ខេត្តបាត់ដំបង ៖ សិក្ខាសាលាស្តីពីការផ្សព្វផ្សាយនិតិវិធីរួមគ្នាសម្រាប់ប្រព័ន្ធស្បៀងបំរុងកម្ពុជា បាន ប្រព្រឹត្តទៅកាលពីថ្ងៃ ទី១៤ ខែកញ្ញា នៅសាលាខេត្តបាត់ដំបង ក្រោមអធិបតីភាព ឯកឧត្តម វង់ សណ្តាប់ អនុរដ្ឋលេខាធិការ ក្រសួង សេដ្ឋកិច្ច និងហិរញ្ញវត្ថុ និងជានយករគម្រោង ឧបត្ថម្ភស្បៀងបន្ទាន់ និងជាប្រធានលេខាធិការដ្ឋាន នៃគណកម្មា ធិការ ប.ស.ប.ស ព្រមទាំងឧត្តម ច័ន្ទ សុផល អភិបាលនៃគណអភិបាលខេត្តបាត់ដំបង និងសិក្ខាកាមជាច្រើនមកពីខេត្តបាត់ដំបង ពោធិ៍សាត់ និង ប៉ៃលិន។
ឯកឧត្តម ច័ន្ទ សុផល និង ឯកឧត្តម បណ្ឌិត វង់ សណ្តាប់ បានបញ្ជាក់ថាការរៀបចំ សិក្ខាសាលានា ពេលនេះ ក្នុងគោលបំណងផ្សព្វផ្សាយឲ្យរដ្ឋបាលថ្នាក់ក្រោមជាតិ ដែលមាន រាជធានីខេត្តក្រុង ស្រុក ខណ្ទ័ ឃុំ សង្កាត់ ឲ្យយល់ជ្រួតជ្រាបនូវ និតិវិធីរួមសម្រាប់ប្រព័ន្ធ ស្បៀងកម្ពុជា ប.ស.ប.កតាមរយៈគម្រោងឧបត្ថម្ភស្បៀង បន្ទាន់ ហិរញ្ញប្បទានបន្ថែម និងអាចជួយដល់ប្រជាពលរដ្ឋ និងកសិករក្រីក្រ ងាយរងគ្រោះ ដោយសារគ្រោះ មហន្តរាយ ឬ គ្រោះអាសន្ននានា។ បច្ចុប្បន្នរាជរដ្ឋាភិបាល ក៏ដូចជាប្រជាជនទូទាំងពិភពលោក មានក្តីព្រួយ បារម្ភជាខ្លាំង លើការប្រែប្រួលអាកាសធាតុ ដូចជាទឹកជំនន់ភាពរាំងស្ងួតខ្យល់ព្យុះ ជម្ញឺឆ្លងជា ដើម បានធ្វើឲ្យ ប៉ះពាល់យ៉ាងខ្លាំងដល់សេដ្ឋកិច្ចសង្គម និងជីវភាពរស់នៅរបស់ប្រជាពលរដ្ឋ ពិសេសគឺប្រទេសកំពង់អភិវឌ្ឍន៍។
ដោយពិនិត្យឃើញទុក្ខលំបាក របស់ប្រជាពលរដ្ឋដែលរងគ្រោះ ដោយគ្រោះធម្មជាតិ នេះហើយទើប រាជរដ្ឋាភិបាលកម្ពុជា មានសម្តេចអគ្គមហាសេនាបតីតេជោ ហ៊ុន សែន ជាប្រមុខបានខិតខំបង្កើត។ មានគម្រោង ឧបត្ថម្ភស្បៀងបន្ទាន់នេះឡើង តាមរយៈក្រសួង សេដ្ឋកិច្ច និងហិរញ្ញវត្ថុ សម្រាប់ជួយសង្គ្រោះ ដល់ប្រជាពល រដ្ឋរងគ្រោះ។កន្លងមកគម្រោង ឧបត្ថម្ភស្បៀងបន្ទាន់បានអនុវត្តល្អប្រសើរហើយបានពង្រឹងដល់ផលិតកម្ម កសិកម្ម និងជា ប្រភពផ្តល់គ្រាប់ពូជដល់ប្រជាកសិករ ដូចជាពូជស្រូវ អ៊ីអ៊ែរ 66 ដំណាំបន្លែមាន សណ្តែកគួរ គ្រាប់វែង ត្រឡាច ល្ពៅ ផ្ទីរស ពោតផ្អែម ពោតដំណើប និងប៉េងប៉ោះជាដើម។
ខ្ញុំសង្ឃឹមថាសិក្ខាសាលានាពេលនេះ និងផ្តល់អត្ថប្រយោជន៍ជាច្រើនដល់សិក្ខាកាម និងអ្នកពាក់ព័ន្ធ ទាំងអស់ ឲ្យទទួលបាននូវចំណេះដឹងបន្ថែម អំពីនិតិវិធីរួម សម្រាប់ប្រព័ន្ធ ស្បៀងបំរុងកម្ពុជាដើម្បីចូលរួម អភិវឌ្ឍន៍ស្បៀងអាហារនៅកម្ពុជា សម្រាប់ជួយដល់ ប្រជាពលរដ្ឋ យើងនៅពេលមានហានិភ័យគ្រោះធម្មជាតិ ការប្រែប្រួលអាកាសធាតុ និងចូល រួម កាត់បន្ថយភាពក្រីក្រនៅកម្ពុជាផងដែរ ៕