បាត់ដំបង៖ ប្រធាន មន្ទីរធនធានទឹក និងឧតុនិយម ខេត្តបាត់ដំបង និងមន្ត្រីសំខាន់ៗ ចំនួន៦រូប ទទួលរងការិះគន់ថាបានឃុបឃឹតគ្នាប្រព្រឹត្តអំពើពុករលួយ តាមរយៈក្បៀសថវិកាចំណាយលើការស្ដារ និងកសាងប្រព័ន្ធរាសាស្ដ្រ ការចំណាយលើការជួយសង្គ្រោះ ស្រូវស្រែប្រជាពលរដ្ឋ និងយកគ្រឿងចក្ររបស់រដ្ឋដែលជាជំនួយរបស់ប្រទេសជប៉ុនដើរស៊ី
ឈ្នួលឯកជន ដើម្បីរកប្រាក់ផ្ទាល់ខ្លួននៅរដូវប្រាំងជាដើម ។
ប្រភពពីផ្ទៃក្នុងមន្ទីរបានរាយការណ៍ថា៖ក្នុងឆ្នាំៗក្រោមការដឹកនាំរបស់លោក ឡុង ផលគុណថវិការដ្ឋ មិនតិចជាង ៥០០លានរៀលឡើយត្រូវបានបាត់បង់ តាមរយៈការកេងបន្លំបំប៉ោងចំណាយ លើផ្នែកថែទាំ និងជុសជុល ឬ សាងសង ប្រព័ន្ធធារាសាស្ត្រ ការចំណាយ ក្នុងការចុះបូមទឹកដាក់ស្រូវស្រែ ប្រជាពលរដ្ឋ ការចំណាយថែទាំជុសជុលមន្ទីរ និង ការចំណាយក្នុងការជុសជុលគ្រឿងចក្រ ។ល ។
ក្រៅពីនេះលោកប្រធានមន្ទីរបានបើកដៃឲ្យយកគ្រឿងចក្រជាច្រើនគ្រឿងដែលជាជំនួយរបស់ប្រទេសជប៉ុន ទៅរកស៊ីផ្ទាល់ខ្លួន បានប្រាក់ក្នុងឆ្នាំៗ រាប់ម៉ឺនដុល្លារអាមេរិក ដើរស៊ីចាយយ៉ាងសង្ហារ ។
សកម្មភាពពុករលួយកឹមកេងថវិកាជាតិក្នុងមន្ទីរមន្ទីរធនធានទឹក និងឧតុនិយម ខេត្តបាត់ដំបង ត្រូវបានមន្ត្រីតូចតាចនិយាយថា មានការចូលរួមសហការពីមន្ត្រីសំខាន់ៗ ក្នុងមន្ទីរ រួមមាន៖ ១ លោកហុង គឹមសាន អនុប្រធានមន្ទីរ។ ២ លោក ហ៊ួត ច័ន្ទតារារិទ្ធ ប្រធានការិយាល័យរដ្ឋបាល និងបុគ្គលិក (ដែលថ្មីៗនេះ ត្រូវបានលោកប្រធានមន្ទីរ ឡុង ផលគុណ ស្នើរសុំតែងតាំងជាអនុប្រធានមន្ទីរ) ។៣ លោក ស សារិន អនុប្រធានការិយាល័យរដ្ឋបាល និងបុគ្គលិក។ ៤ លោក ឈឺន សុខុម ប្រធានការិយាល័យធារាសាស្ដ្រកសិកម្ម។ ៥ លោកអនុប្រធានមន្ទីរ ខៃ សុដា ។៦ លោក លោក ថោង ផល្លា អនុប្រធានការិយាល័យរដ្ឋបាល និងបុគ្គលិក ។
សូមបញ្ជាក់ថា៖នៅ មន្ទីរធនធានទឹក និងឧតុនិយម ខេត្តបាត់ដំបងសព្វថ្ងៃ មានមន្ត្រីក្របខ័ណ្ឌសរុបមិនតិចជាង៥០នាក់ និងមន្ត្រីកិច្ចសន្យាខ្ទង់១០រួបទៀត ប៉ុន្តែមន្ត្រីមានសំណាង និងអាចមានវាសនាធ្វើអ្នកមាន គឺមាន តែមន្ត្រី៥ទៅ៦នាក់ខាងលើតែប៉ុណ្ណោះ ។ សម្រាប់មន្ត្រីសំខាន់ ជាច្រើនទៀត គឺ គ្មានរំពឹងអ្វី ក្រៅពីប្រាក់ សូម្បីតែប្រាប់អោយដឹង ពីការចំណាយ ក៏សូន្យឈឹងដែរ ។ទោះជាយ៉ាងណាពួកគេ មិនអាចតតាំង និងលោក ឡុង ផលគុណទេព្រោះ នៅពេលប្រជុំ ម្ដងៗគាត់តែងតែយកឈ្មោះ ថ្នាក់ដឹកនាំក្រសួង និងខេត្តមកអះអាង ធ្វើអោយមន្ត្រីក្នុងមន្ទីរ ខ្លាច ទើបសុខចិត្តស្ងៀទៅ ។
ចឹងហើយ ទោះបី លោកប្រធានប្រព្រឹត្តខុសហើយតម្រូវឲ្យ ផ្ដិតមេដៃប្តឹងទៅអង្គភាពប្រឆាំងពុករលួយ ប្រាកដគ្មានអ្នកហ៊ានចេញមុខទេ ។ ព្រោះខ្លាចត្រូវលោកប្រធានគាត់ចោទថាបក្សប្រឆាំង ។
ជុំវិញករណីនេះ អ្នកឆ្លើយព័ត៌មាន បានសុំការបំភ្លឺពីលោកប្រធានមន្ទីរ ឡុង ផលគុណ ហើយលោក ដោយលោកអះអាងថាបើឃើញយ៉ាងដាក់អញ្ចឹញទៅ ហើយក៏ផ្ដាច់ទូរស័ព្ទតែម្ដង។សង្ឃឹមថាសេចក្តីរាយការណ៍ពី សកម្មភាពអំពើពុករលួយ នៅក្នុង មន្ទីរធនធានទឹក និងឧតុនិយម ខេត្តបាត់ដំបង នឹង អង្គភាពប្រឆាំងអំពើពុករលួយ និងស្ថាប័នថ្នាក់លើចុះស្រាវជ្រាវទប់ស្កាត់ជាមិនខាន!!! ។