កំពង់ឆ្នាំង ៖ ប្រភពព័ត៌មានពីប្រជាពលរដ្ឋបានអោយដឹងថាមានឈ្មួញដីមួយក្រុមបានយកគ្រឿងចក្រដឹកដីចាក់លប់ប្រឡាយធម្មជាតិនៅចំណុចខាងលើហើយពុះឡូត៍លក់ដែលករណីនេះបានធ្វើអោយមានផលប៉ះយ៉ាងខ្លាំងដល់ផលប្រយោជន៍សាធារណៈ ។
ទី1/បានរំលោភលើដីចំណីផ្លូវសាធារណៈ។ទី2/ធ្វើអោយទឹកហូរចូលផ្លូវកៅស៊ូអាចបណ្ដាលអោយខូចថ្នល់កៅស៊ូ។
ទី3/ធ្វើអោយទឹកហូរចូលភូមិ អ្នកជិតខាងប៉ះដល់សិទ្ធអ្នកដ៏ទៃ។
ទី4/ធ្វើអោយស្ទះទឹកមិនអាចហូធ្លាក់ទៅក្រោមបានដែលជាហេតុធ្វើអោយប្រជាពលរដ្ឋជួបផលពិបាកក្នុងការកង្វះខាងទឹកក្នុងការបង្ករបង្កើតផលស្រូវ។
ករណីនេះ អ្នកសារព័ត៌មានយើងបានធ្វើការទំនាក់ទំនងតាមរយៈលេខទូរស័ព្ទដែលគេសរសេរនៅលើក្រដាស់ព័ត៌មានដែលគេបិទផ្សាយនៅលើទីតាំងដីដែលពុះឡូត៍លក់នោះតែម្ចាស់ទូរស័ព្ទបានប្រាប់ថាដីនេះមិនមែនតែដីរបស់ខ្ញុំតែម្នាក់នោះទេគឺនៅមានម្ចាស់គេផ្សេងទៀត?។
ប្រជាពលរដ្ឋបានដាក់ការសង្ស័យថា ពិតជាមានការឃុបឃិតគ្នារវាងក្រុមឈ្មួញដីនិងអាជ្ញាធរស្រុកកំពង់ត្រឡាចដែលមានលោកឈឹម វុទ្ធាជាអភិបាលស្រុក និងមន្ត្រីជំនាញពាក់ព័ន្ធហើយទើបបានជាគេបណ្ដែតបណ្ដោយអោយមានការចាក់ដីលប់ប្រឡាយធម្មជាតិបែបនេះ។
ប្រជាពលរដ្ឋសូមសំណូមពរដល់ឯកឧត្តម ឈួរ ច័ន្ទឌឿនអភិបាលខេត្តកំពង់ឆ្នាំងមេត្តាជួមានវិធានការ ជាបន្ទាន់ដើម្បីជីកប្រឡាយធម្មជាតិមួយខ្សែនេះឡើងវិញដើម្បីជាដំណោះស្រាយបញ្ហាទុក្ខកង្វល់ជូនប្រជាពលរដ្ឋនិងដើម្បីរំដោះទឹកនៅពេលទឹកជំនន់កើតមានជាយថាហេតុ៕
