ខេត្តស្ទឹងត្រែង៖ បទល្មើសព្រៃឈើជ្រកក្រោមផ្លាកវ៉ារីរីអគ្គីសនីសេសាន២របស់ឧក ញ៉ាគិតម៉េង នៅតែបន្តសកម្មភាពកាប់ដឹកជញ្ជូនឈើ ដោយគ្មានខ្លាចញញើតនិងបទបញ្ជាររបស់សម្តេចនាយករដ្ធមន្ត្រីឡើយបើទោះបីជាទំនប់វារីបានទប់បញ្ចាល់ទឹកលិចភូមិអ្នកស្រុកស្ទើអស់ក៏ដោយ។សេចក្តីរាយការពីខេត្តស្ទឹងត្រែងឲ្យដឹងថា ៖ ថ្មីៗនេះក្រុម ហ៊ុនឧកញ៉ាគិតម៉េង ដែលទទួលបានសិទ្ធក្នុងការកាប់ឈើស្តាបាតអាងទំនប់វារីអគ្គីសនីនៅឃុំស្រែគស្រុកសេសាននៅតែបន្តសកម្មភាពដឹកឈើគ្រប់ប្រភេទ យ៉ាងអានាធិបតេយ្យដោយមិនខ្លាចញញើតនិងបទបញ្ជារបស់សម្តេចនាយករដ្ធមន្ត្រីហ៊ុន សែន ដែលជាប្រមុខរាជ រដ្ធាភិបាលនោះឡើយ។ជាក់ស្តែងនៅសប្តាហ៍ចុងខែសីហាមុននេះក៍មានរថយន្តខ្នាតយក្យចំនួន៤ គ្រឿងដែលសមត្ថកិច្ចខេត្តរតនៈ គីរីចាប់បានឆែកឆឆេររកឃើញថាគ្មានលិខិត ប៉េសេ ត្រឹមត្រូវឡើយ ។
រថយន្តដឹកឈើសុទ្ធសឹងជាររថយន្តខ្នាតយក្យ ធំៗ ដែលផ្ទុកលើសទម្ងន់ និងលើស ប៉េសេ ដែលរដ្ធកំណត់ផងនោះគឺជាបញ្ជាក់អោយឃើញ ពីការឃុបឃឹតគ្នាយ៉ាងពិតប្រាកដរបស់សមត្ថកិច្ចខេត្តស្ទឹងតត្រែង គ្រប់ស្ថាប័ន ទាំងអស់ជាមួយក្រុមហ៊ុនស្តារបាតអាងរបស់ឧកញ៉ាគិតម៉េង។
សូមបញ្ជាក់ផងដែរថា រថយន្តដឹកឈើរបស់ក្រុម ហ៊ុនវារីអគ្គីសបាតអាងនេះក្នុងមួយយប់ៗចេញរាប់សិបគ្រឿងពីបាតអាងទៅខេត្តក្រចេះចូលទៅប្រទេសវៀតណាមតាមច្រក វ៉ាលឺ ត្រពាំងស្រែ ក្នុងស្រុកស្នួលខេត្ត ក្រចេះដោយគ្មានសមត្ថកិច្ចណាហ៊ានឃាត់តាមផ្លូវដើម្បីឆែកត្រួតពិនិត្យ ប៉េ សេ បន្តិចនោះឡើយ។
សូមបញ្ជាក់ថា ៖ ក្នុងការកសាងវារីអគ្គីសនីសេសាន២ដែលមានតម្លៃ៨០០លានដុល្លារអាមេរិកគឹមានកិច្ចសហការរវាងក្រុមហ៊ុនចំនួន៣ ក្នុងនោះមានក្រុមហ៊ុនចិន ឈ្មោះChina’s Lancang Hydropower International Energy ដែលមានចំណែកហ៊ុន៥១ភាគរយ ក្រុមហ៊ុនរ៉ូយ៉ាល់គ្រុបរបស់ឧកញ៉ា គិត ម៉េង ចំនួន៣៩ភាគរយ និងក្រុមហ៊ុនវៀតណាមឈ្មោះ Vietnam’s EVN International ដែលមានចំណែកហ៊ុន១០ភាគរយ។អ្វីដែលជាការកត់សម្គាល់ក្រៅពីមានផលប៉ះពាល់ដល់ប្រជាពលរដ្ឋគឹសកម្មភាពកាប់បំផ្លាញឈើធ្វើអាជីវកម្មខុសច្បាប់នៅខេត្តស្ទឹងត្រែងក្រោមរូបភាពនៃអាជ្ញាបណ្ណ័ស្តារបាតអាងដែលមានទំហំតែជាង៣ម៉ឺនហិកតារបស់ឧកញ៉ាគិតម៉េងប្រធានក្រុមហ៊ុនរ៉ូយ៉ាល់គ្រុបត្រូវបានគេរាយការណ៍ថា៖បានកើតឡើងដោយគ្មានការត្រួតពិនិត្យឡើយ ៕