ភ្នំពេញ៖ គណៈប្រតិភូជាន់ខ្ពស់រដ្ឋធានីហាណូយ ដឹកនាំដោយលោកហូអាង ត្រាំងហាយ HOANG TRUNG HAI សមាជិកការិយាល័យនយិបាយនៃគណៈកម្មាធិការមជ្ឈឹមបក្សកុម្មុយនីស្តវៀតណាមនិងជាលេខាគណៈកម្មាធិការបក្សរដ្ឋធានីហាណូយបានអញ្ជើញមកបំពេញទស្សនៈកិច្ចផ្លូវការនៅរាជធានីភ្នំ ពេញចាប់ពីថ្ងៃទី៨ដល់ថ្ងៃទី១០ខែកញ្ញាឆ្នាំ២០១៧ នេះ។
តាមគម្រោងដែលគ្រោងទុកកាលពីរសៀលថ្ងៃទី៨ខែកញ្ញាគណៈប្រតិភូបានអញ្ជើញមកដល់រាជធានីភ្នំពេញតាមជើងយន្តហោះVN920។នៅថ្ងៃទី៩ខែកញ្ញានៅម៉ោងជិត៩ព្រឹកគណៈប្រតិភូអញ្ជើញជួបសម្ដែងការគួរសមជាមួយសម្ដេចអគ្គមហាសេនាបតីតេជោហ៊ុន សែន ប្រធានគណបក្សប្រជាជនកម្ពុជានិងជានាយករដ្ឋមន្ត្រីនៃព្រះរាជាណាចក្រកម្ពុជានៅវិមានសន្តិភាព។នៅម៉ោងជិត១០ព្រឹកថ្ងៃដដែលគណៈប្រតិភូអញ្ជើញជួបពិភាក្សាការងារជាមួយលោក ឃួង ស្រេង អនុប្រធានគណៈកម្មាធិការបក្សប្រជាជនកម្ពុជារាជធានីភ្នំពេញនិងជាអភិបាលរាជធានីភ្នំពេញនៅរដ្ឋបាលរាជធានីបន្ទាប់មកលោកនឹងចុះហត្ថលេខារវាងប្រធានមន្ទីរហិរញ្ញវត្ថុរដ្ឋធានីហាណូយជាមួយលោក ហួត ហៃ នាយករដ្ឋបាលរាជធានីភ្នំពេញ។
នៅរសៀលថ្ងៃដដែលលោកហូអាង ត្រាំងហាយ HOANG TRUNG HAI សមាជិកការិយាល័យនយិបាយនៃគណៈកម្មាធិការមជ្ឈឹមបក្សកុម្មុយនីស្តវៀតណាមនិងជាលេខាគណៈកម្មាធិការបក្សរដ្ឋធានីហាណូយបានអញ្ជើញជួបសម្ដែងការគួរសមជាមួយសម្ដេចវិបុលសេនាភក្ដីសាយ ឈុំ ប្រធានព្រឹទ្ធសភា ជាអនុប្រធានគណៈកម្មាធិការបក្សប្រជាជនកម្ពុជានិងជាប្រធានគណៈប្រចាំការគណៈអចិន្ត្រៃយ័គណៈកម្មាធិការកណ្ដាលគណបក្សប្រជាជនកម្ពុជានៅវិមានព្រឹទ្ធសភា។
នៅមោ់ងជិត៥រសៀលថ្ងៃទី៩កញ្ញាដដែលនេះដែរគណៈប្រតិភូបន្តជួបសម្ដែងការគួរសមជាមួយលោក ប៉ា សុជាតិវង្ស ប្រធានគណៈកម្មាធិការបក្សប្រជាជនកម្ពុជារាជធានីភ្នំពេញនៅមន្ទីរបក្សរាជធានីភ្នំពេញ។ នៅយប់ថ្ងៃដដែលគណៈកម្មាធិការបក្សប្រជាជនកម្ពុជារាជធានីភ្នំពេញរៀបចំជប់លៀងជូនប្រតិភូលេខាគណៈកម្មាធិការបក្សរដ្ឋធានីហាណូយដោយលោក ប៉ា សុជាតិវង្ស ប្រធានគណៈកម្មាធិការបក្សប្រជាជនកម្ពុជារាជធានីភ្នំពេញនិងលោក ឃួង ស្រេង អនុប្រធានគណៈកម្មាធិការបក្សប្រជាជនកម្ពុជារាជធានីភ្នំពេញនិងជាអភិបាលរាជធានីភ្នំពេញនៅសណ្ឋាគារសុខាត្រើយម្ខាង ។
គួរបញ្ជាក់ថា ៖ លោកហូអាង ត្រាំងហាយ HOANG TRUNG HAI សមាជិកការិយាល័យនយិបាយនៃគណៈកម្មាធិការមជ្ឈឹមបក្សកុម្មុយនីស្តវៀតណាមនិងជាលេខាគណៈកម្មាធិការបក្សរដ្ឋធានីហាណូយជាមេដឹកនាំវៀតណាមម្នាក់និងជាមនុស្សលំដាប់ទី៥បន្ទាប់ពីនាយករដ្ឋមន្ត្រីវៀតណាម ។
នៅព្រឹកថ្ងៃទី១០ ខែកញ្ញា គណៈប្រតិភូលេខាគណៈកម្មាធិការបក្សរដ្ឋធានីហាណូយអញ្ជើញទៅដាក់កម្រងផ្កានៅស្ដូបមិត្តភាពកម្ពុជា វៀតណាម បន្ទាប់មកអញ្ជើញទស្សនៈកិច្ចនៅព្រះបរមរាជវាំង ព្រះវិហារព្រះកែវមរកត ទស្សនៈកិច្ចមហាវិថីហាណូយនិងនៅម៉ោងជិត១២ថ្ងៃត្រង់ថ្ងៃដដែលពិសាបាយនៅភោជនីយ៍ដ្ឋានពោធិចិនតុងនៅម៉ោងជិត៣រសៀលថ្ងៃទី១០ខែកញ្ញានេះគណៈប្រតិភូជាន់ខ្ពស់រដ្ឋធានីហាណូយដឹកនាំដោយលោកហូអាង ត្រាំងហាយ HOANG TRUNG HAI សមាជិកការិយាល័យនយិបាយនៃគណៈកម្មាធិការមជ្ឈឹមបក្សកុម្មុយនីស្តវៀតណាមនិងជាលេខាគណៈកម្មាធិការបក្សរដ្ឋធានីហាណូយបានអញ្ជើញធ្វើមាតុភូមិនិវត្តន៍ទៅកាន់រដ្ឋធានីហាណូយវិញ ៕
