ព្រះវិហារ ៖ ក្មេងស្រី ដែលត្រូវឃាតកប៉ងរំលោភ ហើយសម្លាប់ ខណៈដែលនាងបានបេក្ខនារីប្រឡងបាក់ឌុបនៅមណ្ឌលខេត្តព្រះវិហារដែលត្រូវឃាតករជាមិត្តភក្រ័ប៉ងរំលោភហើយសម្លាប់កាលពីថ្ងៃទី៥ ខែកញ្ញា ឆ្នាំ២០១៧កន្លងទៅ ស្ថិតនៅចំណុច ព្រៃកប់ខ្មោច ភូមិត្រពាំងទន្ទឹម ឃុំរមទម ស្រុករវៀង ខេត្តព្រះវិហារ ជាលទ្ធផល គឺនាងប្រឡងជាប់ទទួលបាននិទ្ទេសE
។ នារីរងគ្រោះឈ្មោះ រឹម ភារី អាយុ១៩ឆ្នាំ រស់នៅភូមិឃុំកើតហេតុខាងលើ ។
យុវជនជាឃាតកឈ្មោះ គង់ សំណាង ភេទប្រុស អាយុ១៦ឆ្នាំ រស់នៅភូមិឃុំជាមួយនារីរងគ្រោះបានរត់គេចខ្លួនក្រោយពីសម្លាប់នារីរងគ្រោះបានពីរថ្ងៃត្រូវសមត្ថកិច្ចឃាត់ខ្លួនបាន និងយកទៅធ្វើតម្រាប់តាមនៅកន្លែងកើតហេតុកាលពីរសៀលថ្ងៃទី៧ ខែកញ្ញា ឆ្នាំ២០១៧។
តាមចម្លើយសារភាពឈ្មោះ គង់ សំណាងបានឲ្យដឹងថា ខ្លួនគេពិតជាបានសម្លាប់នារីរងគ្រោះពិតប្រាកដមែន ។
នៅថ្ងៃកើតហេតុទី៥កញ្ញាដំបូងឡើយខ្លួនគេ បានបបួលនារីរងគ្រោះទៅកន្លែងកើតហេតុ ហើយបានចាប់បង្ខំនារីរងគ្រោះ តែនារីរងគ្រោះមិនយល់ព្រម ទើបបណ្តាលឲ្យមានការប្រតាយប្រតប់គ្នា ហើយជនសង្ស័យបានភ័យខ្លួនជាក្រោយ ព្រោះខ្លួនបានធ្វើឲ្យមានកំហុស ទើបខ្លួនបានយកដំបងឈើដែលនៅក្បែរនោះបុកចំភ្នែក និងមុខរបស់នារីរងគ្រោះជាច្រើនដំបង តែមិនទុកចិត្តខ្លាចនារីរងគ្រោះមិនស្លាប់ខ្លួន ក៏បានវាយទៅលើនារីរងគ្រោះបន្ថែម រហូតដាច់ខ្យល់ស្លាប់តែម្តង។
បច្ចុប្បន្នឃាតករ ត្រូវបានសមត្ថកិច្ចនាំខ្លួនមកកាន់ស្នងការដ្ឋាននគរបាលខេត្តប្រហវិហារ ដើម្បីកសាងសំណុំរឿងបញ្ជូនទៅតុលាការចាត់ការតាមនិតិវិធីច្បាប់។
លទ្ធផលនេះ បើសិននាងនៅរស់មិនដឹងថានាង និងក្រុមគ្រួសារសប្បាយចិត្តយ៉ាងណានោះទេ៕
