ភ្នំពេញ ៖ ខុសពីតារានយោបាយល្បីឈ្មោះកញ្ញធីសុវណ្ណថាដែលចូលប្រឡង៣ដងមិនជាប់បាក់ឌុបតារាចម្រៀងស្រីវ័យក្មេងស្រស់ខ្ចី របស់ផលិតកម្មហង្សមាស គឺកញ្ញា រ៉េត ស៊ូហ្សាណាដែលជាបេក្ខនារីម្នាក់ក្នុងចំណោមបេក្ខជនបេក្ខនារីប្រឡងសញ្ញាបត្រមធ្យមសិក្សាទុតិយភូមិចំណេះទូទៅ និងបំពេញវិជ្ជា (បាក់ឌុប) សម័យប្រឡងថ្ងៃទី២០សីហាឆ្នាំ២០១៧ សរុប ចំនួន ៩៩ ៧២៨នាក់បានប្រឡងជាប់ដោយទទួលបាននិទ្ទេស E ដោយកញ្ញាទទួលបានលទ្ធផលនៃមុខវិជ្ជានីមួយគឺ ខ្មែរទទួលបាន E, គណិតវិទ្យា E, ជីវវិទ្យា E, ប្រវត្តិវិទ្យា C, គីមី C, រូបវិទ្យា E និងភាសាបរទេស B ជាមួយនឹងលំដាប់ពិន្ទុ 82.658 ។ ទោះបីជាមិនទទួលបាននិទ្ទេសល្អក៏មហាជនជាច្រើនបានធ្វើការអបអរសារទរនិងដែលតារាចម្រៀងរូបនេះទោះបីជាមមាញឹកជាមួយនឹងការងារសិល្បៈ ក៏នៅតែប្រឡងជាប់ ។
សូមបញ្ជាក់ថា៖លទ្ធផលនៃការប្រឡងសញ្ញាបត្រមធ្យមសិក្សាទុតិយភូមិចំណេះទូទៅ និងបំពេញវិជ្ជា (បាក់ឌុប) បានប្រកាសលទ្ធផលហើយនាថ្ងៃទី១០កញ្ញាឆ្នាំ២០១៧នេះ។ជាលទ្ធផលក្នុងចំណោមបេក្ខជនជាង៩ម៉ឺននាក់មានបេក្ខជនចំនួន ៦៣ ៦៦៨នាក់ ត្រូវជា៦៣,៨៤% នៃបេក្ខជនវត្តមានសរុប។
ថ្នាក់វិទ្យាសាស្ត្រ មានបេក្ខជនប្រឡងជាប់ចំនួន ៣៤ ២៣៤នាក់ ត្រូវជា៥៣, ៤០% និងថ្នាក់វិទ្យាសាស្ត្រសង្គម មានបេក្ខជនប្រឡងជាប់ចំនួន ២៩ ៤៣៤នាក់ ត្រូវជា៨២,៦២%។
នៅឆ្នាំ២០១៧នេះ សិស្សទទួលបាននិទ្ទេស A មានចំនួន៤២៤នាក់ ខណៈឆ្នាំមុនមានសិស្សនិទ្ទេស A ចំនួន៤០៥នាក់។ សិស្សដែលទទួលបាននិទ្ទេស A ច្រើនជាគេគឺនៅភ្នំពេញមានចំនួន១៩៤នាក់ និងតាមពីក្រោយដោយខេត្តសៀមរាបមានចំនួន៤៧នាក់។កណ្ដាល ចំនួន២៦នាក់។បាត់ដំបង ចំនួន២៣នាក់។កំពត ចំនួន២១នាក់។កំពង់ចាម ចំនួន២០នាក់។
ព្រៃវែង ចំនួន១២នាក់។បន្ទាយមានជ័យ ចំនួន១២នាក់។កំពង់ឆ្នាំង ចំនួន១២នាក់។ព្រះសីហនុ ចំនួន៩នាក់។កំពង់ធំ ចំនួន៩នាក់។តាកែវ ចំនួន៨នាក់។ត្បូងឃ្មុំ ចំនួន៧នាក់។ពោធិ៍សាត់ ចំនួន៦នាក់។ក្រចេះ ចំនួន៦នាក់។ស្វាយរៀង ចំនួន៥នាក់។ព្រះវិហារ ចំនួន២នាក់។កែប ចំនួន២នាក់។កំពង់ស្ពឺ ចំនួន១នាក់។ប៉ៃលិន ចំនួន១នាក់។កោះកុង ចំនួន១នាក់។ឯ បេក្ខជនទទួលបាននិទ្ទេស B៖ ចំនួន ២ ៤៦៤នាក់-និទ្ទេស C៖ ចំនួន ៥ ០០០នាក់។-និទ្ទេស D៖ ចំនួន ៩ ១២៣នាក់។-និទ្ទេស E៖ ចំនួន ៤៦ ៦៥៧នាក់។
ទោះជាយ៉ាងណាអ្វីដែលជាការសោកស្តាយបើតាមមានពតិមានជាបឋមតាមគណនីហ្វេសប៊ុក ចៅ ស្រទោបចេក បានឲ្យដឹងថា៖មាន យុវតីគិតខ្លីម្នាក់បានចងកបញ្ចប់ជីវិតដោយសារតែធ្លាក់ប្រឡងបាក់ឌុប។ យុវតីខាងលើមានឈ្មោះ អោក សុភាព អាយុ ១៨ឆ្នាំ រស់នៅភូមិ ត្រពាំងទួល ឃុំសំរងលើ ស្រុកអង្គស្នួល ខេត្តកណ្តាល ជាសិស្សថ្នាក់ទី ១២ នៃវិទ្យាល័យ ហ៊ុនសែនអង្គស្នួល។