បាត់ដំបង ៖ ឯកឧត្តម បណ្ឌិត ញឹមវណ្ណដា ទេសរដ្ឋមន្ត្រីទទួលបន្ទុកបេសកកម្មពិសេស និងជាអនុ ប្រធានទី១ គណកម្មាធិការជាតិគ្រប់គ្រងគ្រោះមហន្តរាយ បានអញ្ជើញជាគណអធិបតីក្នុងកិច្ច ប្រជុំផ្សព្វផ្សាយច្បាប់ ស្តីពីការគ្រប់គ្រងគ្រោះមហន្តរាយ កាលពីថ្ងៃទី៣ ខែកញ្ញា នៅសាលា ខេត្តបាត់ដំបង។
ឯកឧត្តម ច័ន្ទ សុផល អភិបាលនៃគណអភិបាលខេត្ត និងជាប្រធានគណកម្មា ការគ្រប់ គ្រងគ្រោះមហន្តរាយខេត្តបានបញ្ជាក់ថា: គិតពីខែសីហា ឆ្នាំ២០១៥ បានទទួលគ្រោះមហន្ត រាយ មានខ្យល់កន្ត្រាក់រទះបាញ់ វត្តអារាម និងធ្វើមនុស្សសត្វស្លាប់ និងរបួស មួយចំនួនផង ដែរ។ចំពោះរាំងស្ញួតធ្វើឲ្យប៉ះពាល់ដំណាំស្រូវជាង ៥៦ពាន់ ៧០០ ហិកតា សង្គ្រោះបានជាង ២៣ពាន់ហិកតា និងខូចខាតទាំងស្រុង ៧៨៧ហិកតា និងដំណាំរួមផ្សំមួយចំនួន។ ការបង្ក បង្កើនផលគិតត្រឹមដាច់ខែសីហា សម្រេចបានជាង ២៤៦ពាន់ហិកតា លើផែនការ ២៥៥ពាន់ ហិកតា និងដំណាំឧស្សាហកម្មជាច្រើនហិកតាផងដែរ។
ដោយឡែកចំពោះច្បាប់ ស្តីពីការគ្រប់គ្រងគ្រោះមហន្តរាយ ដែលប្រគលឲ្យប្រើដោយ ព្រះរាជក្រមពេលនេះ គឺជាឯកសារគតិយត្តិថ្មី ដែលមានគោលបំណងសំខាន់ដល់ដំណើរការ គ្រប់គ្រងគ្រោះមហន្តរាយ នៅទូទាំងប្រទេសឲ្យកាន់តែមានប្រសិទ្ធិភាពក្នុងគោលដៅត្រៀមបង្ការ បន្សុំា កាន់បន្ថយគ្រោះថ្នាក់មុនពេលមានគ្រោះមហន្តរាយ ដែលបង្កឡើងដោយធម្មជាតិ ឬមនុស្ស ឆ្លើយតបសង្គ្រោះបន្ទាន់ ក្នុងពេលមានគ្រោះមហន្តរាយ និងស្តារឡើងវិញ ក្រោយពេលមាន គ្រោះមហន្តរាយ។
ក្រោយពីលោក ប៉ុណ្ណរិទ្ធិ អគ្គលេខាធិការដ្ឋាន គ.ជ.គ.ប បានគូសបញ្ជាក់ពីខ្លឹមសារ ច្បាប់ស្តីពីការគ្រប់គ្រងគ្រោះមហន្តរាយ ដែលមាន ១០ជំពូក និង ៤៨ មាត្រារួចមក ឯកឧត្តម បណ្ឌិត ញឹម វណ្ណដាបានកោតសរសើរ ដល់ការដឹកនាំរបស់រដ្ឋបាលខេត្តរយ:កាលកន្លងមក រហូតមកដល់បច្ចុប្បន្ន បានខិតខំយកចិត្តទុកដាក់ ក្នុងការកែទម្រង់ គ្រប់កាលទេស: ក្នុងការ គ្រប់គ្រងដឹកនាំ ឲ្យមានការរីកចំរើនលើគ្រប់វិស័យ ស្របតាមកម្មវិធីនយោបាយយុទ្ធសាស្ត្រ ចតុកោណ របស់រាជរដ្ឋាភិបាល។ ចាប់តាំងពីឆ្នាំ ២០១១ ខេត្តបាត់ដំបង បានឆ្លងកាត់គ្រោះធម្មជាតិជាបន្តបន្ទាប់មានគ្រោះរាំងស្ងួត ជំនន់ទឹកភ្លៀងជំនន់បឹងទន្លេសាប និងខ្យល់ព្យុះជាដើម តែគណកម្មការគ្រប់គ្រងគ្រោះមហន្តរាយខេត្តបាត់ដំបង ក្រោមកិច្ចសហការយ៉ាងល្អ ជាមួយសាខាកាកបាទក្រហមកម្ពុជាខេត្ត និងដៃគូដទៃទៀត បានដោះស្រាយជាបន្តបន្ទាប់ ជួយដល់ជនរង គ្រោះរបស់យើង គ្រប់គោលដៅដែលគ្រោះមហន្តរាយបានកើតឡើង ៕
