ភ្នំពេញ ៖ លោកស្រីនាយករដ្ឋមន្ត្រី ម៉ែន សំអន រដ្ឋមន្ត្រីក្រសួងទំនាក់ទំនងជាមួយរដ្ឋសភា-ព្រឹទ្ធសភា និងអធិការកិច្ច បានបញ្ជប់ទស្សនៈកិច្ចជាផ្លូវការនៅសាធារណរដ្ឋប្រជាមានិតចិន និងបានត្របល់មកដល់មាតុប្រទេសវិញ ប្រកបដោយ សុវត្ថិភាព នារសៀលថ្ងៃទី២៨ ខែកញ្ញា ឆ្នាំ២០១៧។
លោក ស្រី ម៉ែន សំអន បានបញ្ជាក់ថា៖ ក្រោយពីបញ្ចប់ដំណើរទស្សនកិច្ច សិក្សាស្វែងយល់ លើវិស័យអធិការកិច្ច រយៈពេល៤ថ្ងៃនៅប្រទេសចិននេះ ក្រុមអធិការកិច្ចកម្ពុជា និងទទួលបានបទពិសោធន៏ខ្ពស់ ដើម្បីយកមកអនុវត្ដការងារ ឲ្យមានប្រសិទ្ធភាព នៅកម្ពុជាផងដែរ ។ ដំណើរទស្សនៈកិច្ចនេះផងដែរ តបតាមការអញ្ជើញរបស់គណៈកម្មាធិការអធិការកិច្ចវិន័យចិន ដូចមានចែងក្នុងអនុសារណៈយោគយល់គ្នាលើវិស័យអធិការកិច្ចរវាងក្រសួងទំនាក់ទំនងជាមួយរដ្ឋសភា-ព្រឹទ្ធសភា និងអធិការកិច្ច និងក្រសួងត្រួតពិនិត្យចិន កាលពីដើមខែ មិថុនា ឆ្នាំ២០១៧ ។ ក្នុងដំណើរទស្សនៈកិច្ចនោះ ប្រតិភូក៏បានជួបថ្នាក់ដឹកនាំ ដោយធ្វើការផ្លាស់នូវប្តូរបទពិសោធន៍លើការងារអធិការកិច្ច ក៏ដូចជារាយការណ៍ជូនគ្នាទៅវិញទៅមកអំពីលទ្ធផលអធិការកិច្ច។ បន្ទាប់មក គណៈប្រតិភូក៏បានអញ្ជើញទស្សនាព្រះបរម្យរាជវាំង មជ្ឈមណ្ឌលសេវាសាធារណៈ នៅទីក្រុងប៉េកាំង និង ខេត្តគ័ងដុងផងដែរ ។
លោកស្រី ឧបនាយករដ្ឋមន្ត្រី ម៉ែន សំអន បានរំលឹកថា៖ នៅក្នុងដំណើទស្សនកិច្ចរយៈពេល ៤ថ្ងៃ នៅប្រទេសចិននេះ គណៈប្រតិភូ អធិការកម្ពុជា បានជួប ពិភាក្សាការងារ ផ្លាស់ប្ដូរបទពិសោធន៏ វិស័យអធិការកិច្ចនៅប្រទេសចិន ដើម្បី ពង្រឹងប្រសិទ្ធភាពការងារ ជាមួយលោកចាវ ហុងជូ (Zhao Hongzhu) លេខាធិការរង គណ:កម្មាធិការមជ្ឈឹមអធិការកិច្ចវិន័យ នៃគណបក្សកុម្មុយនីសចិន នៅទីក្រុងប៉េកាំងប្រទេសចិន នារសៀលថ្ងៃទី២៦ ខែកញ្ញា ឆ្នាំ២០១៧ នៅខេត្ដណានិញ ប្រទេសចិន ។
ក្នុងឱកាសនោះ លោកចាវ ហុងជូ លេខាធិការរង បានកោតសសើរចំពោះការអភិវឌ្ឍន៍សេដ្ឋកិច្ចរបស់កម្ពុជា ក្រោមការដឹកនាំ របស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជា ណាចក្រកម្ពុជា និងស្វាគមន៍យ៉ាងកក់ក្តៅចំពោះប្រតិភូកម្ពុជា ដែលបានមកបំពេញទស្សនកិច្ច សិក្សា ស្វែងយល់ និង ផ្លាស់ប្ដូរបទពិសោធន៏ ការងារអធិការកិច្ច រវាងកម្ពុជា.ចិន នៅពេលនេះ ក្នុងគោលបំណង ដើម្បីពង្រឹង ប្រសិទ្ធភាព ការងារ និង រឹតចំណង សាមគ្គីភាព មិត្ដភាព បងប្អូន តែមួយ ។
ជាការឆ្លើយតប លោកស្រី ឧបនាយករដ្ឋមន្ត្រី បានថ្លែង អំណរគុណចំពោះប្រជាជនបក្ស និងរដ្ឋាភិ បាលចិន ដែលជានិច្ចកាល មិត្ដចិន តែងតែ បន្ដការ គាំទ្រ និងយកចិត្តទុក្ខដាក់ក្នុងការឧបត្ថម្ភ ដល់កម្ពុជា គ្រប់ពេល ។
លោកស្រី ក៏បានលើកឡើងផងដែរអំពីប្រវត្តិនៃ ការទំនាក់ទំនងរវាងប្រទេសទាំងពីរ តាំងពីសម័យបុរាណកាលរហូតមក ដល់បច្ចុប្បន្ន ហើយលោក ស្រីសង្ឃឹមថា ៖ប្រទេទាំងពីរកាន់តែរីកចម្រើនថែម ទៀត។ បន្ទាប់មកប្រតិភូទាំងពីរក៏បានធ្វើការផ្លាស់ប្តូរបទពិសោធន៍ជាមួយគ្នាទៅវិញទៅមកលើវិស័យអធិការកិច្ច និងទទួលទានអាហារ សាមគ្គីរួមគ្នា ស្ថិតក្នុងបរិយាកាសដ៏រីករាយ រាក់ទាក់ ក្នុងចំណងមិត្ដភាព សាមគ្គីភាព ក្នុងន័យ មិត្ដរួមអាជីព ការងារតែមួយបងប្អូនតែមួយ រួមសុខរួមទុក្ខតែមួយ ៕
