ពោធិ៍សាត់៖ លោកជា ហួត ជានាយផ្នែកនិងលោកហួត ប៊ុនណុលនាយរងផ្នែក រដ្ឋបាលព្រៃឈើស្រុកវាលវែងនិងលោកថន ប៊ុនថេតជាប្រធានអង្គការស៊ីអាយព្រមទាំងលោកប៉ាន់ មរកតប្រធានមន្ទីរបរិស្ថានខេត្តពោធិ៍សាត់ ដែលមានឥទ្ធិពល ក្ដោបក្ដាប់បទល្មើសព្រៃឈើនៅទូទាំងក្នុងខេត្តត្រូវបានគេរាយការណ៍ថាកំពុងត្រូវប៉ាន់។ប្រភពព័ត៌មានចេញពីមន្ត្រីដែល មិនបានទទួលផលក្នុងលក្ខណ័សូមមិនបញ្ចេញឈ្មោះត្រូវបានគេទម្លាយអោយដឹងថាឈ្មួញឈើធំៗ ល្បីៗប្រចាំខេត្តពោធិ៍សាត់ ដូចជាឈ្មួញមកពីខេត្តរតនគិរីឈ្មោះ ម៉េង និងឈ្មួញម្នាក់ទៀតឈ្មោះ ហេង ផល្លី មានទីលំនៅភូមិស្ទឹងថ្មី ឃុំប្រម៉ោយ ស្រុកវាលវែងបានធ្វើសកម្មភាព កាប់និងដឹកជញ្ជូនឈើជាទ្រង់ទ្រាយធំ នៅក្នុងភូមិសាស្ត្រ តំបន់ស្រែពាំង និង អន្លុងក្រូច ក្នុងស្រុកវាលវែង ខេត្តពោធិសាត់ យ៉ាងអណាធិបតេយ្យ ដោយគ្មានសមត្ថកិច្ចជំនាញណាបង្ក្រាបឡើយ។
ដោយឡែក ឈ្មួញឈើជើងយូមានឈ្មោះ វៃ នៅឃុំស្នាអន្សា ស្រុកក្រគរ ក៏កំពុងកាប់និងអារឈើ ដឹកតាមរថយន្តកែឆ្នៃចូលមកតំបន់បំណក់ក្នុងឃុំឈើតុំ និងមានឈ្មួញឈើជាច្រើនរូបទៀតក្នុងស្រុកភ្នំក្រវ៉ាញដែលគេស្គាល់ឈ្មោះចែនី ចែមុំប្ដីឈ្មោះពៅយួន និងឈ្មោះម៉េង ឈ្មោះនិត ឈ្មោះចែអ៊ូកឈ្មោះរ៉ា និងឈ្មួញឈើប្រមាណ២០នាក់ទៀតដែលឈ្មួញឈើទាំនោះសារព័ត៌មានយើងនឹងលើកយកឈ្មោះមកផ្សាយជូននៅលេខក្រោយ។
សេចក្ដីរាយការណ៍ពីប្រជាពលរដ្ឋនៅក្នុងស្រុកវាលវែង បានអះអាងថាមានមន្ត្រី បរិស្ថានក្នុងខេត្តពោធិ៍សាត់ដែលដឹកនាំដោយលោកប៉ាន់ មរកត់ជាប្រធានមន្ទីរ នៅតាមបណ្ដាគោលដៅនានា មិនបានទប់ស្កាត់ឡើយដោយបណ្តោយឲ្យឈ្មួញឈើខាងលើកាប់និងធ្វើចរាចរណ៍ដឹកជញ្ជូនបានដោយរលូន.ខណៈក្រុមកម្មករ របស់ពួកគេ នាំគ្នាកាន់រណាយន្តចូលទៅក្នុងព្រៃកាប់ឈើយ៉ាងអានាធិបតេយ្យ។
មេឈ្មួញភាគច្រើ បានប្រើរថយន្តកែឆ្នៃនិងរថយន្តបង្កុងនិងគោយន្តកន្ត្រៃរាប់សិបគ្រឿងដឹកឈើ រាជថ្កុល ធ្នុង និងនាងនួន ចេញពីក្នុងព្រៃដោយពួកគេបានសហការគ្នារវាងសមត្ថកិច្ចជាមួយមេឈ្មួញប្រចាំក្នុងខេត្តដែលអាងខ្នងជាអ្នកមានអំណាចធំៗមួយចំនួនក្នុងខេត្តពោធិ៍សាត់ ផងដែរ។
ពាក់ព័ន្ធនឹងសេចក្តីរាយការណ៍ខាងលើ លោកឡាយ វិសិដ្ឋប្រធានមន្ទីរកសិកម្មខេត្តពោធិ៍សាត់បានអោយដឹងថា៖ខ័ណ្ឌរដ្ឋបាលព្រៃឈើតាមបណ្ដាខេត្តទូទាំងប្រទេសត្រូវបានរាជរដ្ឋាភិបាលសម្រេចកាត់បញ្ចូលមកនៅក្រោមការគ្រប់គ្រងរបស់មន្ទីរកសិកម្មខេត្ត ប៉ុន្តែមន្ត្រីរដ្ឋបាលព្រៃឈើមិនស្ដាប់និងមិនគោរពតាមបទបញ្ជារបស់ប្រធាមន្ទីរកសិម្មឡើយ។
ប្រជាពលរដ្ឋសំណូមពរនិងស្នើសុំឯកឧត្ដម ម៉ៅ ធនិន អភិបាលខេត្តពោធិ៍សាត់ មេត្តាចាតវិធានការកង្ក្រាបទាន់ពេលវេលាផង។
