ខេត្តបន្ទាយមានជ័យ ៖ ក្រុមអនុគណៈកម្មការច្រកទ្វារអន្តរជាតិប៉ោយប៉ែតដើម្បីកែប្រែសោភន័ភាព បន្ថែម នៅច្រកទ្វារអន្តរជាតិមួយនេះ ពួកគេបានសុខចិតកាត់សាច់ជាប់ខ្លាញ់អស់ជាច្រើនដុំចោលពោលគឺ តូបលក់ដូរខ្លះត្រូវបានបង់ប្រាក់ឲ្យ សមត្ថកិច្ចអន្តោប្រវេសន៏ប្រចាំខែចំនួន២៣០០០បាតប្រាក់ថៃ ក្នុង១ខែៗ ជាសេវាទទួលបានទីតាំងដីដើម្បីបានលក់ដូរ ស្រា បារី និងសម្ភារៈអាថ៌កំបាំងខ្លះទៀតនៅទីនោះ ។
ប៉ុន្តែនាព្រឹកថ្ងៃទី០៦កញ្ញា២០១៧នេះ អនុគណៈកម្មការច្រកទ្វារអន្តរជាតិខាងលើ បានដឹកនាំកម្លាំងចម្រុះចុះទៅដាក់ឱសានវាទ តាមបញ្ជារបស់លោក សួន បវរ ដែលជាគណអភិបាលខេត្តបន្ទាយមានជ័យ ឲ្យម្ចាស់តូបគ្រប់តូបត្រូវតែរុះរើឲ្យអស់ចាប់ពីថ្ងៃជូនដំណឹងនេះ យ៉ាងយូ២ថ្ងៃទៀត។ ពាក់ពន្ធ័និងបញ្ហានេះ លោក វួច អូន បានលើកឡើងក្នុងទឹកមុខក្រហមព្រឿងៗ ហាក់ខ្លាចចិត្តក្រុមពលរដ្ឋខ្លះដែលមានជីវភាពលំបាក ថា បើយើងអនុវត្តិន៏ ច្បាប់គឺត្រូវធើ្វឡើងឲ្យស្មើមុខគ្នានោះបានល្អ ហើយជាលទ្ធផលអាចនឹងកាត់បន្ថយការកកស្ទះចរាចរណ៍នៅច្រកទ្វារបានមួយកម្រឹត ។
មន្ត្រីដដែលរូបនោះលោកបាន បន្តថា តូបផ្សារនារីលក់ខោ អាវ និងតូបអាជីវករលក់ស្រា, បារី,សរុបជិត២០នៅច្រកទ្វារព្រំដែនអន្តជាតិប៉ោយប៉ែត ដែលសង់លើដី ចំណីផ្លូវសាធារណៈរបស់រដ្ឋ ត្រូវបានបង្ខំឲ្យ រុះរើ ទាំងស្រុងហើយ កាលពីព្រឹកថ្ងៃទី៦ ខែកញ្ញា ឆ្នាំ២០១៧នេះ ដោយគណៈកម្មការចម្រុះដែល មានមន្ត្រីសាលាក្រុងប៉ោយប៉ែតចូលរួមផង ។
ថ្លែងដោយ លោក ទូច មុន្នី អភិបាលរងក្រុងប៉ោយប៉ែតបានប្រាប់ថា ដោយពិនិត្យឃើញភាពជាក់ស្ដែងជារៀងរាល់ថ្ងៃ តំបន់ជ៊ំវិញច្រកទ្វារព្រំដែនអន្តរជាតិប៉ោយប៉ែតមួយនេះ មានបញ្ហាប្រឈមជាអាទិ៍ដូចជា៖ ធ្វើឲ្យប៉ះពាល់សណ្ដាប់ធ្នាប់សាធារណៈដោយសារការសាងសង់តូបបិតជិតផ្លូវថ្មើរជើង បញ្ហាសោភណ័ភាព និងបញ្ហាបរិស្ថានអ្នកលក់គ្មានអនាម័យ បង្ករឲ្យមានការកកស្ទះចរាចរណ៍រួមទាំងធ្វើឲ្យប៉ះពាល់ដល់ការធ្វើដំណើររបស់ភ្ញៀវទេសចរណ៍ជាតិ និងអន្តរជាតិទៀតផង ។
ទន្ទឹមនិងនេះស្ថាបនាការសាងសង់តូបលក់ដូរលើផ្លូវថ្មើរជើងរឹងរឹតតែបង្កផលប៉ះពាល់ដីសាធារណៈរបស់រដ្ឋ ដូច្នេះដើម្បីជៀសវាងបានបញ្ហាប្រឈមទាំងនេះ ទើបរដ្ឋបាលខេត្តបន្ទាយមានជ័យ បានដាក់ចេញនូវ បទបញ្ជាឲ្យតូបទាំងអស់ស្ថិតក្នុងតំបន់ច្រកទ្វារព្រំដែនអន្តរជាតិប៉ោយប៉ែត ត្រូវតែ រុះរើចេញទាំងអស់ ឲ្យផុតរយៈពេញ២ថ្ងៃ ។
មន្ត្រីដដែលរូបនេះហាក់មិនសូវក្លាហានលើកឡើងជុំវិញបរិវេនទីតាំងសំចតរបស់ភ្ញៀវទេសចរណ៏ទេ ព្រោះខ្លាចប៉ះពាល់ដល់មុខមាត់មន្ត្រីបាំងឆត្រ័មួយចំនួនបានយកទីតាំងរបស់មន្ទីរទេសចរណ៏មកធើ្វជាកន្លែងឧស្សាហកម្មបំរើឲ្យផលប្រយោជន៏បុគ្គលច្រើនជាង តែទោះជាយ៉ាងនេះក៏ដោយចុះលោកក៏ បញ្ជាក់ថាបញ្ហារង្វង់មូលនិងច្រកទ្វារដែលជាចំណតរថយន្តនោះលោកបានប្រជុំគណៈកម្មការួចហើយ មានអភិបាលរងក្រុងប៉ោយប៉ែតប៉ុន្មានរូបនេះ ជាអ្នកទទួល ខុសត្រូវសណ្ដាប់ធ្នាប់ ហើយចំពោះតូប ដែលនៅមុខអគារផ្សាររ៉ាចាស់នោះ សាលាក្រុង មិនទាន់មានផែនការច្បាស់លាស់ណាមួយ ត្រូវរុះរើនៅឡើយទេ ។ ប៉ុន្តែការជួនដំណឹង និងការកំណត់សំណងជូនម្ចាស់តូបតាំង២០១៣កន្លងមក យើងបានទួទាត់អស់ហើយ ម្យ៉ាងនៅចំណុចនោះ គីជារឿងរបស់ក្រសួងសាធារណៈការ និងក្រសួងសេដ្ឋកិច្ចដែលអញ្ជើញ ក្រុមហ៊ុនឬភ្នាក់ងារ ពាក់ពន្ធនៅចំណុចផ្សារ រ៉ាចាស់នោះ ព្រោះទីនោះមិនសូវពាក់ពន្ធជាមួយនិងរដ្ឋបាលក្រុងឡើយ ។
សូមរំលឹកថា៖ យោងតាមការចុះផ្សាយរបស់ស្ថានីយ៏ទូរទស្សន៏ក្នុងស្រុកកាលពីថ្មីៗនេះ ជុំវិញករណីសំណង់អគារផ្សាររ៉ាចាស់នោះ ត្រូវបានគេរកឃើញថា យ៉ាងហោចណាស់តូបលក់ដូរចំនួន១៩តូបដែលសព្វថ្ងៃគ្រប់គ្រងដោយក្រុមហ៊ុនឯកជន (ក្រោនរីសត) ក្រុមហ៊ុនបានដាក់ជួលឲ្យពលរដ្ឋក្នុង១តូបតម្លៃ៣០០០បាតប្រាក់ថៃ ហើយជារៀងរាល់ខែពលរដ្ឋត្រូវទៅបង់ប្រាក់នៅការិយាល័យរបស់ក្រុមហ៊ុនអានកូ លោក ឧកញ៉ា កុក អាន ៕
