជាពលរដ្ឋប្រមាណជា១០០០ គ្រួសារដែលរស់នៅក្នុងតំបន់សហគមន៍សប្បកម្មរ៉ែមាស ភូមិពូទុង ឃុំចុងផ្លាស់ ស្រុកកែវសីមា បានប្រមូលផ្ដុំគ្នាផ្ដិតមេដៃដើម្បីសុំកិច្ចអន្តរាគមន៍ពីមន្ត្រីអាជ្ញាធរគ្រប់លំដាប់ថ្នាក់សុំជួយឲ្យពួកគេអាចធ្វើអាជីវកម្មឡើងវិញ ហើយសុំបន្ថែមជម្រៅនៅជំរណ្ដៅរ៉ែតាមលទ្ធិភាពដែលពួកគាត់ធ្វើទៅបាន តែមិនត្រូវបានទទួលការយកចិត្តទុកដាក់ពីលោកប្រធានមន្ទីររ៉ែនិងឋាមពលខេត្តមណ្ឌលគិរីលោកសាន់ដារិទ្ធឡើយ។
ប្រជាសហគមន៍រ៉ែមាសក្នុងភូមិចុងផ្លាស់ ដែលផ្ដិតមេដៃ បានបញ្ជាក់ថា តំបន់រ៉ែមាសដែលគាត់រុករកជាលក្កខណៈសហគមន៍គឺជាតំបន់ដែលពួកគាត់រស់នៅនិងប្រកបអាជីវកម្មរ៉ែមាសជាលក្ខណៈបុរាណតាំងពីឆ្នាំ១៩៨៨មកម្ល៉េះ។ ប្រជាសហគមន៍បានលើកឡើងទៀតថា ដល់ឆ្នាំ២០១៥ ។ ២០១៦ ទើបក្រសួងរ៉ែ និងថាមពល ផ្ដល់សិទ្ធិស្របច្បាប់លើការធ្វើអាជីវកម្មរ៉ែមាសទ្រង់ទ្រាយតូចដល់សហគមន៍ ហើយកំណត់ជម្រៅត្រឹម២០ម៉ែត្រប៉ុណ្ណោះ ហើយជម្រៅនេះមិនអាចយករ៉ែមាសបានឡើយ។
ជាងនេះទៅទៀតលោកសាន់ដារិទ្ធបានរឹតត្បឹតចំពោះប្រជាពលរដ្ឋតាមច្បាប់ និងអាជ្ញាប័ណ្ណអនុញ្ញាត្តរបស់ក្រសួងរ៉ែ និងថាមពល តម្រូវឲ្យសហគមន៍ខួង ឬជីករណ្តៅរ៉ែមាសពីផ្ទៃដីរាបជម្រៅ ២០ម៉ែត្រប៉ុណ្ណោះ ហើយតម្រូវឲ្យជនជាតិខ្មែរជាអ្នកធ្វើអាជីវកម្ម ការប្រើប្រាស់សម្ភារៈ ឬឧបករណ៍ និងរំសេវគ្រឿងបំផ្ទុះ តម្រូវឲ្យមានការត្រួតពិនិត្យយ៉ាងល្អិតល្អន់ពីមន្ត្រីសមត្ថកិច្ច និងមន្ត្រីជំនាញមុនធ្វើការប្រើប្រាស់។
ប្រជាសហគមន៍រ៉ែមាសចុងផ្លាស់បានលើកឡើងទៀតថា ចាប់តាំងពីមានវត្តមានរបស់ក្រុមហ៊ុនដែលកាន់អាជ្ញា ប័ណ្ឌសិក្សារ៉ែមាសឈ្មោះ រ៉ុងឆេង ចូលមកអំឡុងឆ្នាំ២០០៥ ក្រុមហ៊ុនមួយនេះតែងធ្វើទុក្ខបុកម្នេញដល់ប្រជាពលរដ្ឋ ដែលអាស្រ័យផលរ៉ែមាសក្នុងតំបន់នោះ ព្រោះក្រុមហ៊ុន រ៉ុងឆេង នេះ តែងរំលោភបំពានចូលក្នុងបរិវេនសហគមន៍រ៉ែមាស ចុងផ្លាស់ជាបន្តបន្ទាប់ ។ ក្រុមហ៊ុនមួយនេះមានត្រឹមអាជ្ញាប័ណ្ឌសិក្សារ៉ែមាសតែប៉ុណ្ណោះ ប៉ុន្តែជាក់ស្ដែងក្រុមហ៊ុន រ៉ុងឆេង បានធ្វើអាជីវកម្មយករ៉ែមាសជាច្រើនឆ្នាំដោយលួចលាក់ និងទើបតែទទួលអាជ្ញាប័ណ្ឌធ្វើអាជីវកម្មនៅឆ្នាំមុន ។
ជាក់ស្តែង ក្រុមហ៊ុនចិនដែលគេជឿថាមានការឃុបបឃឹតជាមួយជំនាញមកពីក្រសួងពិសេសលោកលោក សាន់ ដារិទ្ធ ប្រធានមន្ទីររ៉ែ និងថាមពលខេត្តពួកឈ្មួញចិនអាចជីករុករកជម្រៅប្រមាណជាង១០០ម៉ែត្រឯណុះហើយប្រើរំសេវបំផ្ទុះថែមទៀតខុសពីគោលការណ៍ដែលដាក់ចំពោះប្រជាពលរដ្ឋ។មិនត្រឹមតែប៉ុណ្ណោះក្រុមហ៊ុនចិនបានលួចរីករុករកចូលមកក្នុងដីសហគមន៍ថែមទៅទៀតយ៉ាងរលូនដោយគ្មានការអើរពើរយកចិត្តទុកដាក់ដោះស្រាយពីលោក សាន់ ដារិទ្ធ ប្រធានមន្ទីររ៉ែ និងថាមពលខេត្តមណ្ឌលគិរីឡើយបើទោះជាមានពាក្យតវ៉ាសុំអន្តរាគមន៍ក៏ដោយ។
ដោយសារតែមានបញ្ហាចឹងហើយបានជាមានមតិរិះគន់ពីសំណាក់បងប្អូនប្រជាពលរដ្ឋដែលរស់នៅតំបន់នោះចំៗថាលោក សាន់ ដារិទ្ធ ប្រធានមន្ទីររ៉ែ និងថាមពលខេត្តមណ្ឌលគិរី មានការតឹងតែងចំពោះប្រជាសហគមន៍ដែលធ្វើអាជីវកម្មរ៉ែមាសជាលក្ខណៈគ្រួសារ។ តែធូរលុងចំពោះថៅកែជនជាតិយួននិងជនជាតិចិន វិញអាចប្រព្រឹត្តខុសច្បាប់តាមអំពើចិត្ត។
ហេតុនេះហើយទើបមន្ត្រីរាជការនិងប្រជាពលរដ្ឋក្នុងខេត្តមណ្ឌលគិរី រិះគន់ចំៗថារណ្ដៅរ៉ែមាសខុសច្បាប់របស់ឈ្មួញជនជាតិយួននិងជនជាតិចិនយ៉ាងអនាធិបតេយ្យនៅឃុំចុងផ្លាស់ ស្រុកកែវសីមា ជាប្រភពចំណូលដ៏សំខាន់របស់លោក សាន់ ដារិទ្ធ ទើបលោកប្រធានបណ្ដោយឲ្យកើតឡើងយ៉ាងអនាធិបតេយ្យ។នៅខេត្តមណ្ឌលគីរីគេសង្កេតឃើញថាលោកសាន់ដារិទ្ធជាប្រធានមន្ទីរដែលមានភាពហ៊ឺហារជាងគេ។បើគេមិនភ្លេចទេកាលពីឆ្នាំ២០១៦លោកសាន់ដារិទ្ធចាក់ដីលុបប្រឡាយធម្មជាតិមួយកណ្តាលក្រុងសែនមនោរម្យយកធ្វើកម្មសិទ្ធរហូតដល់សព្វថ្ងៃ។ធើអីលោកដារិទ្ធ!។
ទាក់ទងករណីបញ្ហានេះដែលប្រធានមន្ទីរ៉ែ ខេត្តមណ្ឌលគីរី លោក សាន់ ដារិទ្ធ បានអះអាងថាលោកមិនបានទទួលនៅផលប្រយោជន៏ក៏ដូចជាការចោទទេ(សិក)។ តែកាអះអាងនេះត្រូវប្រភព និយាយថា នេះវាគ្រាន់តែជាការដោះស្រាយរកលេះដកខ្លួនតែប៉ុណ្ណោះ។ សង្ឃឹមថាលោក ស៊ុយ សែម រដ្ឋមន្ត្រីក្រសួងរ៉ែ និងថាមពលនឹងពិនិត្យមើលករណីនេះអោយបានស៊ីជម្រៅនឹងរកឲ្យឃើញការពិតជាមិនខាន៕
—————————–
ចៅហ្វាយក្រុងភ្នំពេញ បញ្ជាអោយមន្ទីរជំនាញនិងអាជ្ញាធររួមគ្នា ដាក់គ្រឿងចក្រកាយប្រឡាយមេទាំងយប់ ដើម្បីរំដោះការលិចលង់នៅខណ្ឌជាយក្រុង ពោធិ៏សែនជ័យ និងដង្កោ
ភ្នំពេញ៖ ក្នុងដំណើរចុះពិនិត្យស្ថានភាពលិចលង់អោយទឹកជំនន់ទឹកភ្លៀងនៅរសៀលនិងល្ងាចថ្ងៃទី០៩ តុលានេះ អភិបាលរាជធានី លោកឃួង ស្រេង បានបញ្ជាយ៉ាងមុតមាំ ដោយឲ្យមន្ទីរជំនាញ និងអាជ្ញាធរដែនដីរួមគ្នា ដាក់គ្រឿងចក្រកាយប្រឡាយមេទាំងយប់ ដើម្បីរំដោះការលិចលង់នៅខណ្ឌជាយក្រុង។
លោកឃួង ស្រេង បានដឹកនាំ មន្ទីរសាធា រណការ និងដឹកជញ្ជូនរាជធានីភ្នំពេញនិងអាជ្ញាធរខណ្ឌពោធិសែនជ័យ បានបញ្ជាអោយ ស្ថាប័នទាំង២នេះរួមគ្នា ដាក់គ្រឿងចក្រកាយប្រឡាយ ទួលពង្រទាំងយប់ទាំងថ្ងៃ ពិសេសនៅយប់នេះត្រូវដាក់គ្រឿងចក្រ២គ្រឿង ដោយប្រឡាយនេះមានទួលនាទីយ៉ាងសំខាន់ក្នុងការរំដោះទឹក ពីខណ្ឌពោធិសែន ជ័យ ទៅកាន់ខណ្ឌដង្កោ និងខណ្ឌមានជ័យ ។
លោកហែម ដារិទ្ធ អភិបាលខណ្ឌពោធិសែនជ័យ បានបញ្ជាក់អោយដឹងថា ប្រឡាយទួលពង្រមានទទឹង១០ម៉ែត្រ ហើយប្រឡាយនេះបានដើរតួយ៉ាងសំខាន់ ក្នុងការរំដោះទឹកជំនន់ចេញពីសង្កាត់ ចោមចៅទី១ ចោមចៅទី២ និងចោមចៅទី៣ ខណ្ឌ ពោធិសែនជ័យ ។ ដោយមើលឃើញពីសារះសំខាន់នេះ ទើបអភិបាលរាជធានី បញ្ជាអោយមន្ទីរជំនាញ និងអាជ្ញាធររួមគ្នា ដាក់គ្រឿងចក្រ ចុះមកកាយប្រឡាយមេនេះទាំងយប់ ដើម្បីរំដោះការលិចលង់ នៅខណ្ឌជាយក្រុង ពិសេសនៅតំបន់ម្តុំសាលាក្តីខ្មែរក្រមាម។
ដើម្បីជាការលើកទឹកចិត្តអភិបាលរាជធានីក៏បានផ្តល់ការលើកទឹកចិត្តដោយអោយប្រាក់ម្នាក់ ២០ម៉ឺនរៀលទៅតៃកុង ដែលកាន់គ្រឿងចក្រទាំង ២គ្រឿងនេះផងដែរ សំខាន់គឺត្រូវតែ រំដោះទឹកលិច លង់នេះអោយបានក្នុងរយះពេល២ទៅ៣ថ្ងៃនេះ៕
