យើងខ្ញុំព្រះករុណាអាត្មាភាព យើងខ្ញុំជាព្រះសង្ឃអាចារ្យគណៈកម្មការ និងពុទ្ធបរិស័ទ ចំណុះជើងវត្តទាំងអស់ក្នុងក្រុងបាត់ដំបង និងខេត្តបាត់ដំបង មូលមតិគ្នាជាឯកច្ឆន្ធប្រារព្ធ ធ្វើបុណ្យផ្កាប្រាក់មហាសាមគ្គីនេះឡើង ដើម្បីប្រមូលថវិការទៅជួយទ្រទ្រង់មន្ទីរពេទ្យគន្ធបុប្ផា ស្ថិតនៅក្នុងក្រុងសៀមរាប និងខេត្តសៀមរាប ដែលកំពុងជួបប្រទះការខ្វះខាតថវិកាសម្រាប់ ជាវ រឺ ទិញថ្នាំព្យាបាលដល់កុមារទូរទាំងប្រទេស កម្ពុជា។ មន្ទីរពេទ្យនេះបានព្យាបាលកុមារ ឥតគិតថ្លៃទេ។
ឯកឧត្តម ច័ន្ទ សុផល អភិបាលខេត្តនៃគណៈអភិបាលខេត្តបាត់ដំបង ឯកឧត្តម អ៊ុក វង្ស ប្រធានក្រុមប្រឹក្សាខេត្ត នឹងលោកអភិបាលក្រុងបាត់ដំបង រាជការនៅក្នុងសាលាខេត្តបានអញ្ជើញ ចូលរួមបុណ្យផ្កាប្រាក់សាមគ្គីនៅវត្តពោធិ៍ក្នុងសង្កាត់រតនៈ ក្រុងបាត់ដំបង ខេត្តបាត់ដំបង ឯកឧត្តម ច័ន្ទ សុផល អភិបាលខេត្តនៃគណៈអភិបាលខេត្តបាត់ដំបង មានប្រសាសន៍បែបនេះ គឺនៅពេលដែរ ឯកឧត្តមបានអញ្ជើញចូលរួមជាគណៈអធិបតី ក្នុងកម្មវិធីបុណ្យផ្កាប្រាក់សាមគ្គីនៅវត្តពោធិ៍ក្នុង សង្កាត់រតនៈក្រុងបាត់ដំបង កាលពីពេលកន្លងទៅថ្មីៗនេះដោយមានការនិមន្តនិង អញ្ជើញចូលរួម ពីព្រះសង្ឃនឹងពុទ្ធបរិស័ទយ៉ាងច្រើនក្នុងគោលដៅប្រមូលបច្ច័យដែលបានមកពីពុទ្ធបរិស័ទសន្ធា ជ្រះថ្លា នឹងព្រះសង្ឃ ដើម្បីយកទៅជួយមន្ទីរពេទ្យគន្ធ បុប្ផាដែលមានការខ្វះខាត ដែលស្ថិតនៅក្រុង សៀមរាប ខេត្តសៀមរាប។
ឯកឧត្តមបានបញ្ជាក់ទៀតថា នៅមន្ទីរពេទ្យគន្ធបុប្ផា សព្វថ្ងៃមានការខ្វះខាតថវិកាជាច្រើន សំរាប់ជួយកុមារទូរតាំងប្រទេសកម្ពុជា អញ្ជឹងហើយបានជាពុទ្ធបរិស័ទ និងព្រះសង្ឃនៅក្នុងខេត្ត បាត់ដំបង របស់យើង ដើម្បីធ្វើបុណ្យផ្កាប្រាក់សាមគ្គីនេះឡើងដើម្បីប្រមូលបច្ច័យ នឹងថវិការសំរាប់ ទ្រទ្រង់ ទៅជួយផ្តល់មន្ទីរពេទ្យគន្ធបុប្ផា ស្ថិតនៅក្រុងសៀមរាប ខេត្តសៀមរាប។