កំពង់ឆ្នាំង ៖ លោកសួង សែប្រធានភូមិបាលស្រុករលាប្អៀរ បានជួលគ្រឿងចក្រទៅឈូសឆាយផ្នូរសពលោក នុត សុខុម អតីតអនុប្រធានមន្ទីឧស្សាហកម្ម រ៉ែ និងថាមពលខេត្តកំពង់ឆ្នាំង ត្រូវអ្នកស្រីអឿ គឹមឡាយប្ដឹងទៅតុលាកាពីបទ និង សំណូមពរ រដ្ឋមន្ត្រីក្រសួងដែនដីនគរូបនីយកម្មជួយដោះស្រាយជូនគ្រួសារគាត់ដោយក្តីអនុគ្រោះផង។
យោងតាមពាក្យបណ្តឹង របស់អ្នកស្រី អឿ គឹមឡាយឈ្មោះ សួង សែជាមន្ត្រីប្រធានភូមិបាលស្រុករលាប្អៀរ ខេត្តកំពង់ឆ្នាំងបានជួលគ្រឿងចក្រទៅឈូសឆាយផ្នូសពស្វាមីរបស់គាត់ដែលបានបញ្ចុះនៅក្នុងទីបញ្ចុះសពសមាគមន៍ចិនស្ថិតនៅភូមិស្វាយទង ឃុំជ្រៃបាក់ស្រុករលាប្អៀរខេត្តកំពង់ឆ្នាំង ដោយថាផ្នូរនោះទើសមុខផ្នូរដូនតារបស់លោក សួង សែ ។
សូមបញ្ចាក់ថាកាលពីថ្ងៃទី២៤ខែមករាឆ្នាំ២០១៥អ្នកស្រី អឿ គឹមឡាយ បានទិញដីមួយកន្លែងពីសាខាសមាគមន៍ចិនប្រចាំខេត្តកំពង់ឆ្នាំងដែលមានទំហំ៨ម៉ែត្រគុណ១០ម៉ែត្រដើម្បីបញ្ចុះសពប្តីរបស់គាត់។ចាប់ពីថ្ងៃបញ្ចុះសពគ្រូចិនសែបានប្រាប់គ្រួសារគាត់ថាត្រូវតំណម៣ឆ្នាំមិនអោយក្រុមគ្រួសារមកប៉ះពាល់ផ្នូរនោះទេលុះរហូតមកដល់ថ្ងៃកំណត់អ្នកស្រីអឿ គឹមឡាយបាននាំកូនចៅទៅពិនិត្យមើលកន្លែងផ្នូរដើម្បីក្រុមគ្រួសារគាត់រៀបចំធ្វើដៃម៉ុង ជូនសពប្តីរបស់គាត់ពេលទៅដល់កន្លែងបញ្ចុះសពស្រាប់តែមិនឃើញផ្នូរសពប្តីគាត់ទេគាត់ក៏បានទៅសួរលោក ប៉ា សុនលី(ហៅតាឡាក់)ដែលជាប្រធានសមាគមន៍ចិនពេលនោះគាត់បានប្រាប់ថាផ្នូរប្តីឯងត្រូវលោក សួង សែ ជួលគេឈូសឆាយខ្ទេចខ្ទីអស់បាត់ទៅហើយដោយមិនបានប្រាប់គាត់ដែលជាប្រធាសមាគមន៍ជាមុននោះទេ។
បើសិនជាប្រាប់ដំណឹងនេះដល់គាត់ជាមុនគាត់ក៏មិនអនុញ្ញាតអោយលោកសួង សែ ឈូសឆាយដែរ បើក្មួយចង់ដឹងច្បាស់អោយទៅសួរលោកជុំ មាឃដែលជាម្ចាស់គ្រឿងចក្រដែលលោក សួង សែ បានជួលនោះទៅ។ពេលនោះក្រុមគ្រួសារក៏បានតេទូរសព្ទទៅលោក ជុំ មាឃពេលនោះលោក ជុំ មាឃ ក៏បានឆ្លើយថាលោក សួង សែពិតជាបានជួលគាត់អោយទៅឈូសឆាយពិតប្រាកដមែន។លុះមកដល់ថ្ងៃទី២៦ខែសីហា២០១៧ក្រុមអ្នកយកព័តមានបានទាក់ទងទៅសួលោក សួង សែ បន្ថែមទៀតពេលនោះលោកសួងសែបានឆ្លើយថាគាត់បានជួលលោក ជុំ មាឃ អោយឈួសឆាយពិតប្រាកដមែនដោយសំអាងថាផ្នូរនោះគ្មានស្លាកព្រលឹង។
“រឿងរ៉ាវនេះធ្វើអោយប្រជាពលរដ្ឋ និង អជ្ញាធរមូលដ្ឋានមានការរិះគន់លោក សួង សែ យ៉ាងខ្លាំង ថាធ្វើការដល់ថ្នាក់មន្ត្រីប្រធានភូមិបាលស្រុករលាប្អៀរខេត្តកំពង់ឆ្នាំងចេះដឹងប៉ុណ្នឹងដែរមិនគួរធ្វើទង្វើមិនគប្បីបែបនេះសោះ”។*ក្រុមគ្រួសារនៃសពសូមសំណូមពរដល់ស្ថាប័នតុលាការនិងឯកឧត្តមរដ្ឋមន្ត្រីក្រសួងដែនដីនគររូបនីយ៍កម្មជួយអន្តរាគមន៍ផ្តល់យុត្តិធមិផង។