ក្រចេះ ៖ នៅស្រុកស្នួលខេត្តក្រចេះប្រជាពលរដ្ឋបានស្គាល់ច្បាស់ឈ្មួញឈើម្នាក់ឈ្មោះចែវីៗ។បានជាគេស្គាល់ព្រោះថាជំនួញដឹកឈើឈើប្រណិតចេញពីខ្មែរចូលស្រុកយួនមិនដេលបរាជ័យទេឡើយព្រោះគ្មានសមត្តកិច្ចណាបង្ក្រាប។ទោះជាយ៉ាងណាចែវីត្រូវបានប្រជាពលរដ្ឋរាយការណ៍ថាគាត់មានប្តីជាជាយោធាឈរជើងការពារនៅតាមបណ្ដោយខ្សែបន្ទាត់ ព្រំដែនកម្ពុជា-វៀតណាម ក្នុងខេត្តក្រចេះឈ្មោះហ៊ត់ ប៊ុនគីមជា មេបញ្ជារកងអនុសេនាធំលេខ៣ នៃកងវរៈសេនាតូចការពារព្រុំដែនលេខ២០៤។
ប្រជាពលរដ្ឋ និងមន្ត្រីមូលដ្ឋាននៅក្នុងឃុំគ្រញូងសែនជ័យ ស្រុកស្នួល ខេត្តក្រចេះ បានឲ្យដឹងថាលោក មេបញ្ជាការយោធារូបនេះ បានឲ្យភរិយារបស់ខ្លួន ដែលគេហៅថា ចែ វីៗ ដើរប្រមូលទិញឈើពីតំបន់ផ្សេងៗ ក្នុងទឹកដីខេត្តមណ្ឌលគីរី ដោយដឹកជញ្ជូនតាមរថយន្តតូចៗ យកមកគរស្តុកទុកនៅក្នុងទីបញ្ជាការកងអនុសេនាធំលេខ៣នេះ មុននឹងលើកដាក់រថយន្តកែឆ្នៃធុនធំៗ ដើម្បីដឹកបន្តចេញទៅលក់នៅក្នុងទឹកដីវៀតណាម តាមច្រករបៀងង៉ាំ០៦ ឬហៅថា ផ្លូវរបស់ក្រុមធីធីវ៉ាយ(TTY)របស់ឧកញ៉ាណាម៉ារឌី។
ប្រភពបានឲ្យដឹងថា៖កាលពីសប្តាហ៍មុន យ៉ាងហោចណាស់ មានឈើប្រណិតប្រមាណ៣០ម៉ែត្រគូប ត្រូវបានដឹកចូល និងរក្សាទុកនៅក្នុងទីតាំងបន្ទាយរបស់កងអនុសេនាធំលេខ៣ ដើម្បីត្រៀមដឹកទៅលក់ឲ្យឈ្មួញឈើអន្តរជាតិរបស់វៀតណាម។
ដោយសារការពិនិត្យឃើញថា សកម្មភាពប្រមូលទិញឈើ និងដឹកជញ្ជូនឈើឆ្លងដែនចូលទឹកដីវៀតណាមរបស់ភរិយាលោក ហ៊ត់ ប៊ុនគីម គឺជាអំពើខុសច្បាប់ លោក កែវ សុជាតិ ព្រះរាជអាជ្ញាអមសាលាដំបូងខេត្តក្រចេះ កាលពីសប្តាហ៍មុនបានចេញបញ្ជាឲ្យមន្ត្រីមានសមត្ថកិច្ចរបស់ស្រុកស្នួល តាមចាប់រថយន្តដឹកឈើខុសច្បាប់ទាំងនេះម្តងហើយ ប៉ុន្តែមិនអាចចាប់បានទេ ?។
ដោយសារវិធានការរបស់លោកព្រះរាជអាជ្ញា កែវ សុជាតិ មិនអាចចាប់ឈើខុសច្បាប់របស់ប្រពន្ធមន្ត្រីយោធាម្នាក់នេះបាននោះចឹងបានជាមានសេចក្តីរាយការណ៍ថា៖ សកម្មភាពដឹកឈើខុសច្បាប់នេះ នៅតែបន្តយ៉ាងគឃ្លើននៅក្នុងទឹកដីស្រុកស្នួល ខេត្តក្រចេះដដែល។
ជាក់ស្តែងនៅថ្ងៃយប់ទី២៧ ឈានចូលថ្ងៃទី២៨ រថយន្តប្រាំគ្រឿងរបស់ប្រពន្ធមន្ត្រីយោធាខាងលើបានដឹកឈើចេញពីបន្ទាយនេះ ចូលទៅក្នុងទឹកដីប្រទេសវៀតណាមក្រោមការជួយសម្របសម្រួល ពីសំណាក់មន្ត្រីនគរបាល ដែលប្រចាំការនៅប៉ុស្តិ៍ច្រករបៀងមួយនេះ បន្ទាប់ពីដឹកចេញពីក្នុងបរិវេណទីបញ្ជាការកងអនុសេនាធំចំនួនបីគ្រឿង និងពីរគ្រឿងទៀតដឹកចេញពីចំណុចប៉ោដើមស្វាយ។
ទាក់ទិននឹងការនាំឈើចេញទៅប្រទេសវៀតណាមរបស់មេឈ្មួញខាងលើនេះ មន្ត្រីកងរាជអាវុធហត្ថលើផ្ទៃប្រទេសរបស់លោកនាយឧត្តមសេនីយ៍សៅសុខា ដែលប្រចាំកានៅតំបន់នេះគ្រាន់តែនិយាយថា៖ចាំ លោកចាត់វិធានទប់ស្កាត់មិនឲ្យបន្តសកម្មភាពទៀតឡើយ???!!!៕
