ភ្នំពេញៈ ក្នុងរយៈពេលត្រឹមតែ៣ថ្ងៃចុងក្រោយ នៃពិធីបុណ្យភ្ជុំបិណ្ឌគឺជាបុណ្យដែលប្រជាជនខ្មែររំលឹកដល់ដូនតានិងញាតិ៧សន្តាន។តែក្នុងរយៈបីថ្ងៃចុងក្រោយនេះក៏មានប្រជាពលរដ្ឋខ្មែរ២៦នាក់ដែលស្រលាញ់ដូនតាពេកបានស្លាប់ទៅតាមតារយៈបើកបរ។តាមសេចក្តីរាយការណ៍របស់សមត្តកិច្ចគ្រោះថ្នាក់ចរាចរណ៍នៅទូទាំងប្រទេសនៅចន្លោះពីថ្ងៃទី១៩ ដល់ថ្ងៃទី២១ខែកញ្ញា ឆ្នាំ២០១៧ បានកើតឡើងចំនួន៥២លើក សម្លាប់មនុស្ស២៦នាក់ ក្នុងនោះមាននារី៤នាក់ និងរបួសធ្ងន់ស្រាល៩០នាក់។ បើធៀបរយៈពេលដូចគ្នា កាលពីឆ្នាំ២០១៦ ចំនួននេះមានការកើនឡើង១០ករណី ខណៈចំនួនអ្នកស្លាប់ និងរបួសកើន៣១នាក់។ ម៉ូតូខូច៧៣គ្រឿង រថយន្តតូច២២គ្រឿង រថយន្តធំ១គ្រឿង យានយន្តផ្សេងៗ១គ្រឿង។
មូលហេតុរួមមាន៖បើក ល្បឿនលឿន១៣លើក, ស្រវឹង៨លើក, ប្រជែង ៥លើក, មិនគោរពសិទ្ធិ៩លើក, មិនប្រកាន់ស្តាំ៧លើក, បត់គ្រោះថ្នាក់៩លើក និងកត្តាយានយន្ត១លើក។
ក្នងនោះនៅ ខេត្តព្រៃវែង កើតមានគ្រោះថ្នាក់ចរាចរណ៍៤លើក ស្លាប់៧នាក់ របួស៦នាក់, កំពង់ស្ពឺ កើតឡើង២លើក ស្លាប់៤នាក់, កណ្តាល កើតឡើង៤លើក ស្លាប់៤នាក់, កំពង់ចាម កើតឡើង៦លើក ស្លាប់៣នាក់ របួស៧នាក់, កំពង់ធំ កើតឡើង៣លើក ស្លាប់២នាក់ របួស៣នាក់, តាកែវ កើតឡើង៣លើក ស្លាប់ម្នាក់ របួស៦នាក់ និងខេត្តព្រះសីហនុ កើតចំនួន២លើក ស្លាប់១នាក់ របួស៣នាក់៕
