មណ្ឌលគិរីៈយ៉ាងហោចណាស់ទារកអាយុ០៦ខែម្នាក់ព្រមទាំងមនុស្សប្រុសស្រី១៥នាក់ផ្សេងទៀត កំពុងស្ថិតក្នុងមណ្ឌលសុខភាព ក្រោយពេលដែលមនុស្សទាំងនោះសង្ស័យថាបានរងនូវការពុលអាហារកាលពីល្ងាចថ្ងៃទី០១និងបានអូសបន្លាយដល់ថ្ងៃទី០២កញ្ញានេះ នៅមណ្ឌលសុខភាពស្រែខ្ទុម ឃុំស្រែខ្ទុម ស្រុកកែវសីមា ខេត្តមណ្ឌលគិរី។
ប្រធានមណ្ឌលសុខភាព ស្រែខ្ទុម លោកប្រាក់ បូណារិទ្ធ ឲ្យដឹងថាក្រុមគ្រូពេទ្យរបស់លោកកំពុងជួយសង្គ្រោះបឋមលើអ្នកជម្ងឺ១៦នាក់ក្នុងនោះមានទារកម្នាក់អាយុ០៦ខែនិងមនុស្សប្រុសស្រីផ្សេងទៀត១៥នាក់។
លោកថាចំពោះមូលហេតុនៅមិនទាន់អាចបញ្ជាក់បាននោះទេ ត្រូវរង់ចាំគ្រូពេទ្យជំនាញនៃមន្ទីរសុខាភិបាលខេត្តមណ្ឌលគិរីមកដល់សិន។
សមត្ថកិច្ចមូលដ្ឋានបញ្ជាក់ថាជនរងគ្រោះជាជនជាតិដើមភាគតិចព្នងរស់នៅភូមិចំនួនបី ក្នុងឃុំស្រែខ្ទុម ស្មើនិង១១គ្រួសារចំនួនមនុស្ស១៦នាក់។
