បាត់ដំបង ៖ ឯកឧត្តម ច័ន្ទ សុផល អភិបាលនៃគណអភិបាលខេត្តបាត់ដំបង បានមានប្រសាសន៍ក្នុងពិធី បុណ្យទុក្ខទិវា ៩ កក្កដា ២០១៥ នៅវត្តឯកភ្នំ ស្រុកឯកភ្នំ កាលពីថ្ងៃទី ០១ ខែសីហា ក្រោមអធិបតីភាព សម្តេចចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ បានបញ្ជាក់ថា ដោយមើល ឃើញពីតម្លៃព្រៃឈើទាំងខាងសេដ្ឋកិច្ច និងសង្គម ព្រមទាំងជួយរក្សាលំនឹងបរិស្ថាន ធម្មជាតិធ្វើឲ្យធាតុ អាកាសមានភាពកាន់តែប្រសើរឡើង រក្សាទិន្នន័យភាពប្រភពទឹក ការពារទីជំរាល និងការពារជីវចម្រុះ រដ្ឋបាលខេត្តបាត់ដំបង បាត់ចាត់ចែងឲ្យខ័ណ្ឌរដ្ឋបាលព្រៃឈើ និងរដ្ឋបាលក្រុងបាត់ដំបង ស្រុកឯកភ្នំ ជ្រើសរើសទីតាំងតាមដងផ្លូវ អបសងខាងប្រឡាយមេ ពោធិម៉ស្រី ជាកន្លែងប្រារព្ធពិធីបុណ្យរុក្ខទិវា លើកទី២៥ ដោយនាំយកប្រភេទឈើសរុប ២០៦៨ដើម។បន្ទាប់មកជំហានទី២ ក្រោយពេលសាងសង់ សំណង់បេតុង សងខាងមាត់ប្រឡាយ និងចាក់ក្រាលកៅស៊ូ ផ្លូវនេះ រួច និងបន្តដាំកូនឈើប្រភេទឲ្យផ្កា ចំនួន ១២២២ ដើមទៀត។
ក្នុងប្រសាសន៍សម្តេចក្រឡាហោម ស ខេង បានបញ្ជាក់ថាក្នុងនិតិការទី៥ នៃរដ្ឋសភា រាជរដ្ឋា ភិបាលកម្ពុជា បាននិងកំពង់បន្តដំណើរការ កំណែទម្រង់ស៊ីជម្រៅគ្រប់ជ្រុងជ្រោយ លើការដ្ឋានកំណែ ទម្រង់ទាំងអស់ និងការរៀបចំ¬ឲ្យមានក្រុមការងាររបស់រាជរដ្ឋាភិបាល ចុះត្រួតពិនិត្យតាមដានការ អនុវត្តកម្មវិធីនយោបាយ និងយុទ្ធសាស្ត្រចតុកោណដំណាក់កាលទី៣ និងការរៀបចំវេទិកាសាធារណៈ ឆ្លុះបញ្ចាំងពីកង្វល់ ការលំបាកបញ្ហាប្រឈម ការបំរើសេវាកម្មរដ្ឋបាល ការបំរើសេវាសាធារណៈ របស់ មន្ត្រីរាជការកងកម្លាំងប្រដាប់អាវុធ និងស្ថាប័ណ្ណ អង្គភាពនានារបស់រដ្ឋ ជូនចំពោះប្រជាពលរដ្ឋ ក៏ដូច ការទទួលយកសំណូមពរ សំណើរផ្សេងៗក្នុងគោលបំណង បង្កើនជំនឿទុកចិត្តការគាំទ្រ មកលើការ ដឹកនាំរបស់រដ្ឋាភិបាល ស្ថាប័ណ្ណថ្នាក់ជាតិ និងរដ្ឋបាលថ្នាក់ក្រោមជាតិ។
ទាក់ទងនិងការដាំកូនឈើ សម្តេចបានបញ្ជាក់ថា ព្រៃឈើគឺជាសម្បត្តិធម្មជាតិដ៏សំខាន់ក្នុងការ រក្សាលំនឹងបរិស្ថាន រួមចំណែកដល់ការអភិវឌ្ឍន៍ សេដ្ឋកិច្ច ទេសចរណ៍ធម្មជាតិ អេកូឡូស៊ី វប្បធម៌ និង ជា់ជម្រកដ៏សុខសាន្ត ចំពោះសត្វគ្រប់ប្រភេទ ដែលមានជីវិតរស់លើភពផែនដីយើងនេះ។ជាចុងក្រោយ សម្តេចក្រឡាហោម បានបញ្ជាក់ពីមូលនិធិ ស ខេង ជួយដល់ប្រជាពលរដ្ឋ អ្នកចូលមរណៈភាពម្នាក់ ថវិការ 200000 រៀល លិខិតរំលែកទុក្ខ ១ច្បាប់ អ្នករៀបអាពាហ៍ពិពាហ៍ ចងដៃ២០០០០០០ រៀល ភ្ជាប់លិខិតជូនពរ ១ច្បាប់ និងអ្នកសម្រាលកូន១ ជួយ ២០០០០០ រៀល និងលិខិតអបអរសាទរ១ច្បាប់ ៕
