កំពង់ធំ ៖ ប្រភពពីប្រជាពលរដ្ឋ ឲ្យដឹងថាមានការដឹកជ្រូកងាប់ក្នុងមួយថ្ងៃ ជាច្រើ ន ក្បា ល ចេញពីក្រុមហ៊ុនបីវីបី អ៊ិនវេសមេន(BVB) ហើយយក មកកាប់សាច់លក់នៅក្នុងទីផ្សាកំពង់ថ្មបំផ្លាញសុខភាពប្រជាពលរដ្ឋដោយមិនឃើញមានសមត្តកិច្ចជំនាញត្រួតពិនិត្យឡើយ ។
យោងតាមប្រភពពត៌មានច្បាស់ការណ៍ បាននិយាយថា ជារៀងរាល់ថ្ងៃមាន ម៉ូតូដឹកជ្រូកងាប់ ចេញពីកសិដ្ឋាន ក្រុមហ៊ុន បីវីបី អ៊ិនវេសមេន ក្នុងមួយថ្ងៃចាប់ពី ៤ទៅ១០ក្បាល ដែលសុទ្ធសឹងតែ ជាជ្រូកដែលមានជំងឺងាប់ តែត្រូវមន្រ្តីពេទ្យសត្វ និងម្ចាស់ក្រុមហ៊ុន មានការឃុបឃិតគ្នា ដឹកជ្រូក ងាប់យកមកលក់ អោយលោក ញឹម គីមអី និងលោកស្រី គឹម ជាអជីវករលក់សាច់ ជ្រូកនៅក្នុង ផ្សារកំពង់ថ្ម ប៉ុន្តែគេសង្កេតឃើញពេទ្យសត្វប្រចាំស្រុកបារាយណ៍ និងកំពង់ថ្ម ឈ្មោះ លោក ជួន ហាង និងលោក អ៊ឹម ឃីម សម្ងំឈឹង។
ពាក់ព័ន្ឋទៅនឹង ជ្រូកឈឺងាប់ ហើយដឹកយកទៅលក់ នៅទីផ្សាកំពង់ថ្ម លោក ម៉ក យុទ្ធនា អនុប្រ ធានមន្ទីរកសិកម្មខេត្តកំពង់ធំ ទទួលបន្ទុកការងារពេទ្យសត្វ និងជាទីប្រឹក្សា របស់ ក្រុមហ៊ុន បីវីបី អ៊ិនវេសមេន និងជាអតីត ពេទ្យសត្វ បានឆ្លើយរបៀបឡេឡឺដូចគោស្រាំងទិចថា ការងារនឹងលោកអត់ដឹងទេ មិនជំនាញទេ បើចង់សួរទៅសួរពេទ្យសត្វទទួលបន្ទុក ទៅ។
លោក ដៀប រតនា អនុប្រធានការយាល័យ ពេទ្យសត្វខេត្តកំពង់ធំ បានអោយដឹងថា បញ្ហារជ្រូក មានជំងឺ ជ្រូកមានរោគឆ្លង ជ្រូកងាប់មិនអនុញ្ញាតិ ឲ្យនាំយកមកធ្វើអជីវកម្ម លក់សាច់នៅទីផ្សា នោះទេ ចៀសវាងតែជ្រូកដែលដឹកមកពីទីឆ្ងាយហើយក្តៅហត់ងាប់ទើបបានការពិនិត្យត្រឹមត្រូវពីមន្រ្តីជំនាញពេទ្យសត្វទើបបានអនុញ្ញាតិអោយយកសាច់លក់នៅទីផ្សារបាន ។
ឯលោក ធីវ វណ្ណធី ប្រធានមន្ទីរ កសិកម្មខេត្តកំពង់ធំ បានផ្តល់បទសម្ភាសន៍ ពាក់ព័ន្ឋទៅនឹងកសិដ្ឋាន ចិញ្ចឹមជ្រូក របស់ក្រុមហ៊ុនបីវីបី អ៊ិនវេសមេន បាននាំជ្រូកងាប់មកលក់នៅទីផ្សារកំពង់ថ្មថា លោក បានឲ្យដឹងថា អាបញ្ហាហ្នឹងលោកនិងសួរទៅលោក ម៉ក់ យុទ្ធនា ព្រោះគាត់ជាអនុប្រធាន មន្ទីរ កសិកម្ម ទទួលបន្ទុកលើការងារហ្នឹង តែបើមានករណីកើតឡើងបែបនេះ លោកនិងហៅម្ចាស់ ក្រុមហ៊ុនមក ពិភាគក្សា ចំណែកលោកគ្រាន់តែប្រធានក្តាប់រួមតែប៉ុណ្ណោះ(សិក)។ដល់ពេលឃើញមន្ត្រីជំនាញឆ្លើយដាក់គ្នាទៅវិញទៅមកបែបនេះតើឲ្យប្រជាពលរដ្ឋសង្ឃឹមអីទៅ។មិនដឹងថាលោកអ៊ិករ៉ាប៊ុនរដ្ឋមន្ត្រីក្រសួងកសិកម្មរុក្ខាប្រម៉ាញ់នឹងចាត់ការករណីមួយនេះបែបណានោះទេ។
សូមបញ្ជាក់ថាកសិដ្ឋានចិញ្ចឹមជ្រូក ក្រុមហ៊ុនបីវីបី អ៊ិនវេសមេន(BVB) មានទីតាំងស្ថិតនៅក្នុងភូមិល្អក់ ឃុំកំពង់ថ្ម ស្រុកសន្ទុក ខេត្តកំពង់ធំ លើ ផ្ទៃដី៨៩ហិចតា ដែលទទួលបានការអនុញ្ញាតិ ពីក្រសួងកសិកម្មរុក្ខា ប្រមាញ់និងនេសាទ យោង តាម លិខិតលេខ១០៦អនុញ្ញាតិ អោយបង្កើតកសិដ្ឋានចិញ្ចឹមសត្វ ជ្រូក គោ ក្របី ជាលក្ខណៈ ឧស្សាហកម្ម នៅទីតាំងខាងលើ និងមានសុពលភាពរយះពេល៥ឆ្នាំ គិតចាប់តាំងពីថ្ងៃ ចុះហត្ថលេ ខា គឺថ្ងៃទី ៨ ខែ មករា ឆ្នាំ ២០០៩ ៕