បច្ចុប្បន្ន ក្នុងក្រុងសៀមរាប ខេត្តសៀរាប ត្រូវបានប្រជាពលរដ្ឋរាយការណ៍អោយដឹងថា ៖ បានក្លាយទៅជាតំបន់ ទេសចរណ៍ ដែលពោរពេញទៅដោយល្បែងស៊ីសងគ្រប់ប្រភេទរីកដុះដាល តាមផ្ទះប្រជាពលរដ្ឋយ៉ាងព្រោងព្រាត ពុំដែលមានការ រំខានពី ក្រុមសមត្ថកិច្ច និងអាជ្ញាធរឡើយ ។
ជាក់ស្តែង ផ្ទះបើកល្បែងស៊ីសងដ៏ធំមួយកន្លែង ស្ថិតនៅក្នុងភូមិចុងកៅស៊ូ សង្កាត់ស្លក្រាម ក្រុងសៀមរាប ដែលមាន ឈ្មោះ ភា ត្រូវបានប្រជាពលរដ្ឋរាយការណ៍មកថា រាល់ថ្ងៃ បាននិងកំពុងបើកលេងបៀរ អាប៉ោង ស៊ីសងយ៉ាងគគ្រឹកគគ្រេង ដោយមាន ក្រុមអ្នកញៀនល្បែងចេញចូលយ៉ាងពពាក់ពពូន ។
ប្រភពបន្តថា ក្នុងមួយថ្ងៃៗ មានអ្នកចាញ់ឈ្នះរាប់សិបលានរៀល រហូតថ្ងៃខ្លះ មានអ្នកងស់ម៉ូតូក៏មានដែរ ។ ក្រុមអ្នក លេងបាន អោយដឹងទៀតថា ពួកគេហ៊ានមកលេងល្បែងស៊ីសងនៅផ្ទះរបស់លោក ភា ព្រោះលោក ភា ប្រាប់ថា មានសុវត្ថិភាព ពុំមាន អ្នកណាហ៊ានចាប់បង្ក្រាបទេ ។ ព្រោះលោក ភា ប្រាប់ថា មានសុវត្ថិភាព ពុំមានអ្នកណាហ៊ានបង្ក្រាបទេ ព្រោះគេបានបង់លុយ ខែ អោយសមត្ថកិច្ចពាក់ព័ន្ធអស់ហើយ ។
ប្រជាពលរដ្ឋបានបញ្ជាក់ថា បើសង្ឃឹមលើលោកមេប៉ុស្តិ៍ស្លក្រាម ឈ្មោះ ញឹក សុផល និងលោក ទិត្យ ណារ៉ុង ដែលជាអធិការ នគរបាលក្រុងសៀមរាបវិញ គឺស្រេចតែម្តង ពួកគាត់សម្ងំឈឹង ងាប់ត្រគៀកស្តូក ពុំដែលឃើញមានការចុះ បង្ក្រាបបន ល្បែង ស៊ីសងនេះម្តងណាឡើយ ។ ក្រៅពីទីតាំងខាងលើ គឺមានផ្ទះបើកបនល្បែងកន្ទុយលេខ រាប់សិបផ្ទះ ហើយអ្នកកត់កន្ទុយលេខ រាប់សិបនាក់ ក៏ដំណើរការយ៉ាងផុលផុស រាល់ថ្ងៃផងដែរ ។
សេចក្តីរាយការណ៍ខាងលើនេះ សង្ឃឹមថា លោក ឃឹម ប៊ុនសុង អភិបាលខេត្តសៀមរាប និងលោក សត ណាឌី ស្នងការនគរ បាលខេត្តសៀមរាប នឹងចាត់វិធានការទប់ស្កាត់ បង្ក្រាប ដើម្បីអនុវត្តនូវគោលនយោបាយភូមិ-ឃុំ មានសុវត្ថិភាព អោយទទួល បានជោគជ័យមិនខាន ៕