ភ្នំពេញ ៖ លោក យូឌិស្កូ តារាសម្តែងបានធ្លាក់ខ្លួនឈឺជាទម្ងន់ រហូតត្រូវការឈាមបញ្ជូលដើម្បីសង្គ្រោះ ។ យោងតាមគណនីហ្វេសប៊ុករបស់អ្នកនាង ចន ច័ន្ទលក្ខិណាប្រធានសមាគមថ្មីសិល្បៈកបានតាមរយះហ្វេសប៊ុកបានឲ្យដឹងាថា ៖ “តារាសម្តែង យូ ឌីស្កូ កំពុងមានជំងឺជាទម្ងន់ ឥឡូវនេះពួកយើងកំពុងពិគ្រោះ និង រង់ចាំលទ្ធផល ហើយគាត់ក៏ប្រឈមមុខនិង ការបញ្ចូលឈាម។ អ្វីដែលស្លុតបំផុតគឺគ្រាន់តែឃើញពួកខ្ញុំមកដល់គឺគាត់យំ និង ស្រវ៉ាចាប់ដៃពួកខ្ញុំ”។
ឯអ្នកនាង ទូច ស្រីលក្ខ័ដែលធ្លាប់ជាដៃគូសម្តែងជាមួយលោកយូឌិស្កូពេលបានទៅសួសុខទុក្ខក៏បាន បានសម្តែងភាពតក់ស្លុត ដោយបានសរសេរនៅលើគណនីហ្វេសប៊ុករបស់ខ្លួនថា៖ថ្ងៃនេះខ្ញុំពិតជាស្លុតមែនទែនពេលដែលបានដឹងថាដៃគូសំដែងរបស់ខ្ញុំ កំពុងឈឺជាទំងន់ដែលឥឡូវគាត់ត្រូវការឈាមជាបន្ទាន់ហើយអ្វីដែលធ្វើប្អូនជួយបងបានមានលុយបន្តិចបន្តួចជូនបង។
ខ្ញុំដឹងថាមិនច្រើនទេតែអ្វីដែលយើងអាចជួយគ្នាបានគឺពេលលំបាកនេះហើយ។អ្នកនាង ទូច ស្រីលក្ខ័បានសម្តែងការអរគុណដល់បងស្រី ចន ច័ន្ទលក្ខិណា ដែលបានយកចិត្តទុកដាក់រាល់បញ្ហារបស់សិល្បះ ។ទោះជាយ៉ាងណា គេមិនទាន់ដឹងច្បាស់ថាតារាសម្តែងរូបនេះមានជម្ងឺអ្វីរហូតត្រូវការឈាមបញ្ចូលនោះទេព្រោះ មិត្តរួមអាជីពដែលបានទៅសួសុខទុក្ខមិនបានបង្ហើបឲ្យដឹងដោយគ្រាន់តែពួកគេ ជូនពរឲ្យលោកឆាប់ជាសះស្បើយតែប៉ុណ្ណោះ ៕
