បន្ទាយមានជ័យ ៖ កាលពីថ្ងៃទី ០៤ ខែ កញ្ញា ឆ្នាំ២០១៧ មានកិច្ចប្រជុំគណអភិបាលក្រុងប៉ោយ ប៉ែត ដែលមានការចូលរួមគ្រប់សមាសភាពទាំងអស់ រួមទាំងចៅសង្កាត់ពីរមកពីគណបក្ស សង្គ្រោះ ក៏បានចូលរួមដែរ ។ ប៉ុន្តែអ្វីដេលជាការគួឲ្យភ្ញាក់ផ្អើលគឺថាមានប្រពន្ធ័ផ្សព្វផ្សាយរាយការណ៍ថា៖អ្នកស្រី ឃុន ចន្ទី ចៅសង្កាត់ផ្សារកណ្ដាលមកពី គណបក្ស
សង្គ្រោះជាតិ (CNRP) ត្រូវបានលោកង៉ោម៉េងជ្រួនអភិបាលក្រុងប៉ោយ ប៉ែត ដេញចេញពីអង្គប្រជុំក្រុមប្រឹក្សាក្រុងប៉ោយប៉ែត ដោយសារអ្នកស្រី មិនគោរពបទបញ្ជាផ្ទៃក្នុង គិតតែចុចទូរស័ព្ទ និងមិនគោរពពេលវេលា។លោក ង៉ោ ម៉េងជ្រួន បញ្ជាក់ថា «បានជាខ្ញុំបណ្តេញលោកស្រី ឃុន ចន្ទី ជាចៅសង្កាត់ផ្សារកណ្តាលមកពី CNRP ចេញពីអង្គប្រជុំ ក្រុមប្រឹក្សាក្រុងដោយមូលហេតុ គាត់មិនគោរពម៉ោងការងារមិនស្តាប់អង្គប្រជុំ ចង់ចេញចូលតាមទំនើងចិត្ត និងមិនយកចិត្តទុកដាក់ស្តាប់ក្នុងពេលប្រជុំ គិតតែអង្គុយចុចទូរស័ព្ទដៃទៅវិញ អ្វីដែលមិនអាចទទួលយកបាន។
អ្នកស្រីចៅសង្កាត់ម្នាក់នេះតែងតែមកយឺតពេលប្រជុំជិត១ម៉ោង នេះជាទង្វើរអាក្រក់មួយដែលគោរពបទបញ្ជា និងមិនគោរពថ្នាក់លើ»។
លោក ង៉ោ ម៉េងជ្រួន ថា លោកស្រីចៅសង្កាត់ផ្សារកណ្តាល អ្នកស្រី ឃុន ចន្ទី ធ្វើទង្វើរមិនសមជាថ្នាក់ដឹកនាំនៅលក្នុងមូលដ្ឋានសោះគឺទី១៖ មិនគោរពទទួលបញ្ជាពីថ្នាក់លើ, ទី២៖ មិនគោរពពេលវេលាអង្គប្រជុំ, ទី៣៖ បានតមាត់ជាមួយប្រធានអង្គប្រជុំរបស់កំហឹងឈ្លោះក្នុងអង្គប្រជុំ, ទី៤៖ មិនអនុវត្តនូវការណែនាំរបស់ ក្រុមប្រឹក្សាក្រុងប៉ោយប៉ែតរាល់ការប្រជុំលើកឡើង។ អ្វីពិសេសនោះគាត់មិនចូលប្រជុំ កិច្ចការនារី គាត់គ្រាន់តែចូលចុះវត្តមាន ហើយដើរចេញថែមទៀតផង។
លោកអភិបាលក្រុងប៉ោយប៉ែត បានបញ្ជាក់ថា ទង្វើរបស់លោកស្រី ឃុន ចន្ទី មិនមែនលើកជាទី១ទេ ស្ទើរការប្រជុំទង្វើរគាត់ គឺបែបនេះជានិច្ច ហើយការដេញចេញជាលើកទី១ សម្រាប់ចៅសង្កាត់បែបនេះទេ។
ទោះបីយ៉ាងណាអ្នកស្រី ឃុន ចន្ទីបានបកស្រាយថាអ្នកស្រីមិនបានត្រូវបណ្តេញទេគឺអ្នកស្រីដើរចេញព្រោះប្រធានអង្គប្រជុំមិនស្តាប់សំណើរសបស់អ្នកស្រីបែរទៅជាស្តីបន្ទោសអ្នកស្រី នៅក្នុងអង្គប្រជុំទៀតផង ។បើតាមសំដីអ្នកដែលបានចូលរួមក្នុងអង្គប្រជុំនោះ បាននិយាយថាៈ អ្នកស្រី ឃុន ចន្ទី លើកបញ្ហា ជាសំណូមពររបស់ប្រជាពលរដ្ឋនៅក្នុងសង្កាត់ផ្សារកណ្តាល ក្រុងប៉ោយប៉ែត តែលោកអភិបាលក្រុងប៉ោយប៉ែត លោក ង៉ោម៉េងជ្រួន មិនបានយកចិត្តទុកដាក់អំពីផល លំបាករបស់ប្រជាពលរដ្ឋទេ បែរទៅជាស្តីបន្ទោសអ្នកស្រីខ្លាំងៗ ហាក់ដូចជាចាត់ទុកថា អ្នកស្រី ជាសត្រូវរបស់ខ្លួន ។
ដោយសារតែសំណូមពររបស់អ្នកស្រី មិនត្រូវបានលោកអភិបាលក្រុងស្តាប់ នោះ ទើបអ្នកស្រី បានក្រោកចេញពីសាលប្រជុំត្រឡប់មកសង្កាត់វិញ ។ នេះ ជាលើកទី២ ហើយ ដែលលោក អភិបាលក្រុងប៉ោយប៉ែត បានធ្វើទុក្ខបុកម្នេញដល់ចៅសង្កាត់ផ្សារកណ្តាលជាស្ត្រី កូតា គណបក្សសង្គ្រោះជាតិ ។ ករណីនេះប្រជាពលរដ្ឋនិយាយថាគ្រាន់តែឆែកទូរស័ព្ទប៉ុណ្ណឹង មិនគួរណាលោក ង៉ោ ម៉េងជ្រួន ខឹងសម្បារខ្លាំងដែរ ព្រោះថានៅក្នុងកិច្ចប្រជុំនៅខេត្តបន្ទាយមានជ័យ ម្តងៗ មានមន្ត្រីណាខ្លះ ស្តាប់អភិបាលរងខេត្ត?រវល់លេងទូរសព្ទដូចតែគ្នាហ្នឹង ៕
