ខេត្តបន្ទាយមានជ័យ ៖ អ្នកភូមិនៅក្បែរបនល្បែងកាស៊ីណូឡាគ្គីស្ថិតនៅក្នុងភូមិនិងសង្កាត់ប៉ោយប៉ែតខេត្តបន្ទាយមានជ័យបាននាំគ្នាព្រួយបារម្ភ ខណៈរៀងរាល់ថ្ងៃនេះទីតាំងមួយកន្លែងដែលក្រុមហ៊ុនកាស៊ីណូខាងលើបានជួលបើកសង្វៀនជល់មាន់នោះ ក៏កើតជាសំបុកជួញដូរថ្នាំញៀនជាចំហរ ហើយមិនត្រូវបានកងកម្លាំងមានសមត្ថកិច្ចចុះទប់ស្កាត់ឬបង្ក្រាបនោះទេ។
ពលរដ្ឋបានលើកឡើងបន្តថា នៅចំពីក្រោយកាស៊ីណូឡាគ្គីនោះគឺមានរូងមួយដែលសង្ស័យទុកសម្រាប់ធើ្វចរាចរគ្រឿងញៀនចេញក្រៅនិងចូលក្នុងកាស៊ីណូ អ្នកភូមិម្នាក់បានឲ្យដឹងដែរ ថា ថ្ងៃមួយនោះគាត់បានឃើញក្រុមអ្នកចែកចាយថ្នាំញៀនផ្ទាល់នឹងភ្នែកហើយយករឿងនេះទៅប្រាប់អ្នកស្រី មេភូមិតែហាក់មិនទទួលបានលទ្ធផលឡើយ ពោលគឺសកម្មភាពនៅតែដដែល (គ្មានចំណាត់ការសោះ )ព្រោះមេខ្លោងគ្រឿងញៀននៅទីនោះសង្ស័យមានដាវអាជ្ញាសិកផង ។
ពាក់ព័ន្ធករណីអ្នកភូមិចោទក្រុមហ៊ុនកាស៊ីណូថាបានអនុញាតផ្តល់ទីតាំងឲ្យមានការជួញដូរនូវសារធាតុញៀនខុសច្បាប់ លោក ភួន ភេង ប្រធានក្រុមហ៊ុនកាស៊ីណូឡាគី នៅព្រឹកថ្ងៃទី០៤កញ្ញា២០១៧នេះអិនធីវី មិនអាចស៊ំឲ្យលោកធើ្វការអធិប្បាយពន្យល់បានយ៉ាងណានោះទេ ព្រោះគ្មានលេខដើម្បីទាក់ទង លោក ។
ចំណែកភាគីខាងសមត្ថកិច្ចវិញ គឺលោក ធិន ស៊ិនដេត អធិការនគរបាលក្រុងប៉ោយប៉ែត អ្នកសារព័ត៌មានយើងធ្លាប់បានផ្តល់ព័ត៌មានជូន ជុំវិញករណីទីតាំងជួញដូរគ្រឿងញៀនខាងលើ លោកបានត្រឹមឆ្លើយតបតាមសារអេឡិកត្រូនិកថា (អូខេ)តែមិនដឹងនូវឡើយទេថា តើលោកនឹងដាក់កម្លាំងចាំបោសសំអាតបង្ក្រាបឬយ៉ាងណា ? ប៉ុន្តែកន្លងទៅថ្មីៗនេះ គេបានឃើញលោកអធិការរូបនេះបាន បញ្ចេញស្នាដៃបានច្រើនបង្គួរចំពោះអ្នកចែកចាយប្រភេទតូចៗ នៅតំបន់ប៉ោយប៉ែត ចាប់តាំងពីលោកបានអង្គុយកៅអីជាអធិការរួចមក ៕