ភ្នំពេញ ៖ ចៅហ្វាយខេត្តកំពង់ឆ្នាំងអនុញាតិឲ្យគេកាប់ដើមឈើធ្នុង៥៤ដើម ក្នុងឃុំពោធិ៍ និងឃុំត្រងិល ស្រុកកំពង់លែង លក់ឲ្យឈ្មួញឈើ ឈ្មោះ ស៊ីវ តុលា ។ប្រការនេះបានធ្វើឲ្យមានចម្ងល់ថា៖-ហេតុអីក៏ខេត្តមិនអាចអភិរក្សនិងថែរក្សាដើមធ្នុងទាំង៥៤ដើមនោះ បើទោះជាវាដុះនៅលើដីកម្មសិទ្ធិរបស់ប្រជាពលរដ្ឋក៏ដោយ។-ចុះបើការកាប់នោះវារាលដាលដល់ចំការធ្នុង ២០ហិតាទៀត គិតម៉េចវិញ?។
បើយោងតាមប្រភពពីសមត្ថកិច្ច នៅស្រុកកំពង់លែង បានអោយដឹងថា មានចំការឈើធ្នង់មួយកន្លែង មានទំហំ ប្រមាណ២០ហិចតា ដែលមានសុទ្ធតែដើមធ្នង់ ជាព្រៃរបស់សហគមន៍ ហើយនៅក្នុងប្រទេសកម្ពុជាយើងស្ទើតែពុំមានដីព្រៃឯណាដែលមានចំការឈើ ដើមធ្នង់សុទ្ធដែលមានទំហំ ដល់ទៅជាង២០ហិចតានោះផងដែរ។
ការពិតឈ្មួញឈ្មួញឈើឈ្មោះស៊ីវ តុលា(ហៅតុ)បានរត់ការទិញឈើប្រណិតប្រភេទធ្នង់ចំនួន៥៤ដើមនៅឃុំទីតាំងខាងលើ។មុននឹងឈានដល់ការកាប់អភិបាលខេត្តបានឲ្យប្រធានមន្ទីរពតិមានកោះហៅអ្នកសារព័ត៌មានចូលរួមប្រជុំពិភាក្សាឲ្យស្ងៀមស្ងាត់ ដើម្បី ឲ្យការកាប់ងាយស្រួលឈ្មួញដឹកចេញ។ករណីនេះមាន នាយរងខណ្ឌរដ្ឋបាលព្រៃឈើបានលើកឡើងថា ផ្អែកទៅលើច្បាប់ស្តីពីព្រៃឈើក្នុងមាត្រា៤៦នោះ។
សូមបញ្ជាក់ថា ៖ បើយោងតាមប្រភពពីសមត្ថកិច្ចនៅស្រុកកំពង់លែងបានអោយដឹងថា នៅឃំុពោធិ៍ ស្រុកកំពងលែងមានចំការឈើធ្នង់មួយកន្លែងមានទហំប្រមាណ២០ហិចតាដែលមានសុទ្ធតែដើមធ្នង់សុទ្ធជាព្រៃរបស់សហគមន៍ ។នៅក្នុងប្រទេសកម្ពុជាយើងស្ទើតែពុំមានដីព្រៃឯណាដែលមានចំការឈើដែលមានសុទ្ធតែដើមធ្នង់សុទ្ធដែលមានទំហំដល់ទៅជាង២០ហិចតាដូចនៅឃំុពោធិ៍ ស្រុកកំពង់លែងនេះទេ ដូចនេះការរត់ការទិញឈើធ្នង់នៅស្រុកកំពង់លែងរបស់ឈ្មួញឈើឈ្មោះស៊ីវ តុលា(ហៅតុ)នេះ គេសង្ស័យថាវានឹងអាចប៉ះចំលើឈើនៅក្នុងចំការធ្នង់តំបន់ព្រៃសហគមន៍នេះឯង។
ប្រជាពលរដ្ឋស្នើអោយអាជ្ញាធរមេត្តាពិនិត្យពិចារណាអោយបានច្បាស់លាស់មុននិងសម្រេចអនុញ្ញាត ព្រោះនៅស្រុកកំពង់លែងមានគេលួចលក់ភ្នំនិងលក់ដីវាលដែលជាសម្បត្តិអចលនៈទ្រព្យរបស់រដ្ឋ អស់ជាបណ្ដើៗហើយ បើទោះជារាជរដ្ឋាភិបាលបានដកដីចំនួន៧០០០ហិចតានៅតំបន់វាលគោគព្រះ ប្រសាទបាក់និងម៉ៅពកករ ស្ថិតនៅឃុំច្រណូកដែលសព លោកឌុល គឹមឌិតអតីតៈមេឃុំច្ររណូកនិងបក្ខពួកបានលួចលក់អោយឈ្មួញកាលពីអំឡុងឆ្នាំ២០០៨-២០០៩ដាក់ជាដែននេសាទសាធារណៈរបស់រដ្ឋវិញទៅហើយក៏ដោយ ។ដីនោះសព្វថ្ងៃមានបែកធ្លាយព័ត៌មានថាមានអ្នកមានអំណាចឃុបឃិតគ្នាលួចយកដីនៅតំបន់ខាងលើរៀបចំឯកសារលក់អោយឈ្មួញទៀតផង៕