មណ្ឌលគិរី៖សាំយ៉ុងដឹកឈើប្រណិតពេញប្រុងលោតឆ័ត្រទៅស្រុកយួន១គ្រឿងត្រូវបានកម្លាំងអាវុធហត្ថខេត្តមណ្ឌលគិរីចាប់បានកាលពីនៅវេលាម៉ោង ១ អាធ្រាតឈានចូលថ្ងៃទី២៩ខែសីហាឆ្នាំ២០១៧ ត្រង់ចំនុចភ្នំបាយឆៅ ស្ថិតនៅភូមិពូលូងសង្កាត់រមនាក្រុងសែនមនោរម្យខេត្តមណ្ឌលគិរី។សមត្ថកិច្ចបានអោយដឹងថា រថយន្តខាងលើបានដឹកឈើខុសច្បាប់ចេញពី ឃុំពូជ្រៃ ក្រោយពីទទួលបានបានពត៌មានច្បាស់ កម្លាំងអាវុធហត្ថក្រុងសែនមនោរម្យ បានចុះស្ទាក់ចាប់បានតែម្តង ។
មន្ត្រីអាវុធហត្ថខេត្តមណ្ឌលគិរី លោក ញឹក សុខេង ឲ្យដឹងថា កម្លាំងបានពួនស្ទាក់បានរថយន្តខាងលើបាននៅវេលាម៉ោង១យប់ ។ចំណែកអ្នកបើកបររថយន្តបានដឹងខ្លួនមុន បានចុះរត់គេចខ្លួន បន្សល់ទុកតែ រថយន្ត នឹងឈើប្រភេទធ្នង់ ពេញប្រៀប ។បមិនទាន់ដឹងចំនួនពិតប្រាកដចំនួនឈើក្នុងឡាននៅឡើយ។
បច្ចុប្បន្នរថយន្តនិងឈើ បានប្រគល់អោយមន្ត្រីរដ្ឋបាលព្រៃយកទៅវាស់វែង និងចាត់ការបន្ត។ករណីចាប់បានឈើប្រណីតមួយឡាននេះមានសេចក្តីរាយការណ៍ថា រថយន្តសាំយ៉ុងខាងលើ អាចនឹងយកមកលាក់ទុកក្នុងក្រុងសែនមនោរម្យសិនរួចបានគេ ប្តូររថយន្តដឹកទៅប្រទេសវៀតណាម តាមច្រកដាក់ដាំ ស្រុកអូរាំងឬច្រករបៀងមួយចំនួនក្នុងស្រុកពេជ្រាដា៕
