មណ្ឌលគីរី ៖ ឧកញ៉ាសឹងសំអុលនាយយកក្រុមហ៊ុនម៉ាស្ទើខេសាន់ដែលជាក្រុមហ៊ុមកាប់ជួញឈើដ៏ល្បីក្រោមឈ្មោះវិនិយោគដាំស្វាយចន្ទីនៅក្នុងស្រុកកោះញែកខេត្តមណ្ឌលគីរីផ្ទុយ នៅក្នុងរដូវបុណ្យភ្ជំបិណ្ឌវេនទី១២ ត្រូវនឹងថ្ងៃទី១៧ ខែកញ្ញាឆ្នាំ២០១៧កន្លងមកនេះគេបានឃើញនាំសាច់ញាតិគ្រួសារមករាប់បាទចែកលុយនៅក្នុងក្រុងកំពុងចាម ។ ក្នុងនោះគេ បានឃើញលោកឧកញ៉ា ស៊ឹង សំអុល និងលោកជំទាវ ឃិន ស្រីមុំ លោកចាន់ ផល្លី អភិបាលក្រុងកំពង់ចាម និងស្រី រួមជាមួយ ពុទ្ធបរិស័ទជាច្រើនទៀត នៅវត្តខែលជ័យសិរីសោភ័ណមុនីរតនៈ ស្ថិតនៅក្នុងឃុំអូរស្វាយ ស្រុកកំពង់សៀម ខេត្តកំពង់ចាម នាំយកចង្ហាន់ សម្ភារៈ និងបច្ច័យមួយចំនួនទៅប្រគេនដល់ព្រះសង្ឃផងដែរ។ ក្នុងនោះមានបច្ច័យ កសាងរូបគំនូរក្នុងព្រះវិហារ បច្ច័យកសាងរៀបឥដ្ឋការ៉ូឡាជុំវិញឃឿនវិហារ ព្រមទាំងបានប្រគេនបច្ច័យដល់ព្រះសង្ឃ និងជូនថវិកាដល់លោកតា លោកយាយ និងកុមារតូចៗផងដែរ។
បើគិតពីការចំណាយតិចណាស់សម្រាប់ឧកញ៉ាសឹងសំអុលដែលជាឈ្មួញបំផ្លាញព្រៃឈើ។ចឹងហើយបានជាក្រោយពីបានធ្វើបុណ្យប្រជាពលរដ្ឋដែលស្គាល់ឧកញ៉សឹងសំអុលនិយាយថា៖គាត់នេះបុណ្យក៏ធើឈើក៏កាប់ច្រើនដែរ!។ព្រោះថាក្រុមហ៊ុនម៉ាស្ទើខេសាន់នេះបើតាមមន្ត្រីជំនាញនិងអាជ្ញាធរខេត្តមណ្ឌលគិរីឲ្យដឹងថាមានដីវិនិយោគដាំស្វាយចន្ទីតែ៦០០០ហិកតាតែប៉ុណ្ណោះតែក្រុមហ៊ុនឧកញ៉សឹងសំអុលកាប់ដឹកជញ្ជូនឈើប្រណិតរាប់ឆ្នាំមិនចេះអស់។
ឈ្មួញកាប់និងជួញឈើដែលមានគោរម្យងារឧកញ៉ារូបនេះធ្លាប់ត្រូវបាននាយករដ្ឋមន្ត្រីតេជោហ៊ុនសែនរំលឹកឈ្មោះនៅក្នុងអង្គពេញអង្គគណរដ្ឋមន្ត្រីកាលពីថ្ងៃទី១៥មករាឆ្នាំ២០១៦ក្នុងពេលដែលសម្តេចបានប្រកាសបង្កើតគណៈកម្មការបង្ក្រាបបទល្មើសព្រៃឈើនៅភូមិភាគឥសាន្តដែលមានលោកនាយឧត្តមសេនីយ៍សៅសុខាជាមេ។ជាលទ្ធផលឈើជាង៦ម៉ឺនម៉ែតគូបត្រូវបានបង្ក្រាបដកហូតក្នុងរយៈពេល៣ខែតែគ្មានអាជ្រុញណាមួយត្រូវបាននាំយកមកផ្តន្ទាទោសពីបទប្រព្រឹត្តឧក្រឹដ្ឋកម្មព្រៃឈើឡើយ។
បើទោះបីក្នុងនោះគណៈកម្មការចម្រុះរកឃើញឈើខុសច្បាប់ជាំ១ម៉ឺនម៉ែតគុបនៅក្នុងក្រុមហ៊ុនប៊ិញភឿក១និងក្រុមហ៊ុនម៉ាស្ទើខេសាន់ក្នុងចំណោមក្រុមហ៊ុន៦ទៀតក៏ដោយតែលទ្ធផលសូន្យ។ម្សៀឧកញ៉សឹងសំអុលឈ្មួញឈើរូបនេះគ្រាន់តែសម្ងំលាក់ខ្លួនតែមួយរយៈឥឡូវត្រុវបានគេរាយការណ៍ថាបានបកក្បាលមករកដឹកជញ្ជូនឈើចេញទៅស្រុកយួនវិញវិញដោយចំហរដដែលក្នុងរយៈពេល២ខែកន្លងមកនេះក្រោមលេសនាំចេញឈើស្របច្បាប់(ស៊ិក)។
ប្រភពច្បាស់ការណ៍ បាន ឲ្យដឹងថា ក្បួនរថយន្តធុនធំ ដែលអ្នកស្រុកហៅថា ប្រភេទយីឌុប មានផ្ទុកឈើប្រណីតពេញប្រៀប ចាប់ផ្តើមចេញដំណើរទីស្នាក់ការក្រុមហ៊ុនម៉ាស្ទើ ខេសាន់ ក្នុងភូមិសាស្ត្រ ភូមិសុខសាន្ត ឃុំសុខសាន្ត ស្រុកកោះញែក ខេត្តមណ្ឌលគិរី ដោយគ្រោងឆ្លងកាត់ចូលទៅក្នុងទឹកដីវៀតណាម តាមច្រករបៀងមួយចំនួន នៅក្នុងខេត្តក្រចេះ និងខេត្តត្បូងឃ្មុំ។
សកម្មភាពដឹកឈើយ៉ាងសម្រុកនៅពេលយប់ និងដោយលាក់លៀមនេះ បានចាប់ផ្តើមធ្វើឡើងកាន់តែខ្លាំងថែមទៀត បន្ទាប់ពីមេការបស់លោកឧកញ៉ា សិង្ហ សំអុលម្នាក់ឈ្មោះខុន កាលពីថ្ងៃទី១១ ខែកញ្ញា បានចែកលុយឲ្យអ្នកកាសែតជាង១០០នាក់ ក្នុងស្រុកស្នួល ខេត្តក្រចេះ ។
នៅក្នុងសប្តាហ៍មុន និងនៅក្នុងសប្តាហ៍នេះ ក្រុមកម្មករកាប់ឈើបានប្រមូលគ្រឿងចក្រ និងរថយន្តធុនធំរាប់សិបគ្រឿង ចូលទៅក្នុងដែនជម្រកសត្វព្រៃភ្នំព្រេច ក្នុងស្រុកពេជ្រាដា និងស្រុកកោះញែក ខេត្តមណ្ឌលគិរី ដើម្បីត្រៀមដឹកឈើខុសច្បាប់ចេញនៅពេលយប់ស្ងាត់។
សកម្មភាពបំផ្លាញធនធានព្រៃឈើ ដែលនៅសល់ចុងក្រោយតិចតួចសម្រាប់ប្រទេសកម្ពុជា គឺកើតឡើងបន្ទាប់ពីអាជ្ញាធរខេត្ត ជាពិសេស មន្ត្រីឧទ្យានុរក្សនៃមន្ទីរបិរស្ថានខេត្ត បានចុះបង្ក្រាបបទល្មើសព្រៃជាបន្តបន្ទាប់ និងចាប់រឹបអូសបានគ្រឿងចក្រមួយចំនួន ដែលបម្រើឲ្យសកម្មភាពកាប់បំផ្លាញព្រៃឈើនៅក្នុងខេត្តនេះ។
ប៉ុន្តែ តាមប្រភពច្បាស់ការណ៍ បានរាយការណ៍មកថា អាជ្ញាធរខេត្តបានដោះលែងរថយន្ត និងគ្រឿងចក្រទាំងនោះទៅវិញ ដែលធ្វើឲ្យក្រុមឧកញ៉ា សិង្ហ សំអុល កាន់តែមានកម្លាំងចិត្តសម្រុកកាប់ និងដឹកឈើចេញយ៉ាងកក្រើកព្រៃភ្នំ។
សូមរំឭកថា ក្រុមឧទ្យានុរក្សនៃមន្ទីរបរិស្ថានខេត្តមណ្ឌលគិរី កាលពីថ្ងៃទី២៩ ខែសីហា បានចាប់ត្រាក់ទ័រសណ្ដោងរ៉ឺម៉កមួយគ្រឿងខណៈពួកគេដើរល្បាតនៅក្នុងព្រៃជ្រៅ នៅត្រង់ចំណុចអូកាតោះក្នុងដែនជម្រកសត្វព្រៃភ្នំព្រេច ក្បែរភូមិពូជ្រៃ ឃុំពូជ្រៃ ស្រុកពេជ្រាដា ខេត្តមណ្ឌលគិរី ដែលនៅក្បែរត្រាក់ទ័រដែលចាប់បាននេះ មានដើមឈើសុក្រមចំនួន២១ដើមត្រូវបានគេកាប់ផ្តួល និងក្តារបន្ទះធំៗចំនួន៥០សន្លឹកទៀតផងដែរ។
កាលពីថ្ងៃទី១៣ ខែសីហា កម្លាំងចម្រុះរបស់ខេត្តមណ្ឌលគិរី ដែលនាំដោយលោកចឹង សុចន្ថា អភិបាលរងខេត្ត និងបានចាប់រឹបអូសរថយន្តសម្រាប់ដឹកឈើ និងឈើអាររួចជាច្រើនកំណាត់ស្ថិតនៅក្នុងដែនជម្រកសត្វព្រៃដដែនេះ ដោយរឹបអូសមធ្យោបាយសម្រាប់បម្រើសកម្មភាពកាប់បំផ្លាញឈើខុសច្បាប់ រួមមានរថយន្តបង្កុងកែច្នៃមួយគ្រឿង ត្រាក់ទ័រមួយគ្រឿង រថយន្តធុនធំមួយគ្រឿង និងឈើប្រភេទកកោះ និងសុក្រំ ដែលគេអាររួចចំនួន៧១កំណាត់ ។
ប៉ុន្តែក្រោយពីក្រុមល្បាតរបស់ឧទ្យានុរក្សចាប់បានឧបករណ៍បម្រើឲ្យបទល្មើសព្រៃឈើជាបន្តបន្ទាប់រួចមក វាហាក់ដូចជាស្តែងឲ្យឃើញថា ក្រុមមន្ត្រីអនុវត្តច្បាប់ចាប់ផ្តើមស្គាល់ជនល្មើស ឬអាចហៅថា ស្គាល់ចិត្តថ្លើមគ្នា ដែលជាហេតុធ្វើសកម្មភាពកាប់បំផ្លាញធនធានព្រៃឈើកាន់តែរីករាលដាល។
នៅក្នុងខែសីហា និងខែកញ្ញា ឆ្នាំ២០១៧នេះ លោកឧកញ៉ា សិង្ហ សំអុល បាននិងកំពុងសម្រុកដឹកឈើតាមរថយន្តធំៗរាប់សិបគ្រឿង ទៅកាន់ប្រទេសវៀតណាម។ លោកឧញ៉ា សិង្ហ សំអុល គឺជាមុខសញ្ញានៃបទឧក្រិដ្ឋកម្មព្រៃឈើ ដែលត្រូវបានចង្អុលបង្ហាញកន្លងមកដោយសម្ដេចអគ្គមហាសេនាបតីតេជោ ហ៊ុនសែន នាយករដ្ឋមន្ត្រីនៃព្រះរាជាណាចក្រកម្ពុជា។
លោកនាយឧត្តមសេនីយ៍ សៅ សុខា ប្រធានគណៈកម្មការជាតិ ដើម្បីទប់ស្កាត់ និងបង្ក្រាបបទល្មើសធនធានធម្មជាតិ បានធ្វើរបាយការណ៍មួយចុះថ្ងៃទី១៦ ខែឧសភា ឆ្នាំ២០១៧ ផ្ញើជូនសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីកម្ពុជា ដែលក្នុងរបាយការណ៍នោះ លោកបានរៀបរាប់ឈ្មោះមន្ត្រីជាន់ខ្ពស់នៅក្នុងខេត្តមណ្ឌលគិរីចំនួន១៣រូប ជាប់ពាក់ព័ន្ធយ៉ាងខ្លាំងនៅក្នុងសកម្មភាពកាប់បំផ្លាញព្រៃឈើយ៉ាងរង្គាលនៅក្នុងខេត្តនេះ។
ក្នុងចំណោមមន្ត្រីជាន់ខ្ពស់១៣រូប ដែលមានឈ្មោះក្នុងរបាយការណ៍ពិសេសនេះមានមន្ត្រីខ្លះត្រូវបានគេរាយការណ៍មកថា អង្គភាពប្រឆាំងអំពើពុករលួយបើកការសើបអង្កេត ប៉ុន្តែរហូតមកដល់ពេលនេះ មិនទាន់មន្ត្រីណាម្នាក់ត្រូវបានចាប់ខ្លួនឡើយ។
នៅក្នុងរបាយការណ៍នេះដែរ បានរៀបរាប់ថា ជនជាតិវៀតណាម១១នាក់ ដែលបានចូលមកកាប់ឈើខ្មែរ ក្រោមការសម្របសម្រួលពីមន្ត្រីទាំងនេះ ត្រូវបានមន្ត្រីកងរាជអាវុធហត្ថ ដែលស្ថិតក្រោមបញ្ជារបសើលោក សៅ សុខា បានចាប់ខ្លួន ហើយឃុំពួកគេនៅក្នុងពន្ធនាគារខេត្ត។
នៅចុងបញ្ចប់នៃរបាយការណ៍បួនទំព័រ លោក សៅ សុខា បានលើកជាសំណូមពរដល់សម្តេចតេជោ ហ៊ុន សែន ថា «ស្នើសុំក្រសួង ស្ថាប័ន អង្គភាព ចាត់ការមន្ត្រីក្រោមឱវាទ ដែលធ្វេសប្រហែស និងធ្វេសប្រហែស ក្រោមឥទ្ធិពល ក្នុងការបំពេញតួនាទី ភារកិច្ចតាមច្បាប់លក្ខន្តិកៈ។ អាស្រ័យដូចបានគោរពរាយការណ៍ខាងលើ សូមសម្តេចតេជោ មេត្តាជ្រាប និងសុំការដឹកនាំដ៏ខ្ពង់ខ្ពស់»។សម្តេចតេជោ ហ៊ុន សែន កាលពីថ្ងៃ២២ ខែឧសភា ឆ្នាំ២០១៧ បានចារឯកភាពចំពោះសំណូមពរឲ្យសាមីស្ថាប័ន ដែលជាអាណាព្យាបាលរបស់មន្ត្រីពុករលួយទាំងនេះ ជាអ្នកចាត់វិធានការបន្ត។
ប៉ុន្តែរហូតមកដល់ថ្ងៃនេះ មានតែលោកឧត្តមសេនីយ៍ត្រី តូច យន់ ស្នងការនគរបាលខេត្តមណ្ដលគិរី តែម្នាក់ប៉ុណ្ណោះ ដែលត្រូវបានដកចេញពីតំណែង ចំណែកឯមន្ត្រី១២រូបទៀតមិនត្រូវបានដកចេញពីតំណែងនៅឡើយទេ។ ផ្ទុយទៅវិញ មន្ត្រីមួយចំនួនត្រូវបានស្ថាប័នរបស់ពួកគេលើកទឹកចិត្តឲ្យបន្តកាន់តំណែងដដែល ឬគ្រាន់តែប្តូរកន្លែងធ្វើការតែប៉ុណ្ណោះ។
សូមបញ្ជាក់ដែរថាកាលពីខែវិច្ឆិកាឆ្នាំ២០១៦ទីស្តីការគណរដ្ឋមន្ត្រីបានចេញសេចក្តីជូនដំណឹងមួយលេខ១១៨៨សជណចុះថ្ងៃទី៨វិច្ឆិកាឆ្នាំឈ២០១៦ដោយយោងតាមចំណារនាយករដ្ឋមន្ត្រីចុះថ្ងៃទី៣វិច្ឆិកាឆ្នាំ២០១៦លើសំណើររបស់ក្រសួងបរិស្ថានឲ្យដឹងថា៖រាជរដ្ឋាភិបាលបានអនុញ្ញាតិជាគោលការណ៍ឲ្យក្រុមហ៊ុនវីអែនឺជីឡូជីស្ទីកនាំចេញឈើច្នៃប្រមាណជាង៦ម៉ឺនម៉ែតគូប(ឈើដែលរឹបអូសបាន)តាមបទដ្ឋានកំណត់ក្នុងអនុក្រឹត្យលេខ១៣១អ.ន.ក្រ.បក។
តែផ្ទុយទៅវិញបើតាមការពិនិត្យទាំងឧកញ៉ាអ៊ឹងតាន់ស៊ីវិរៈដែលកេថាជាអ្នកដេញថ្លៃបានដើម្បីនាំចេញរហូតបង្កើតទីតាំងសិប្បកម្មនៅត្រពាំងស្រែក៏ដូចជាឧកញ៉ាសឹងសំអុលគឺគ្មានទេការនាំចេញឈើច្នៃពួកនេះបានឃុបឃឹតគ្នាជាមួយជំនាញនិងអាជ្ញាធរនាំចេញឈើដុលតែម្តង។ក្នុងរូបភាពនេះបើមន្ត្រីជំនាញនិងអាជ្ញាធរខេត្តមណ្ឌលគីរីក្រចេះនិងខេត្តត្បូងឃ្មុំមិនបានទទួលបានលាភសក្ការៈទេឧកញ៉ាសឹងសំអុលក៏ដូចជាឧកញ៉ាលក្ស័មិនអាចធើបានទេ។គេនៅចាំបានថា៖
នៅក្នុងវេទិកាជាតិលើកទី២ ស្តីពីការការពារ និងអភិរក្សធនធានធម្មជាតិ នាថ្ងៃទី២២ ខែសីហា ឆ្នាំ២០១៧ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជាបានបញ្ជាឲ្យស្រង់ឈ្មោះមន្ត្រីខិលខូច និងឧកញ៉ាមួយចំនួន ដែលលោកថា ជួយកសាងបន្តិចបន្តួច តែបែរជាសង្ខំលាក់ខ្លួន ធ្វើជាឧក្រិដ្ឋជនបំផ្លាញព្រៃនៅតាមខេត្តមួយចំនួនទៅវិញ។
សម្តេច តេជោ ហ៊ុន សែន ថ្លែងបញ្ជាក់ថា ៖ «កាប់បំផ្លាញព្រៃឈើណាមួយ វាមិនខុសពីការកាប់ក្បាលខ្ញុំព្រះករុណាខ្ញុំនោះទេ។ អញ្ចឹងបានជាខ្ញុំករុណាខ្ញុំ ស្អប់ណាស់ អាមនុស្សកាប់ឈើនេះ បំផ្លាញព្រៃឈើនេះ។ នៅពេលប្រជុំគណបក្ស ខ្ញុំករុណាខ្ញុំ តែងរំឭកហើយ ថាកុំឲ្យមានការអត់អោនជាមួយអ្នកប្រព្រឹត្តអំពើអាណាធិបតេយ្យ អំពីបញ្ហាកាប់បំផ្លាញព្រៃឈើ ទោះបីអ្នកនោះមានឋានៈស្អីក៏ដោយ»។ប៉ុន្តែប្រសាន៍តេជោបើប្រៀបជាមួយសេចក្តីរាយការណ៍ខាងលើគ្មានតម្លៃអីតិចហ្ម៉ង!!៕
