ខេត្តបន្ទាយមានជ័យ ៖ ក្រុមប្រជាពលរដ្ឋដែលលក់ដូរនៅលើដីចំណីផ្លូវសាធារណរបស់រដ្ឋត្រង់ចំណុចភូមិប៉ោយប៉ែតសង្កាត់ និងក្រុងប៉ោយប៉ែត ខេត្តបន្ទាយមានជ័យ បានរិះគន់លើក្រុមអាជ្ញាធររបស់សាលាក្រុងប៉ោយប៉ែតថា បានឃុបឃិត និង បណ្តោយឲ្យភាគីក្រុមហ៊ុន ក្រោនរីសតធើ្វអ្វីៗតាមអំពើចិត្ត។
ពួកគាត់បានលើកឡើងថា កន្លងទៅតូបដែលពួកគាត់បានជួលក្រុមហ៊ុនផ្សារ ក្នុងតម្លៃ១៤០០០បាតប្រាក់ថៃ ហើយក្រោយមកទៀត ពួកគាត់ត្រូវភាគីសាលាក្រុងចេញលិខិតជូនដំណឹងឲ្យបញ្ឈប់សកម្មភាពលក់ដូរ ដោយលើកឡើងពីទឡ្ហ័យករណ៏ ថា រដ្ឋត្រូវការដីដើម្បីអភិវឌ្ឍន៏ស្ថានីយ៏រថភ្លើង ដែលជាផែនការណ៏ស្នូលរបស់ថ្នាក់ជាតិ ពោលគឺរដ្ឋបានដោះស្រាយសំណងដ៏សមស្របឲ្យទៅភាគីក្រុមហ៊ុនផ្សាររបស់លោកឧកញ៉ា កុក អាន ក្រោយមកទីតាំងផ្សារនោះត្រូវបានបាំងបិតដោយរបងដែក ។ ប៉ុន្តែមិនយូប៉ុន្មាននោះ ទេ ស្រាប់តែ របងដែកនោះត្រូវរប៊ើកចេញដោយអំណាចទឹកប្រាក់ ហើយទីតាំងផ្សារនោះបានដំណើរការសារជាថ្មី ផ្តល់សិទ្ធិឲ្យអ្នកភូមិបានចូរលក់ដូរដោយដាក់ពាក្យស្នើស៊ំទៅក្រុមហ៊ុនកាស៊ីណូ(ក្រោនរីសត) តម្លៃតូប១ស្មើនិង៣០០០បាតប្រាក់ថៃសម្រាប់១ខែ ដោយថ្លៃសេវាតភ្ជាប់ក្រុមហ៊ុនតម្រូវឲ្យអ្នកលក់បង់ប្រាក់តម្កល់ទុកមុនចំនួន៤២០០បាតប្រាក់ថៃ ។
យោងតាមសម្តីរបស់មន្ត្រីដោះស្រាយផលប៉ះពាល់ផ្លូវរថភ្លើងថ្នាក់ជាតិម្នាក់ស៊ំមិនបញ្ចេញឈ្មោះបានឲ្យអ្នកសារព័ត៌មានយើងដឹងថា តូបជាច្រើនរបស់ក្រុមហ៊ុនផ្សាររ៉ាចាស់ត្រូវរដ្ឋដកហូតយកពីក្រុមហ៊ុនផ្សារអស់រួចហើយ ហើយដីចំណីផ្លូវទាំងនោះត្រូវក្លាយជាទ្រព្យសម្បត្តិរបស់រដ្ឋ ប៉ុន្តែចំឡែកត្រង់ថា ហេតុអ្វីបានជាលោកង៉ោ ម៉េងជ្រូន អភិបាលក្រុងប៉ោយប៉ែតស្នើស៊ំយកតូបទាំងនោះឲ្យទៅភាគីក្រុមហ៊ុនក្រោនរីសតដាក់ជួលឲ្យពលរដ្ឋវិញដូច្នោះ ? ។
ចំណែកពលរដ្ឋដែលបានជួលតូបបន្តពីក្រុមហ៊ុនលក់ដូរចាប់ពីប្លុកកាស៊ីណូឡាគី មកទល់និងផ្លូវចូលផ្សារមង្គល កន្លងទៅតូបមួយគាត់ជួលពីក្រុមហ៊ុនក្នុងតម្លៃ៣០០០បាត១ខែរយពេលជាង២ឆ្នាំ ត្រូវបានក្រុមហ៊ុនក្រោនរីសតផង និងខាងសមត្ថកិច្ចនគរបាលក្រុងផងបានដើរប្រាប់ឲ្យរុះរើបញ្ឈប់ការលក់ដូរ ប៉ុន្តែគ្មានអ្នកណាឈប់ទេ ព្រោះថា ការជូនដំណឹងនោះដដែលជាដដែល គ្មានចំណាត់ការច្បាស់លាស់ ។
អ្នកភូមិថាតូបដែលពួកគាត់លក់ដូររាល់ថ្ងៃនេះគេមិនបានដើរទារប្រាក់ដូចមុនទៀតឡើយ ហើយតូបសរុបមានជាង៥០តូប ដោយឡែក ចំនួន១៩តូបផ្សេងទៀតនៅជាប់ទីតាំងស្ថានីយ៏រថភ្លើងចាស់ត្រូវបានខាងក្រុមហ៊ុនឯកជនក្រោនរីសតជាអ្នកដើរយកលុយប្រចាំខែរៀងរាល់ខែ ដែលមិនបានផ្តល់ផលប្រយោជន៏អ្វីសម្រាប់រដ្ឋនោះទេ ? ពាក់ពន្ធ័និងបញ្ហាខាងលើ ភាគីខាងក្រុមហ៊ុនយើងមិនអាចស៊ំការអធិប្បាយបាននៅឡើយទេ ជុំវិញបញ្ហាតូបខ្លះនៅបង់លុយ និងតូបខ្លះទៀតមិនយកលុយពីអ្នកលក់ដូរនោះ ? ចំណែកលោក ង៉ោម៉េង ជ្រូន អភិបាលនៃគណៈអភិបាលក្រុងប៉ោយប៉ែត នៅថ្ងៃទី០៥កញ្ញា២០១៧ មិនអាចទាក់ទងបានយ៉ាងណានោះទេ ៕
