ក្រចេះ ៖ ករណីបង្ក្រាបគ្រឿងញៀនក្នងរយៈពេល១ខែនេះ បន្ទាប់ពីលោក កែវ សុជាតិ ព្រះរាជអាជ្ញាអមសាលាដំបូងខេត្តក្រចេះ បានបង្កើតមូលនិធិកាលពីដើម ខែសីហា ឆ្នាំ២០១៧។ គឺ មានការបង្ក្រាបយ៉ាងកក្រើកក្នុងទឹកដីខេត្តខេត្តក្រចេះដែលមិនធ្លាប់មានការបង្ក្រាបកន្លងមក។
កម្លាំងសមត្ថកិច្ចក្រោមការដឹកនាំសម្របសម្រួលនីតិវិធីពីស្ថាបន៍អយ្យាការអមសាលាដំបូងខេត្ត បានបង្ក្រាបយ៉ាងសកម្មដោយបានបំបែកករណីដែលក្នុងនោះមានជនគ្រឿងញៀនប្រុស-ស្រីចំនួន ៤៤នាក់ និងគ្រឿងញៀនចំនួនជិត៨០កញ្ចប់តូច ធំ ត្រូវបានបើកប្រតិបត្តិការ ស្រាវជ្រាវបង្ក្រាបជាបន្តបន្ទាប់បានចំនួន១៥ករណី ។
ប្រតិបត្តិការបង្ក្រាបករណីគ្រឿងញៀន ក្រោមការដឹកនាំពីស្ថាប័នអ្យការខេត្ត ដែលនេះ បានធ្វើក្នុង អំឡុងរយៈ១ខែ ក្នុងនោះជនមុខ សញ្ញា គ្រឿងញៀនចំនួន៤៤នាក់ ក្នុងនោះស្រី១០ នាក់ត្រូវបានឃាត់ខ្លួនចាត់ការតាមនីតិវិធីបន្ត។
យុទ្ឋនាការដែលបានធ្វើឡើងយ៉ាងក្តៅគគុក លើការស្រាវជ្រាវបង្ក្រាបមុខសញ្ញា គ្រឿងញៀនពីកងកម្លាំងសមត្ថកិច្ច ក្រោមការសម្របសម្រួលផ្ទាល់របស់ស្ថាប័នអយ្យការ ខេត្ត បានធ្វើឲ្យសារធារណៈជនមានការគាំទ្រនិងសម្តែងទំនុកចិត្តមកលើកងកម្លាំងសមត្ថ កិច្ចយ៉ាងពេញចិត្ត។
លោក គង់ ស៊ីដន ប្រធានការិយាល័យប្រឆាំងការជួញដូរគ្រឿងញៀនខេត្ត បានឲ្យដឹងតាមទូរស័ព្ទកាលពីរសៀលថ្ងៃទី០២ខែកញ្ញាឆ្នាំ២០១៧នេះថា មានជនជាមេខ្លោង គ្រឿងញៀនចំនួន៣ នាក់ ត្រូវបានកម្លាំងនគរបាលក្រោមការបញ្ជារផ្ទាល់ពី លោក កែវ សុជាតិ ព្រះរាជអាជ្ញាអមសាលាដំបូងខេត្ត បានចុះធ្វើការស្រាវជ្រាវបង្ក្រាប បានកាលពីរំលងអធ្រាតឈានចូលថ្ងៃទី០២ ខែកញ្ញា ឆ្នាំ២០១៧ស្ថិត ក្នុងឃុំពង្ររ ស្រុកឆ្លូង ខេត្តក្រចេះ។
លោកបានបន្តទៀតថា ជាមួយនិងយុទ្ឋនាការនោះ ក្រៅពីជនគ្រឿងញៀន ជាមុខសញ្ញាជួញដូរធំ ចំនួន៣នាក់ ត្រូវបានឃាត់ខ្លួន ក្នុងនោះក៏មានគ្រឿងញៀនជិត១គីឡូក្រាម ក៏ត្រូវបានឆែកឆេររកឃើញផងដែរ។ហើយ
ជនសង្ស័យប្រុសស្រីលើករណីគ្រឿងញៀនទ្រង់ទ្រាយធំត្រូវបានឃាត់ខ្លួន ១.ឈ្មោះ ចឹប ហ៊ាន ភេទស្រី អាយុ៣៨ឆ្នាំ ទី២. យូ សុខចន្ថា ហៅចក់ អាយុ៤១ឆ្នាំ ទី៣. យូ គុន្ឋវណ្ណឌី ហៅ ធំ អាយុ២៧ឆ្នាំរស់នៅក្នុងភូមិឃុំខាងលើ។
ព្រះរាជអាជ្ញាររងអមសាលាដំបូខេត្តលោក ធុច បញ្ចសន្តិភាព និងលោក ជា សុភក្ក្រ លោក ទុត វិនីត ដែលបានដឹកនាំកម្លាំងនគរ បាលបើកប្រតិបត្តិការស្រាវជ្រាវបង្ក្រាបបានឲ្យដឹងថា ក្រោយការចុះស្រាវជ្រាវនិងស៊ើប អង្កេត កម្លាំងសមត្ថកិច្ច បានចុះឃាត់ខ្លួនជនសង្ស័យគ្រឿងញៀនប្រុស ស្រីទាំងបីនាក់ នេះ ជាមួយនិងគ្រឿងញៀនទំងន់ជិត១គីឡូក្រាម។
លោកបានបន្ថែមថា នគរបាលជំនាញបានធ្វើតេស្តលើសារធាតុញៀនទាំងនេះ នៅថ្ងៃ ទី០២ កញ្ញាឆ្នាំ២០១៧ នៅនិងមុខជនសង្ស័យប្រុស ស្រី និងបានរកឃើញថា សុទ្ឋតែមានសារធាតុញៀន ប្រភេទមេតំហ្វេតាម៉ីន។
ជនមេខ្លោងគ្រឿងញៀនប្រុស ស្រីទាំង៣នាក់ កំពុងតែឃាត់ខ្លួននិងបន្តការសាកសួរ ពីកម្លាំងជំនាញនគរបាលការិយាល័យប្រឆាំការជួញគ្រឿងញៀនខេត្ត ដើម្បីកសាងសំណុំរឿងបញ្ជូនទៅតុលាការនៅព្រឹកស្អែកថ្ងៃទី០៣ខែកញ្ញាឆ្នាំ២០១៧ដើម្បីចាត់វិធានការតាមនីតិវិធីច្បាប់បន្ត៕
