ភ្នំពេញ ៖ ទៀតហើយមន្ត្រីរាជការណាដែលអត់មានបាក់ឌុបឬបរិញ្ញាបត្រ័អាចទៅរៀនយកសញ្ញាបត្រ័បរិញ្ញាបត្រ័ជាន់ខ្ពស់(អនុបណ្ឌិត)បាននៅសកលវិទ្យាល័យចំរើនពហុបច្ចេកវិទ្យា (CUP) ។ លោកបណ្ឌិត ឡាច សំរោង សហសាកលវិទ្យាធិការ នៃសាកលវិទ្យាល័យ CUP បានថ្លែងប្រាប់កាសែត នៅថ្ងៃទី៣០ ខែសីហា ឆ្នាំ២០១៧ថា យោងចំណាររបស់សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា ចុះថ្ងៃទី១៤ ខែសីហា ឆ្នាំ២០១៧ យោងលិខិតលេខ៧៤១ សជណ ចុះថ្ងៃទី១៨ ខែសីហា ឆ្នាំ២០១៧ របស់ទីស្ដីការគណៈរដ្ឋមន្ត្រី ស្តីពីការសម្រេចរបស់រាជរដ្ឋាភិបាល យល់ព្រមអនុញ្ញាតឲ្យសាកលវិទ្យាល័យចំរើនពហុបច្ចេកវិទ្យា បើកវគ្គបណ្ដុះបណ្ដាលថ្មីទៀត សម្រាប់ឥស្សរជនជាន់ខ្ពស់ និងមន្ត្រីរាជការវ័យចំណាស់មកពីបណ្ដាក្រសួង ស្ថាប័ន ខេត្ត និងរាជធានីភ្នំពេញ និងយោងអនុក្រឹត្យលេខ៥៦អនក្រ.បក ចុះថ្ងៃទី១៤ ខែមិថុនា ឆ្នាំ២០០២ ស្តីពីការទទួលស្គាល់សាកលវិទ្យាល័យចំរើនពហុបច្ចេកវិទ្យា។
វគ្គបណ្ដុះបណ្ដាលវគ្គពិសេស ថ្នាក់បរិញ្ញាបត្រជាន់ខ្ពស់ ផ្នែកវិទ្យាសាស្ត្រនយោបាយ និងរដ្ឋបាលសាធារណៈ សម្រាប់ឥស្សរជន និងមន្ត្រីរាជការទាំងអស់ ដែលមានបទពិសោធន៍ការងារច្រើនឆ្នាំ តែពុំមានសញ្ញាបត្រ អាចដាក់ពាក្យសុំវាយតម្លៃលើបទពិសោធន៍ការងារកន្លងមក ដើម្បីទទួលបានសិទ្ធិចូលរៀនថ្នាក់បរិញ្ញាបត្រជាន់ខ្ពស់នេះ។
សូមបញ្ជាក់ថា សាកលវិទ្យាល័យចំរើនពហុបច្ចេកវិទ្យា (CUP)ធ្លាប់សម័យលោកជាចំរើនជាសាកលវិទ្យាធិការធ្លាប់បានកើបលុយរាប់សែនដុល្លារអាមេរិកតាមរយៈបើកកវគ្គបណ្ដុះបណ្ដាលវគ្គពិសេសថ្នាក់បរិញ្ញាបត្រជាន់ខ្ពស់ ដល់មន្ត្រីរាជការវ័យចំណាស់ និងឥស្សរជនជាន់ខ្ពស់ មកពីបណ្ដាក្រសួង ស្ថាប័ន ខេត្ត និងរាជធានីភ្នំពេញដែលអត់សញ្ញបត្រ័បរិញ្ញាបត្រ័ផ្លោះយកសញ្ញាបត្រអនុបណ្ឌឹតម្តងរួចមកហើយតែមិនដឹងយ៉ាងម៉េចសាកលវិទ្យាល័យមួយនេះបែជាបានដួលរលំហើយជំពាក់គេវណ្ឌ័ក។ក្រោយមកលោកជាចំរើនក៏បានផ្ទេរឲ្យលោកឡាចសំរោងអតីតអ្នកកាសែតនិងជាមេធាវិចូលមកធ្វើជាសហសាកលវិទ្យាធិការដើម្បីជួយស្តារមុខមាត់។
ទីតាំងសាកលវិទ្យាល័យចំរើនពហុបច្ចេកវិទ្យា (CUP) ស្ថិតនៅអគារលេខ១៥៤ ផ្លូវលេខ១៣២ សង្កាត់ទឹកល្អក់ទី១ ខណ្ឌទួលគោក ខាងលិចវិទ្យាល័យ ជា ស៊ីម សន្ធរមុខ ៕
