រាជធានីភ្នំពេញ ៖ នៅព្រឹកថ្ងៃទី៩ ខែតុលា នេះ តុលាការកំពូលបានប្រកាសសាលដីកាដោយសម្រេចផ្តន្ទាទោសអតីតឧត្ដមសេនីយ៍ឯក ឈឿន ចាន់ថន អតីតមេបញ្ជាការអង្គរក្សសម្តេច ជា ស៊ីម ឲ្យជាប់ពន្ធនាគារ១៦ឆ្នាំដដែល។ យ៉ាងណាក៏ដោយ អតីតឧត្ដមសេនីយ៍ឯកយោធា ឈឿន ចាន់ថន ធ្លាប់បានបដិសេធថា ពុំបានប្រព្រឹត្តបទល្មើសដូចការចោទប្រកាន់នោះទេ ។
គួររម្លឹកថា អតីតឧត្តមសេនីយ៍ឯកឈឿន ចាន់ថន ហៅម៉ៅ មេបញ្ជាការ កងអង្គរក្សសម្តេចអគ្គមហាធម្មពោធិសាល ជា ស៊ីម បានត្រូវកម្លាំងកងរាជអាវុធហត្ថចាប់ខ្លួន កាលពីព្រឹកព្រលឹមថ្ងៃទី១៣ ខែសីហា ឆ្នាំ២០១១ រួមជាមួយអង្គរក្ស៣នាក់ផ្សេងទៀត នៅក្នុងភូមិគ្រឹះ លេខ៦៥ ផ្លូវលេខ៩៥ សង្កាត់បឹងកេងកងទី៣ ខណ្ឌចំការមន ៕
