បន្ទាប់ពីក្រុមអ្នកសារពត៌មានយើងបានផ្សាយនូវអត្ថបទមួយមានចំណងជើងថាបែកធ្លាយរឿងអំពើ ពុករលួយរបស់លោក សាំ ពិសិដ្ឋ ជាបណ្តើរៗហើយ មិនបានប៉ុន្មានថ្ងៃផងក្រុមអ្នកសារពត៌មានយើងទទួលបានពត៌មានក៏ដូចជាឯកសារយ៉ាងច្រើនពាក់ព័ន្ធជាមួយនឹងលោក សាំ ពិសិដ្ឋ ។
តាមប្រភពពត៌មានពីមន្ត្រីនៅសាលារាជធានីភ្នំពេញ បាននិយាយលេងជាមួយចាងហ្វាយកាសែត និងគេហទំព័រយើងថាគ្រាន់បើដែលលោក ហ៊ានសរសេរពត៌មានពីលោក សាំ ពិសិដ្ឋ នាយកមន្ទីរសាធារណៈការ និងដឹងជញ្ជូនរាជធានីភ្នំពេញចំៗ យ៉ាងនេះប្អូនអត់ខ្លាចលោក សិដ្ឋប្តឹងទេ ឬអី? អត់បានទេលោក សិដ្ឋណា យើងមើលកាលពីជំនាន់ ឯកឧត្តម កែប ជុតិមា ធ្វើជាចៅហ្វាយក្រុងមានកាសែត មាតុភូមិ មួយនោះធ្លាប់សរសេររឿងលោក សិដ្ឋ ឡើងមកធ្វើជាប្រធានមន្ទីរសាធារណៈការ និងដឹកជញ្ជូន រាជធានីភ្នំពេញ ស្ថិតនៅក្នុងភាពមិនច្បាស់លាស់ គឺត្រូវបានលោក សាំ ពិសិដ្ឋ យកមកទូលពិត ឯកឧត្តម កែប ជុតិមា ប្រលាត់លោក ចាងហ្វាយ កាសែត មួយនុង (កាសែតមាតុភូមិ) ប៊ិះនឹងឈរជើងនៅរាជធានីភ្នំពេញ មិនបាន ហ្នឹងចាងហ្វាយកាសែត មាតុភូមិគេមានមុខមាត់យូរហើយ ចុះទំរាំប្អូនទើបតែកើតម៉ាង៉ៃនោះសោះប្រយ័ត្នបានស្គាល់ព្រៃសទៅ។ ប្អូនអត់មានមើលពត៌មានទេ ឬអី?គ្រាន់តែឯកឧត្តម ឃួង ស្រេង ឡើងកាន់តំណែងជាអភិបាលក្រុងភ្លាម សួរថា តើគាត់ទៅសំណេះសំណាលជាមន្ត្រីរាជការ នៃមន្ទីរណាមុនគេ? ត្រង់នេះសបញ្ជាក់អោយឃើញថាគេដឹកនាំមន្ទីរមានលក្ខណៈពិសេសហើយ ទើបចៅហ្វាយក្រុងទៅមុនគេយ៉ាងនេះនោះ។
តាមប្រភពពីមន្ត្រីអនុរដ្ឋលេខាធិការក្រសួងសាធារណៈការ និងដឹកជញ្ជូនមួយរូបបានប្រាប់អ្នក សារពត៌មានយើងក្នុងលក្ខ័ណ្ឌមិនបញ្ចេញឈ្មោះថាមិនខុសអីពីអត្ថបទដែលក្មួយសរសេរលើកមុននោះទេ ត្រង់ចំណុចថាចំពោះលោក សាំ ពិសិដ្ឋ ដែលឡើងមកកាន់តំណែងជានាយកមន្ទីរសាធារណៈការ និងដឹកជញ្ជូនរាជធានីភ្នំពេញនេះគឺមានការប្រទាំងប្រទើសគ្នា យ៉ាងខ្លាំងរវាងលោក កែប ជុតិមា លោក ត្រាំ អ៊ីវតឹក សម្តេចអគ្គមហាសេនាបតីតេជោនាយករដ្ឋមន្ត្រី និងលោក ពេជ្រ ប៊ុនធិន រដ្ឋមន្ត្រីក្រសួងមុខងារសាធារណៈព្រោះថាបើយើងក្រឡេកមើលខ្លឹមសារលិខិតលេខ 4554 សក ចុះថ្ងៃទី9 ខែធ្នូ ឆ្នាំ2010 របស់ក្រសួងសាធារណៈការ និងដឹកជញ្ជូនគោរពជូនសម្តេច អគ្គមហាសេនាបតីតេជោ ហ៊ុន សែន នាយក រដ្ឋមន្ត្រី នៃព្រះរាជាណាចក្រកម្ពុជាកម្មវត្ថុសំណើសូមមេត្តាពិនិត្យ និងសម្រេចផ្តល់អនុសាសន៍ក្នុងការតែងតាំងប្រធានមន្ទីរសារធារណៈការ និងដឹកជញ្ជូនរាជធានីភ្នំពេញជំនួសលោក ញ៉ែម សារ៉ន ដែលត្រូវចូលនិវត្ត។ គណៈកម្មការយល់ឃើញថាគួរតែងតាំងលោក នៅ សារឿន បច្ចុប្បន្នជាប្រធានអង្គភាពលូទឹក បូទឹក ជាប្រធានមន្ទីរ។ លោក សាំ ពិសិដ្ឋបច្ចុប្បន្នជានាយករងទីចាត់ការរៀបចំក្រុង នៃសាលារាជធានីភ្នំពេញគណៈកម្មការយល់ឃើញថាចាំបាច់ត្រូវផ្ទេរក្របខ័ណ្ឌពីក្រសួងមហាផ្ទៃ មកក្នុងក្របខ័ណ្ឌក្រសួង នៃមន្ទីរសាធារណៈការ និងដឹកជញ្ជូនរាជធានីភ្នំពេញ និងគួរស្នើសុំតែងតាំងជាអនុប្រធានមន្ទីរសិន ដើម្បីចៀសវាងការតែងតាំងកំហកដែលនាំអោយមន្ត្រីនៅក្នុងអង្គភាពមានសតិអារម្មណ៍ និងដើម្បីទុកឱកាសជូនសាមីខ្លួនរៀនសូត្រយកបទពិសោធន៍ជាក់ស្តែងផ្ទាល់ក្នុងការដឹកនាំគ្រប់អង្គភាពអនុវត្តបច្ចេកទេស សាធារណៈការ និងដឹកជញ្ជូន ចៀសវាងគ្រាន់តែសហការពិនិត្យជាប្រយោលលើក្រុមហ៊ុន ឯកជនក្នុងការ សិក្សាប្លង់ និងការសាងសង់ស្ពានអាកាសនៅក្បាលថ្នល់ តោពីរ ស្ពានមុនីវង្សថ្មី និងគម្រោងផ្សេងៗទៀត។ មួយទៀតបើយើងពិនិត្យមើលលិខិតលេខ 022 បស ចុះថ្ងៃទី9 ខែមករា ឆ្នាំ2011 របស់រដ្ឋលេខាធិការដ្ឋាន មុខងារសាធារណៈ គោរពជូន ឯកឧត្តម ឧបនាយករដ្ឋមន្ត្រី យឹម ឆៃលី ។ អង្គប្រជុំនៅខុទ្ធកាល័យ ឯកឧត្តមឧបនាយករដ្ឋមន្ត្រីបានសម្រេច តាមចំណាររបស់សម្តេច អគ្គមហាសេនាបតីតេជោ នាយករដ្ឋមន្ត្រីគឺយក មនុស្សដែលមាននៅក្នុងកំណត់ហេតុ អង្គប្រជុំថ្នាក់ដឹកនាំក្រសួងសាធារណៈការ និងដឹកជញ្ជូន ចុះថ្ងៃទី9 ខែធ្នូ ឆ្នាំ2010 ។ ដែលមានចំណាររបស់សម្តេច ចុះថ្ងៃទី 11 ខែធ្នូ ឆ្នាំ2010 ។ អង្គប្រជុំសម្រេចយកលោក នៅ សារឿន នៅចំណារថ្នាក់ទី1 ជាបេក្ខជនប្រធានមន្ទីរសាធារណៈការ រាជធានីភ្នំពេញ។
ដោយឡែកលោក សាំ ពិសិដ្ឋ ដែលស្នើដោយ ឯកឧត្តម កែប ជុតិមា អភិបាលរាជធានីភ្នំពេញ ពុំអាចធ្វើការតែងតាំងបានទេ ដោយពុំមែនជាមន្ត្រីក្រសួងសាធារណៈការ និងដឹកជញ្ជូន ខុសនិងសារាចរ លេខ 02 សរ.ណន ចុះថ្ងៃទី15 ខែមិនា ឆ្នាំ1999 និងសារាចរលេខ 10 ចុះថ្ងៃទី28 ខែមិនា ឆ្នាំ1999 របស់រាជរដ្ឋាភិបាល។ ត្រូវផ្ទេរលោក សាំ ពិសិដ្ឋ ចូលមកបំរើការងារនៅក្រសួងសាធារណៈការសិន ហើយត្រូវធ្វើកម្មសិក្សាក្នុងក្របខ័ណ្ឌនេះរយៈពេល 6ខែសិនទើបតែងតាំងបាន។
ដំណោះស្រាយដែល ឯកឧត្តមរដ្ឋមន្ត្រីក្រសួងសាធារណៈការ ចេញប្រកាស់តែងតាំងលោក អ៊ាន ណារិន ជាប្រធានមន្ទីរស្តីទីគឺសមតាមសភាពការនៅនាពេលនោះហើយ។ ក្រោយលោក អ៊ាន ណារិន ចូលនិវត្តន៍ត្រូវតែងតាំងលោក នៅ សារឿន ជាប្រធានមន្ទីរសាធារណៈការ និងដឹកជញ្ជូនរាជធានីភ្នំពេញ។ ចំណែកឯខ្លឹមសារនៃការបកប្រែក្រៅផ្លូវការចំណារដ៏ខ្ពង់ខ្ពស់របស់សម្តេចតេជោនាយករដ្ឋមន្ត្រី ចុះថ្ងៃទី9 ខែធ្នូ ឆ្នាំ2010 មានន័យថាៈ ខ្ញុំអោយសិទ្ធិអំណាចជូនក្រសួងដោយមិនមានយោបល់អ្វីទេ តែង តាំងរបៀបណា ខ្ញុំឯកភាពតាម និងសិទ្ធិឯកឧត្តមរដ្ឋមន្ត្រី ចេញប្រកាសតាមស្មារតីអង្គប្រជុំ ព្រោះសមូហភាពបានចូលរួមចំណែកទទួលខុសត្រូវដែលធានាបាននូវសាមគ្គីភាព។ ដូច្នេះហើយទាំងចំណារសម្តេច នាយករដ្ឋមន្ត្រី ក៏ដូចជាលិខិតផ្សេងៗនៃអង្គប្រជុំហាក់បីដូចជាមានការប្រទាំងប្រទើសគ្នាយ៉ាងខ្លាំង តែយើងមិនដឹងជាស្វែងយល់យ៉ាងម៉េចទេដែលលោក សាំ ពិសិដ្ឋ អាចធ្វើជាប្រធានមន្ទីរសាធារណៈការ និង ដឹកជញ្ជូនបាន ឯចំណែកសេចក្តីប្រកាសរបស់ក្រសួងក៏មិនដឹងជាលេខប៉ុន្មានអីប៉ុន្មាន ចុះថ្ងៃណាក៏មិនដឹង ? លោក សាំ ពិសិដ្ឋ ធ្វើប្រធានមន្ទីររាប់សិបឆ្នាំ គ្មានថ្នាក់ដឹកនាំណាម្នាក់ឈឺក្បាល ឬត្រចៀកស្តាប់ រឿងនេះឡើយ មិនដឹងជាមកពីមូលហេតុអ្វី? សូម្បីតែសម្តេចតេជោនាយករដ្ឋមន្ត្រីក៏តែងតែបន្ទោសជាញឹកញ៉ាប់ចំពោះមន្ទីរមួយនេះ។
ពាក់ព័ន្ធនិងពត៌មានខាងលើយើងនឹងព្យាយាមរកប្រភព និងឯកសារបន្ថែមទៀត ដើម្បីលំអិនជូន មិត្តអ្នកអានអោយបានដឹងកាន់តែច្បាស់បន្តទៀត ៕