កំពង់ឆ្នាំង៖ កម្លាំងកងរាជអាវុធហត្ថស្នាក់ការសន្តិសុខ៥០១សហការកម្លាំងនគរបាលប៉ុស្តិ៍ឃុំត្រពាំងចាន់ នៅវេលាម៉ោង៣និង៤០នាទីទៀបភ្លឺ ថ្ងៃទី២៩ខែកញ្ញា ឆ្នាំ២០១៧នេះនៅចំណុចភូមិត្រពាំងចាន់ ឃុំត្រពាំងចាន់ ស្រុកបរិបូណ៌ ខេត្តកំពង់ឆ្នាំងបានស្ទាក់ចាប់រថយន្តសាំយ៉ុងពណ៌ទឹកប្រាក់មួយគ្រឿងពាក់ស្លាកលេខភ្នំពេញ2AB 9441លួចបង្កប់ដឹកឈើប្រណិត និង ឃាត់ខ្លួនជនសង្ស័យជាអ្នកបើកបរម្នាក់និងព្រូម្នាក់ ។រថយន្តសាំយ៉ុងដឹកឈើនោះត្រូវបញ្ជូនទៅកាន់ទីបញ្ជាការដ្ឋានកងរាជអាវុធហត្ថខេត្តកំពង់ឆ្នាំងដើម្បីកសាងសំណុំរឿងបញ្ជូនបន្តទៅសាលាដំបូងខេត្តតាមនិតិវិធីស្ដីពីច្បាប់ព្រៃឈើ។
ប្រភពពីមន្ត្រីនៃមន្ទីកសិកម្មខេត្តកំពង់ឆ្នាំងបានអោយដឹងថា នៅយប់ថ្ងៃទី២៨ខែកញ្ញា២០១៧សមត្ថកិច្ចចាប់បានរថយន្តលួចបង្កប់ដឹកឈើប្រណិតបានចំនួន៤គ្រឿង៖
ទី1/ចាប់រថយន្តយីឌុបផ្លូវ៤នៅសាលាលេខប្រាំដោយកម្លាំងកងរាជអាវុធហត្ថលើផ្ទៃប្រទេសដោយមានការផ្ដល់ព័ត៌មានពីខេត្តពោធិ៍សាត់បណ្ដើយករថយន្តដឹកឈើខាងលើពីទឹកដីខេត្តពោធិ៍សារ់មកចាប់នៅទឹកដីខេត្តកំពង់ឆ្នាំង។
ទី2/ចាប់រថយន្តដឹកឈើប្រណិតម៉ាកស៊ើបពណ៏សចង្កូចស្ដាំចាប់នៅចំណុចក្អមមាសខាងកើតផ្សារស្មែត។
ទី3/ចាប់រថយន្តកាម៉ារីបាឡែនពណ៏ខ្មៅបើកបរដាច់កង់ខ្លួនឯងនៅម្ដំឃុំពង្រ និងទី4/ចាប់រថយន្តសាំយ៉ុងនៅឃុំត្រពាំងចាន់នេះឯង។ហើយប្រភពខាងលើក៏បានអោយដឹងផងដែរថា រថយន្តដឹកឈើប្រណិតទាំងនោះភាគច្រើនជារថយន្តដឹកឈើប្រណិតចេញពីខេត្តពោធិសាត់។
មហាជនកំពុងរិះគន់និងដាក់ការសង្ស័យថាហេតុអ្វីរថយន្តដឹកឈើប្រណិតដឹកយ៉ាងកក្រើកចេញពីទឹកដីខេត្តពោធិ៍សាត់និងមានឈ្មួញឈើប្រណិតគ្រាក់ៗនិងដុះស្លែរាប់សិបនាក់ចឹងតែគេមិនដែលឃើញសមត្ថកិច្ចជនាញនិងសមត្ថកិច្ចពាក់ព័ន្ធរួមទាំងអាជ្ញាធរផងដែរចាប់ឬបង្ក្រាបបានមួយករណីណាឡើយ ដែលធ្វើឲ្យពតិមានពីសមត្ថកិច្ចខេត្តពៅធិសាត់ខ្លះមានភាគហ៊ុនជាឈ្មួញរកស៊ីឈើប្រណិតគឺជាការពិត។
ករណីបទល្មើសព្រៃឈើនេះសមត្ថកិច្ចនៅខេត្តពោធិ៍សាត់បានទម្លាយព័ត៌មានអោយដឹងផងដែរ ថា នៅខេត្តពោធិ៍សាត់មិនអាចមានសមត្ថកិច្ចណាហ៊ានប៉ះឬបង្ក្រាបឈ្មួញរកស៊ីឈើឬអ្នកកាប់ឈើណាម្នាក់ឡើយ ព្រោះរាល់ការបង្ក្រាបម្ដងៗតែមានអន្តរាគមន៍ពីលោកចៅហ្វាយខេត្ត លេខទូរស័ព្ទលោកអភិបាលខេត្តមាននៅតាមឈ្មួញរកស៊ីឈើនិងអ្នកកាប់ឈើស្ទើគ្រប់គ្នា ៕