ត្បូងឃ្មុំ៖ វិហារឥស្លាម អាល់មូហាជីរីន ស្ថិតក្នុង ភូមិបេងថ្មី ឃុំ សេដា ស្រុកតំបែរ ខេត្តត្បូងឃ្មុំ ដែល ទើបបញ្ចប់ការសាង សង់ ចំណាយទឹកប្រាក់ អស់ជិត ៣០ ម៉ឺនដុល្លារអាមេរិក បានសម្ពោធ ដាក់ឲ្យប្រើប្រាស់ជា ផ្លូវការនាព្រឹកថ្ងៃទី ០៦ ខែ កញ្ញា ឆ្នាំ២០១៧ នេះក្រោម អធិបតីភាព លោក ហ៊ុន ម៉ាណែត តំណាងដ៏ខ្ពង់ខ្ពស់សម្តេច អគ្គមហា សេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រ កម្ពុជា និង សម្តេចកិត្តិព្រឹទ្ធបណ្ឌិត ប៊ុនរ៉ានី ហ៊ុន សែន ។
លោក អុស្មាន ហាស្សាន់ រដ្ឋមន្ត្រី ប្រតិភូអមនាយក រដ្ឋមន្ត្រី បានបញ្ជាក់ថា៖ វិហារឥស្លាម ដែលបានសម្ពោធ ដាក់ ឲ្យប្រើប្រាស់នាពេលនេះទំហំ២៤ ម៉ែត្រគុណ នឹង ២៤ ម៉ែត្រ ចំណាយថវិកា ក្នុងការសាងសង់ អស់ជិត៣០ ម៉ឺន ដុល្លារ អាមេរិកជា អំណោយរបស់សប្បុរសជន ក្នុងប្រទេស កម្ពុជា និង ម៉ាឡេស៊ី ដែលវិហារឥស្លាម អាល់ មូ ហាជីរីន នេះ គឺជាសមិទ្ធផល ថ្មីមួយបន្ថែមទៀតសម្រាប់ ឆ្លើយតប ទៅនឹងតម្រូវការរបស់សាសនិកឥស្លាម កម្ពុជា ។
លោក អូស្មាន ហាស្សាន់ បានបញ្ជាក់ថា៖ កន្លងទៅ មានប្រទេសមហាអំណាចខ្លះគេ បានមកនិយាយ ជាមួយ សម្តេច នាយករដ្ឋមន្ត្រីថា កុំឲ្យប្រទេសខាងក្រៅ គេផ្តល់ ជំនួយមកឲ្យបងប្អូនខ្មែរឥស្លាមព្រោះគេខ្លាចបងប្អូន ខ្មែរ ឥស្លាម យកជំនួយទាំងនោះ ទៅប្រើប្រាស់ដើម្បី សកម្មភាព ភេរវកម្មតែជាការឆ្លើយ តបសម្តេចនាយករដ្ឋមន្ត្រី ថា មិនអាច មានរឿងដូច្នោះឡើយ ។
លោក អូស្មាន ហាស្សាន់ បានបញ្ជាក់ថា៖ សាសនិក ឥស្លាម កម្ពុជា នឹងមិនធ្វើនូវអំពើខុសឆ្គង ឲ្យផ្ទុយពីការយកចិត្តទុកដាក់របស់ ប្រមុខរាជរដ្ឋាភិបាល កម្ពុជាមកលើខ្លួន ឡើយ ព្រោះសាសនិកឥស្លាម ក៏ជាពលរដ្ឋខ្មែរ ហើយ ត្រូវ បាន រាជរដ្ឋាភិបាល យកចិត្តទុកដាក់ ដូចពលរដ្ឋ ខ្មែរ កាន់សាសនា ព្រះពុទ្ធ និងសាសនាដទៃទៀតដោយ គ្មាន ការរើសអើងដូច្នេះយើងនឹង មិនធ្វើអំពើ អ្វីដែលនាំជាការ អំពល់ទុក្ខ ដល់រាជរដ្ឋាភិបាល ឡើយ ។
លោក ហ៊ុន ម៉ាណែត ក្នុងនាមសម្តេចនាយក រដ្ឋមន្ត្រី បានបញ្ជាក់ថា៖ ពិតសាសនិកឥស្លាម និងសាសនិក នៃ សាសនា ផ្សេងទៀត សុទ្ធតែ ទទួលបាន ការយកចិត្ត ទុកដាក់ ពី រាជរដ្ឋាភិបាលបើទោះបីជារដ្ឋធម្មនុញ្ញ នៃព្រះរាជា ណាចក្រ កម្ពុជាបានចែងថា៖ ព្រះពុទ្ធសាសនា ជា សាសនា របស់រដ្ឋក៏ ដោយចុះតែ រាជរដ្ឋាភិបាល មិនបាន រឹត ត្បិត ចំពោះ ជំនឿសាសនាផ្សេងឡើយ ផ្ទុយទៅវិញ រាជរដ្ឋាភិ បាលបានធ្វើ ឲ្យមានសុខដុមរមនីយកម្ម ខាងសាសនា ដើម្បី រួមគ្នា កសាង ប្រទេសជាតិឲ្យមានការ រីកចម្រើនព្រោះ យើងឆ្អែតហើយ នូវការ បែកបាក់ជាតិជម្លោះផ្ទៃក្នុង រ៉ាំរ៉ៃ ដែល បានធ្វើ ឲ្យកម្ពុជា ចុះខ្សោយជាលំដាប់ទម្រាំ អាច យក សន្តិភាព និង ការ បង្រួបបង្រួមជាតិបានមកវិញ កាលពីឆ្នាំ ១៩៩៨ ។ ដូច្នេះខ្មែរគ្រប់សាសនា មិនត្រូវ ប្រកាន់ និន្នាការ នយោបាយ ត្រូវរួបរួមគ្នាថែរក្សាវា ឲ្យនៅគង់វង្ស ដើម្បី សេចក្តី សុខរបស់ ប្រជាពលរដ្ឋ និង ប្រទេសជាតិ ។
លោក ហ៊ុន ម៉ាណែត បានបញ្ជាក់ថា៖ ជាការសោក ស្តាយ ខ្លាំងណាស់ ដែលមាន អ្នកនយោបាយ ខ្មែរបាន រៀន សូត្រ ពីបរទេស នូវមេរៀនដើម្បី ផ្តួលរំលំ រាជរដ្ឋាភិបាល ស្របច្បាប់ ដែល នេះ គឺជា អំពើ ក្បត់ជាតិ មិនអាច អត់ឱន ឲ្យបានឡើយ ៕