បាត់ដំបង ៖ ពិធីដែលប្រារព្ធធ្វើនាឪកាសនេះ គឺជាពិធីបិទវគ្គ បញ្ចប់ការបណ្តុះបណ្តាលគ្រូបង្រៀន កម្រិតមូលដ្ឋាន បង្រៀននៅអនុវិទ្យាល័យ ១២+២ ជំនាន់ទី២៥ មានចំនួន ២២២ នាក់ក្នុងនោះ ស្រី១៣៣នាក់ មកពីខេត្តបាត់ដំបង ប-ជ , ព-ស , ស-រ, ឧត្តរ និងខេត្តប៉ៃលិន។
នេះជារបាយការណ៍ របស់លោក សុខ ហ៊ីង នាយកមជ្ឈមណ្ឌល ករុកោសល្យភូមិភាគ បាត់ដំបង ថ្លែងក្នុងពិធីបិទវគ្គបញ្ចប់ការបណ្តុះបណ្តាលគ្រូបង្រៀន កម្រិតមូលដ្ឋាន បង្រៀន នៅអនុវិទ្យាល័យ ១២+២ ជំនាន់ទី២៥ កាលពីថ្ងៃទី១២ ខែសីហា ក្រោមអធិបតីភាព ឯកឧត្តម ច័ន្ទ សុផល អភិបាលនៃគណអភិបាលខេត្តបាត់ដំបង ។
របាយការបានបញ្ជាក់ទៀតថា ករុសិស្សជំនាន់ទី២៥ ទាំងអស់បានទទួលការបណ្តុះបណ្តាល រយៈពេល២ឆ្នាំ ចាប់ពីថ្ងៃទី០១ ខែតុលា ឆ្នាំ២០១៣ រហូតដល់ថ្ងៃទី៣១ សីហា ឆ្នាំ២០១៥។ ជាលទ្ធផល បូកសរុបនៃការវាយ តម្លៃ លើលទ្ធផលនៃកម្មសិក្សា ករុកោសល្យឆ្នាំទី២ ការសិក្សាឆ្នាំទី២ និងពិន្ទុប្រឡងបញ្ចប់ នៃវគ្គបណ្តុះបណ្តាលមានៈ គណិត រូប ចំនួន ៣២នាក់ និទ្ទេសល្អ ១៤ នាក់ ល្អបង្គួរ ១៨នាក់ រូបគីមី ចំនួន ៣១នាក់ និទ្ទេសក៏ល្អ ២៨នាក់ ល្អបង្គួរ ៣នាក់ ជីវៈ ផែនដី ២៧នាក់ និទ្ទេសក៏ល្អ ២៤នាក់ និទ្ទេសក៏ល្អបង្គួរ ៣នាក់ ប្រវត្តិភូមិ ២៥នាក់ និទ្ទេសក៏ល្អ ១១នាក់ល្អបង្គួរ ១៤នាក់ ខ្មែរពលរដ្ឋ ២៨នាក់ និទ្ទេសក៏ល្អ ២២នាក់ ល្អបង្គួរ ៦នាក់ ខ្មែរគេហ ២៦នាក់ និទ្ទេសក៏ល្អ ១៤នាក់ ល្អបង្គួរ១២នាក់ និង អង់គ្លេសខ្មែរ ៥៣ នាក់ និទ្ទេសក៏ល្អ ២០នាក់ ល្អបង្គួរ៣៣នាក់ ។ សរុប២២២នាក់ និទ្ទេសក៏ល្អ ១៣៣ នាក់ ល្អបង្គួរ ៨៩នាក់ សនិដ្ឋានគឺជាជាប់ជាស្ថាពរ១០០%
ក្នុងប្រសាសន៍បិទវគ្គ ឯកឧត្តម ច័ន្ទ សុផល បានបញ្ជាក់ថា យើងដឹងហើយថាមជ្ឈ មណ្ឌលករុកោសល្យភូមិភាគបាត់ដំបង បានបណ្តុះបណ្តាល ធនធានមនុស្សជាគ្រូបង្រៀន កម្រិតមូលដ្ឋាន បង្រៀននៅអនុវិទ្យាល័យបាន ២៦ជំនាន់រួចមកហើយ ហើយជំនាន់ទី២៥ ត្រូវបានបិទវគ្គបញ្ចប់នាពេលនេះ ហើយជំនាន់ទី២៦នៅបន្តមួយឆ្នាំទៀត។ ឆ្លើយតបទៅនិង គោលនយោបាយឈ្នះៗ គោលនយោបាយកាត់បន្ថយភាពក្រីក្រ និងយុទ្ធសាស្ត្រចតុកោណ របស់រាជរដ្ឋាភិបាល ដែលមានសម្តេច ហ៊ុន សែន ជាប្រមុខ បានអនុញ្ញត្តិ ឲ្យក្រសួងអប់រំ យុវជន និងកីឡាធ្វើការជ្រើសរើស គ្រូបង្រៀនគ្រប់ភូមិសិក្សាតាំងពីបឋម រហូតដល់កម្រិត ឧត្តមសិក្សា។ បច្ចុប្បន្នគោលនយោបាយភូមិឃុំ មានសុវត្ថិភាពរបស់រាជរដ្ឋាភិបាល យើងទាំង អស់គ្នាបាននិងកំពង់រួមគ្នាអនុវត្តឲ្យមានប្រសិទ្ធភាព ។
ឯកឧត្តមបានផ្តលអនុសាសន៍ល្អៗជា ច្រើនដល់ករុសិស្សក្នុងគោលពេលត្រឡប់ទៅបង្រៀននៅមូលដ្ឋានវិញឲ្យទទួលបានជោគជ័យ ពិធីនេះត្រូវបានបញ្ចប់ក្រោយពីគណអធិបតីចែកជូនលិខិតសរសើរដល់ករុសិស្ស ទទួលបាន ចំណាត់ថ្នាក់ល្អរួចមក ៕
