មណ្ឌលគីរី៖សកម្មភាពដឹកជញ្ជូនឈើប្រណិតតាមរថយន្តឡង់គ្រឺស័រឆ្លងទៅវៀតណាមតាមច្រកណាំលៀវ(ប៉ុស្តិ៧)បានកក្រើកវិញហើយ រយះពេលជិត២សប្តាហ៍កន្លងមកនេះ។មានសេចក្តីរាយការណ៍ថាតាមច្រកមួយនេះក្នុងមួយយប់មានសកម្មភាពរថយន្តដឹកឈើឆ្លងកាត់ចាប់ពី៧គ្រឿងទៅ១៥គ្រឿង ។
ជាងនេះទៅទៀត ច្រកនេះក៏មានការបើឲ្យឈ្មួញយួននាំ ឡានចូលមកដឹកឈើដោយផ្ទាល់ផងដែរ។កាលពីថ្ងៃទី២៥ ខែកញ្ញា ឆ្នាំ២០១៧ក៏មានសេចក្តីរាយការណ៍ថា៖មាន ឈ្មួញវៀតណាមបាននាំឡានសែកាង(រថយន្តកែច្នៃ)ជិត៥០គ្រឿងចូលតាម(ច្រកណាំលៀ-ខាងភាគីវៀតណាម) ដែលខាងភាគីកម្ពុជាគេហៅថា៖ ប៉ុស្តិ៧ ដើម្បីចូលដឹកឈើម្តុំប៉ុស្តិ៤-៥ ស្រុកពេជ្រាដា ខេត្តមណ្ឌលគិរី ។បន្ទាប់ពីគម្រោងឈ្មួញវៀតណាមត្រៀមយកម៉ូតូកែច្នៃជិត៥០០គ្រឿងចូលដឹកឈើម្តុំប៉ុស្តិ៤-៥ ឆ្លងទៅវៀតណាមតាមច្រក៧៥១ត្រូវបែកការណ៍។
ករណីនេះបើតាមប្រភពឲ្យដឹងថាខាងវៀតណាមនិងខាងសមត្ថកិច្ចកម្ពុជាក៏រួមគ្នាកាយលុបផ្លូវដែលឈូសឆាយពីទឹកវៀតណាមចូលតាមច្រក៧៥១អោយដូចដើមវិញ ចៀសវាងគម្រោងដឹកបទល្មើសឈើនៅប៉ុស្តិ៤-៥ បែកធ្លាយដល់ថ្នាក់លើ?។ ច្រកណាំលៀវឬប៉ុស្តិលេខ៧ភាគីកម្ពុជាមានលោក សំរិទ្ធ ណនជា មេប៉ុស្តិនគរបាលច្រកត្រូវបានគេរាយការណ៍ថាជាអ្នកបើកភ្លើងអោយឈ្មួញដឹកឈើឆ្លងកាត់ ជាថ្នូរពីលាភសក្ការៈនសការយកតុងលុយក្បាលឡាន ។
គេមិនដឹងថាលោកលោកស្នងការនគរបាលខេត្តដែលទើបចូលកាន់តំណែងថ្មីជំនួសលោកូចយ៉ុនដែលត្រុវបានផ្លាស់ចេញបន្ទាប់ពីផ្ទុះរឿងអាស្រូវបើកឲ្យយួនចូលមកកាប់ឈើតាមច្រកអូរហ៊ុចបានដឹងដែរឬអត់នោះទេព្រោះបើតាមពតិមានគេថាលោក សំរិទ្ធ ណយ ហាក់បីដូចជាមិនញញើតច្បាប់សូម្បីតែបន្តិច សោះឡើយ។ ច្រកប៉ុស្តិ៧ឬណាំលៀវនេះគឺពោពេញដោយសកម្មភាពចរាចរណ៍ឈើប្រណិតទៅវៀតណាម ក្នុងនោះសូម្បីតែខាងគណៈកម្មការថ្មីដែលលោក ឌុល គឿនររដ្ឋលេខាធិការក្រសួងមហាផ្ទៃចេញបេសកកម្ម អោយចុះពិនិត្យសុវត្ថិភាពមិនស្របច្បាប់តាមព្រំដែនក៏ដោយក៏ច្រកប៉ុស្តិ៧ ឋិតនៅស្រុកពេជ្រាដា ខេត្តមណ្ឌលគិរីនៅតែមានឈើចេញរាល់យប់។
គេបានទម្លាយថា៖គម្រោងសកម្មភាពឈ្មួញវៀតណាមយកឡានសែកាង(រថយន្តកែច្នៃ)ជិត៥០គ្រឿងចូលតាមច្រកណាំលៀ ដើម្បីចូលដឹកឈើម្តុំប៉ុស្តិ៤-៥ ស្រុកពេជ្រាដា ហើយបង្វែរឆ្លងទៅវៀតណាមវិញតាមប៉ុស្តិ៧នេះ គឺមានទ្រង់ទ្រាយធំជាងតំបន់អូរហ៊ុច ស្រុកកែវសីមា ខេត្តមណ្ឌលគិរី ដែលត្រូវបង្ក្រាបទាន់ពេលដោយបទល្មើសជាក់ស្តែងកន្លងទៅរបស់កម្លាំងកងរាជអាវុធហត្ថលើផ្ទៃប្រទេស ដឹកនាំដោយលោកឧត្តមសេនីយ៍ឯក វង្ស ពិសេន មេបញ្ជាការរង និងជានាយសេនាធិការ ទៅទៀត។រឿងនេះនៅក្តៅៗសើមៗនៅឡើយបើអាជ្ញាធរខេត្តមណ្ឌលគីរីមិនបានដឹងរឿងនេះទៀតគឺចប់ហើយស្រុកខ្មែរយើងនោះ?៕
