កិច្ចប្រជុំស្តីពីការងារពាក់ព័ន្ធ និងក្រុមជំនួយការ សម្រាប់ក្រុមការងារថ្នាក់ជាតិ ចុះមូលដ្ឋាន ដើម្បីត្រួតពិនិត្យ និងគាំទ្រការអនុវត្តកម្មវិធីនយោបាយ និង យុទ្ធសាស្ត្រ ចុតកោណដំណាក់កាលទី៣ រប់សរាជរដ្ឋាភិបាលកម្ពុជា ប្រចាំក្រុងស្រុក ខេត្តបាត់ដំបង បានប្រព្រឹត្តទៅ កាលពីថ្ងៃទី ២៧ ខែសីហា នៅសាលាខេត្តបាត់ដំបង ក្រោមអធិបតីភាព លោក សុខ គង់ អភិបាលរងនៃគណអភិបាលខេត្តបាត់ដំបង។
យោងតាមសេចក្តីសម្រេច ស្តីពីការបង្កើតក្រុមជំនួយការសម្រាប់ក្រុមការងារថ្នាក់ជាតិ ចុះមូលដ្ឋានសេចក្តីសម្រេចស្តីពីការបង្កើតក្រុមការងារថ្នាក់ជាតិចុះមូលដ្ឋានព្រមទាំងសេចក្តី សម្រេចស្តីពីការបង្កើតក្រុមជំនួយការងារថ្នាក់ជាតិ និងសេចក្តីណែនាំស្តីពីតួនាទីភារកិច្ច និង របៀបរបបការងារ សម្រាប់ថ្នាក់ជាតិ និងសេចក្តីណែនាំស្តីពីតួនាទី ភារកិច្ច និងរបៀបរបប ការងារ សម្រាប់ក្រុមការងារ ចុះបំពេញបេសកម្ម តាមមូលដ្ឋាន ដើម្បីត្រួតពិនិត្យនិងគាំទ្រ ការអនុវត្តកម្មវិធី នយោបាយនិងយុទ្ធសាស្ត្រចតុកោណ ដំណាក់ទី៣ របស់រាជរដ្ឋាភិបាល បញ្ជាក់ថាដើម្បីគាំទ្រ និងរួមចំណែក ជម្រុញការអនុវត្តកម្មវិធីនយោបាយ និងយុទ្ធសាស្ត្រ ចតុកោណ ដំណាក់កាលទី៣ ផែនការយុទ្ធសាស្ត្រអភិវឌ្ឍន៍ជាតិ គោលនយោបាយ និងកម្មវិធី នានារបស់រាជរដ្ឋាភិបាល សម្រាប់និតិកាលទី៥ នៃរដ្ឋសភា រាជរដ្ឋាភិបាល បានចេញសេចក្តី សម្រេចបង្កើតក្រុមការងារ ចុះបំពេញបេសកម្មតាមមូលដ្ឋានក្នុងគោលបំណង ដើម្បីឲ្យកម្មវិធី នយោបាយខាងលើនេះបានអនុវត្ត ប្រកបដោយប្រសិទ្ធភាព នៅគ្រប់មូលដ្ឋានទូទាំងប្រទេស រាជរដ្ឋាភិបាលកំណត់តួនាទី ភារកិច្ច និងរបៀបរបបធ្វើការ ក្នុងការបំពេញបេសកម្មនៅ មូលដ្ឋាន ក្រុមការងារមានតួនាទីលើកកំពស់កិច្ចសហការ សម្របសម្រួលក្នុងការដោះស្រាយ បញ្ហានានា ក្នុងការបំរើផលប្រយោជន៍ជូនប្រជាពលរដ្ឋតាមមូលដ្ឋាន ហើយក៏មានភារកិច្ច សំខាន់ៗដែរ ដូចជា ផ្សាភ្ជាប់ទំនាក់ទំនងរវាងរាជរដ្ឋាភិបាល និងប្រជាពលរដ្ឋ តាមរយៈការ ផ្សព្វផ្សាយឲ្យទូលំទូលាយ នូវកម្មវិធីនយោបាយយុទ្ធសាស្ត្រចតុកោណ ដំណាក់កាលទី៣ ផែនការយុទ្ធសាស្ត្រអភិវឌ្ឍន៍ជាតិ គោលនយោបាយាភូមិ ឃុំ មានសុវត្ថិភាព គោលនយោបាយតាមវិស័យ ក៏ដូចជាសភាពការរួម របស់ប្រទេសជាតិ ភ្ជាប់ជាមួយ សភាពការនៅមូលដ្ឋាន។ សហការរៀបចំវេទិការសាធារណៈតាមមូលដ្ឋាន ស្តាប់សំណូមពរ សំណើ របស់ប្រជាពលរដ្ឋ និងដោះស្រាយរាល់សំណូមពរទាំងនោះ ដោយផ្អែកលើច្បាប់។ សហការដោះស្រាយ បញ្ហាប្រឈម និងកៀគរធនធានពីប្រភពនានា ដើម្បីចូលរួម ដោះស្រាយជីវភាពប្រជាពលរដ្ឋ ក៏ដូចជាការ អភិវឌ្ឍន៍មូលដ្ឋានរបស់យើង៕
