ក្រចេះ៖ លោក ចាន់ សំបូរ អតីតប្រធានសាខាគយ និងរដ្ឋាករកម្ពុជាខេត្តព្រះវិហារ ត្រូវបានផ្លាស់ប្តូរមកកាន់មុខតំណែងជាប្រធានសាខាគយ និងរដ្ឋាករកម្ពុជាខេត្តក្រចេះជំនួសវិញ ក្រោយពីលោក នាង វណ្ណា ចូលនិវត្តន៍ ។
ពិធីនេះ បានប្រព្រឹត្តទៅក្រោមអធិបតីភាពឯកឧត្តម ហ៊ីវ គឹមហេង អគ្គនាយករងគយ និងរដ្ឋាករកម្ពុជា និងឯកឧត្តម វ៉ា ថន អភិបាលរងខេត្តក្រចេះ និងមន្ត្រីរាជការ មន្ទីរស្ថានប័ន អង្គភាពពាក់ព័ន្ធនានាជុំវិញខេត្ត ។
មានប្រសាសន៍នាឱកាសនោះ ឯកឧត្តម វ៉ា ថន បានធ្វើការកោតសរសើ និងវាយតម្លៃខ្ពស់ចំពោះលោក នាង វណ្ណា អតីតប្រធានសាខាគយ និងរដ្ឋាករកម្ពុជាខេត្ត និងថ្នាក់ដឹកនាំ មន្ត្រីក្នុងសាខាគយច្រកទ្វារអន្តរជាតិក្នុងខេត្តក្រចេះ ដែលបានខិតខំបំពេញការងារអស់ពីកម្លាំងកាយចិត្តគូរឲ្យគត់ស្គាល់នាពេលកន្លងមក ។ ឯកឧត្តម ក៏បានសំណូមពរដល់លោក ចាន់ សំបូរ ប្រធានសាខាគយ និងរដ្ឋាករកម្ពុជាខេត្តក្រចេះថ្មី បំពេញការងារប្រកបដោយសេចក្ដីថ្លៃថ្នូរ គោរពនូវវិជ្ជាជីវៈ ពង្រឹងសាមគ្គីភាពផ្ទៃក្នុង និងមានទំនាក់ទំនងល្អជាមួយសមត្ថកិច្ច កងកម្លាំងប្រដាប់អាវុធ មន្ទីរ ស្ថានប័នជំនាញ និងអាជ្ញាធរគ្រប់លំដាប់ថ្នាក់នៅថ្នាក់ក្រោមជាតិ ។
មានប្រសាសន៍ក្នុងពិធីប្រកាសតំណែងប្រធានសាខាគយថ្មី ហ៊ីវ គឹមហេង អគ្គនាយករងគយ និងរដ្ឋាករកម្ពុជា មានសេចក្ដីសង្ឃឹមជឿជាក់ថា រាល់ការប្ដេជ្ញាចិត្តរបស់លោកប្រធានសាខាគយ និងរដ្ឋាករថ្មី នឹងទទួលបានលទ្ធផលជាក់ស្ដែង ដើម្បីឆ្លើយតបឲ្យបានវិជ្ជៈមានទៅនឹងទំនុបចិត្តរបស់ឯកឧត្តមបណ្ឌិតសភាចារ្យ អូន ព័ន្ធមុន្នីរត្ន័ ទេសរដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ និងឯកឧត្តមបណ្ឌិត គន់ ញឹម អគ្គនាយកនៃអគ្គនាយកដ្ឋានគយ និងរដ្ឋាករកម្ពុជា ។
ឯកឧត្តម ក៏បានធ្វើការផ្ដាំផ្ញើរដល់ប្រធានសាខាគយ និងមន្ទ្រីសាខាគយនិងរដ្ឋាករកម្ពុជាទាំងអស់ ត្រូវមានសាមគ្គីភាពឲ្យបានល្អ ខិតខំបំពេញភារៈកិច្ច រួមគ្នាស្មារតីជាក្រុម និងចែករំឡែកការងារតាមឋនានុក្រម ប្រមូលផ្ដុំសក្ដានុពលរដ្ឋពេញលេញរបស់អង្គភាពឲ្យមានប្រសិទ្ធិភាពខ្បស់ ។ ត្រូវអនុវត្តឲ្យមានប្រសិទ្ធិភាពតាមបទបញ្ជាផ្ទៃក្នុង ជាពិសេសលើការងារចំនូល ទប់ស្កាត់ និងបង្ក្រាបរាល់អំពើកិច្ចព័ន្ធនៅគោលដៅដើមទី និងត្រូវមានទំនាក់ទំនងល្អជាមួយអាជ្ញាធរមូលដ្ឋានគ្រប់ជាន់ថ្នាក់ កម្លាំងប្រដាប់អាវុធ ស្ថាប័នអយ្យាកា ដើម្បីអនុវត្តន៍ច្បាប់ឲ្យមានប្រសិទ្ធិភាព ។
ជាគ្នានោះ ប្រជាពលរដ្ឋនៅក្នុងខេត្តក្រចេះ ក៏សង្ឃឹមយ៉ាងម៉ុតម៉ាំដែរថា ក្រោយពេលដែលលោក ចាន់ សំបូរ ឡើងកាន់តំណែងជាប្រធានសាខាគយ និងរដ្ឋាករកម្ពុជាខេត្តក្រចេះជំនួនលលោក នាង វណ្ណា នោះ និងមិនមានបទល្មើសគេចព័ន្ធនាំចូលឆ្លងដែនតាមច្រករបៀងក្នុងស្រុកស្នួលជាប់ព្រំដែនប្រទេសវៀតណាម និងចរាចណ៍លក់ដូរនៅលើទីផ្សារក្នុងខេត្តក្រចេះនោះឡើយ ដូចជា ទំនិញគេចព័ន្ធគ្រប់ប្រភេទ ម៉ូតូអត់ព័ន្ធ ជាពិសេសការដឹកជញ្ជូនឈើឥតច្បាប់គ្រប់ទម្រង់រូបភាពឆ្ពោះទៅលក់ប្រទេសវៀតណាម ដែលជាមូលហេតុធ្វើឲ្យខាត់បង់ដល់ប្រាក់ចំនូលរបស់រដ្ឋ ៕
