បាត់ដំបង ៖ ឯកឧត្តម ងិន ឃន សមាជិករដ្ឋសភាជាតិមណ្ឌលបាត់ដំបង ប្រធានក្រុមការងារចុះជួយក្រុង បាត់ដំបង នឹងជាតំណាងដ៏ខ្ពង់ខ្ពសសម្តេចក្រឡាហោម ស ខេង ប្រធានក្រុមការងារចុះជួយខេត្ត បា់តដំបង បាននាំយកទានវស្សានិទេយ្យវត្តជាច្រើនមកវេប្រគេនដល់ព្រះសង្ឃត្រៀមចូលព្រះវស្សានា ពេលខាងមុខនេះចំនួន៣១វត្ត ទាំងសង្កាត់នៅក្នុងក្រុងបាត់ដំបង កាលពីថ្ងៃទី២៦ ខែកក្កដា ឆ្នាំ២០១៥ នៅទីស្នាក់ការគណបក្សក្រុងបាត់ដំបង ។ អញ្ជើញចូលរួមឯកឧត្តម ច័ន្ទ សុផល អភិបាលេខេត្តបាត់ដំបង លោកស្រី ញឹក សុគន្ធ អភិបាលរងខេត្តឯកឧត្តម អ៊ុយ រី អនុប្រធានគណបក្សកម្មាធិកាបក្សខេត្ត ព្រម ទាំងលោកអភិបាលក្រុង។
នេះជាសក្ខីភាពមួយ បញ្ជាក់ឲ្យពីការយកចិត្តទុកដាក់របស់ឯកឧត្តមប្រធាន ក្រុមការងារចំពោះវិស័យព្រះពុទ្ធសាសនា និងឯកឧត្តមក្រុមការងារតែតែប្រារព្ធធ្វើឡើងជារៀងរាល់ឆ្នាំ មុនរដូវចូលវស្សាឈានមកដល់ ក្នុងគោលបំណងជួយជ្រោមជ្រែងផ្គត់ផ្គង ឧបត្ថម្ភគាំទ្រដល់ព្រះសង្ឃ ចូលកាន់ព្រះវស្សាអស់ត្រីមាស កាយពុទ្ធប្បញ្ញក្តិ នៃព្រះសម្មាសម្ពុទ្ធ បរមគ្រូ នៃយើងក៏ដូចជារួមចំណែក ក្នុងការថែរក្សាវប្បធម៌ប្រពៃណីដ៏ល្អផូរផង់របស់ជាតិឲ្យស្ថិតស្ថេរគង់វង្សជាងនេះទៅទៀត ចូលរួមលើកស្ទួអភិវឌ្ឍន៍នៃវិស័យព្រះពុទ្ធសាសនាដែលជាសាសនារបស់រដ្ឋ ឲ្យកាន់តែមានភាពថ្កុំថ្កើន រុងរឿងគ្រប់ប្រាំពាន់ព្រះវស្សា នឹងស្របតាមការអភិវឌ្ឍន៍រីកចំរើនលើវិស័យរបស់ប្រទេសជាតិ ក្រោម ការខិតខំប្រឹងប្រែងរបស់រាជរដ្ឋាភិបាល កម្ពុជាយើងក្នុងគោលដៅការកាត់បន្ថយ ភាពក្រីក្រលើកម្ពស់ ជីវភាពរស់នៅរបស់ប្រជាពលរដ្ឋពីមួយឆ្នាំ ទៅមួយឆ្នាំឲ្យកាន់តែមានភាពល្អប្រសើរ
ឯកឧត្តម ងិន ឃន បានសម្តែងមនោសញ្ជេតនារីករាយនឹងបានគូសបញ្ជាក់ ពីការខិតខំរបស់ រដ្ឋាភិបាលក្នុងការអភិវឌ្ឍន៏ប្រទេសជាតិ នឹងជម្រុញឲ្យមន្ត្រីថ្នាក់ក្រោមជាតិទាំងអស់បន្តអភិវឌ្ឍន័ មូលដ្ឋានរបស់ខ្លួនឲ្យបានខ្លាំងក្លាមួយកំរិតថែមទៀតដើម្បីប្រជាពលរដ្ឋយើង។ គួរបញ្ជាក់ផងដែរ ទេយ្យវត្ថុដែលត្រូវវេរប្រគេនដល់ព្រះសង្ឃទាំង ៣១វត្តក្នុងមួយវត្តនីមួយៗ មានទានវស្សា ១ គូរ សាដក់ ១ អង្ករ ១បាវ ថវិកា ១០០០០០ រៀល ទេយ្យវត្ថុ ផ្សេងៗមួយចំនួនទៀត ៕