ពិធីប្រកាសផ្ទេរភារកិច្ច តែងតាំងមុខតំណែង និងបំពាក់ឋានន្តរស័ក្ត មន្ត្រីនគរបាល ជាតិនៃស្នងការ ដ្ឋាននគរបាលខេត្តបាត់ដំបង ចំនួន ៣២៣នាក់ក្នុងនោះ នារី១៨នាក់ បានប្រព្រឹត្តទៅកាលពីថ្ងៃទី២២ ខែកញ្ញា នៅសាលាខេត្តបាត់ដំបងក្រោមអធិបតីភាព ឯកឧត្តម នាយឧត្តមសេនិយ ខេង សុមេធ អគ្គស្នងការ រងនគរបាលជាតិ និងជាមេបញ្ជាការ នគរបាលប្រចាំ ភូមិភាគ៤ និងភូមិភាគ៥។
ក្រោយពីរបាយការណ៍ របស់លោកឧត្តមសេនិយត្រី ស ថេត ស្នងការនគរបាលខេត្ត បាត់ដំបង បាន បញ្ជាក់ពីសកម្មភាព នៃការអនុវត្តការងារពិសេសសកម្មភាពការពារសន្តិសុខ សណ្តាប់ធ្នាប់សាធារណៈ និង ការអនុវត្តគោលនយោបាយ ភូមិ ឃុំ មានសុវត្ថិភាព សម្រេច បានលទ្ធផលផ្លែផ្កាជូន ប្រជាពលរដ្ឋរួច មក ឯកឧត្តម ប៉ុល សុគន្ធ បានអានអានសេចក្តីសំរេច របស់ក្រសួងមហាផ្ទៃស្តីពីការផ្ទេរភារកិច្ច តែងតាំងមុខ តំណែង និងបំពាក់ឋានន្តរស័ក្ត ដល់ មន្ត្រីនគរបាលខេត្តបាត់ដំបង សម្រេចផ្ទេរភារកិច្ចនិងតែងតាំងមុខ ដំណែង ចំនួន ១៧២ ស្រី ៩ នាក់ តម្លើងឋានន្តរស័ក្តចំនួន ១៥១នាក់ ស្រី ៩នាក់។
ក្នុងប្រសាសន៍សំណេះសំណាល ឯកឧត្តម ច័ន្ទ សុផល អភិបាលនៃគណអភិបាល ខេត្តបាត់ដំបង និងឧត្តម នាយឧត្តមសេនិយ ខេង សុមេធ បានបញ្ជាក់ថាពិធីប្រកាសផ្ទេរ ភារកិច្ចតែងតាំងមុខតំណែង និង បំពាក់ឋានន្តរស័ក្ត ដល់មន្ត្រីនគរបាលពេលនេះ គឺអនុវត្ត ទៅតាម ប្រកាសរបស់ក្រសួងមហាផ្ទៃ និងសេចក្តី សម្រេចរបស់អគ្គស្នងការនគរបាលជាតិ។
ជាការពិតស្ថាប័ននគរបាលជាតិ នៃព្រះរាជាណាចក្រកម្ពុជាយើង ពីមួយឆ្នាំទៅមួយ ឆ្នាំ កាន់តែមាន ភាពរីកចំរើន ទាំងរូបភាព សមត្ថភាព បច្ចេកទេស មុខជំនាញទាំងសំភារៈ ក៏ដូចជាការអនុវត្តច្បាប់។ ហើយ ក៏ជាជំហានមួយ សមស្របតាមលក្ខន្តិកៈ របស់កងកម្លាំង នគរបាលជាតិ ស្ថិតក្នុងគោលបំណង ធានាឲ្យ បាននូវនិរន្តរភាព ខាងសន្តិខុស សុវត្ថិភាព សង្គមជូនដល់ប្រជាពលរដ្ឋ។ យើងត្រូវយល់ថាការ អភិវឌ្ឍន៍ មានការរីកចំរើន អាស្រ័យស្ថាន ភាពសន្តិសុខល្អប្រសើរ ដែលជាភារកិច្ចស្នូល របស់កម្លាំងនគរបាលយើង ដោយឈរលើ ស្មារតីសហការគ្រប់សមត្ថភាពពាក់ព័ន្ធ។កន្លងមកមន្ត្រីនគរបាលយើង បានខិតខំបំពេញ ភារកិច្ចបង្កើតបានស្នាដៃជាច្រើន ក្នុងកិច្ចការពារសន្តិសុខជូនដល់ប្រជាពលរដ្ឋទូទាំងខេត្ត។
ជាចុងក្រោយឯកឧត្តម បានផ្តល់អនុសាសន៍ល្អៗជាច្រើន ជាត្រីវិស័យ សម្រាប់ការ អនុវត្តការងារ នៅតាមមូលដ្ឋាន ឲ្យកាន់តែមានភាពល្អប្រសើ។