ខេត្តបាត់ដំបង ៖ ឯកឧត្តម ឌុល គឿន ប្រធានក្រុមការងារ ចុះជួយស្រុកឯកភ្នំ និងជាតំណាងដ៏ខ្ពងខ្ពស សម្តេចក្រឡាហោម ស ខេង ប្រធានក្រុមការងារចុះជួយខេត្តបាត់ដំបង បាននាំយកទានវស្សា និទេយ្យវត្ថុជាច្រើន មកវេរប្រគេនដល់ព្រះសង្ឃ ត្រៀមចូលព្រះវស្សានាពេលខាងមុខ ចំនួន ២៦វត្តទូទាំងស្រុកឯកភ្នំ កាលពីថ្ងៃទី ២៥ ខែកក្កដា នៅវត្តរាជដូនកែវ។
នេះជាសក្ខីភាពមួយបញ្ជាក់ឲ្យ ពីការយកចិត្តទុកដាក់ របស់ឯកឧត្តមប្រធានក្រុមការងារ ចំពោះវិស័យព្រះពុទ្ធសាសនា ដែលឯកឧត្តម និងក្រុមការងារតែងទេប្រារព្ធធ្វើឡើង ជារៀងរាល់ឆ្នាំ មុនរដូវចូលព្រះវស្សាឈានមកដល់ ក្នុងគោលបំណងជួជ្រោមជ្រែងផ្គត់ផ្គង ឧបត្ថម្ភគាំទ្រដល់ព្រះសង្ឃ ចូលកាន់ព្រះវស្សា អស់ត្រីមាសកាយពុទ្ធប្បញ្ញត្តិនៃព្រះសម្មាសម្ពុទ្ធ បរមគ្រូនៃយើង ក៏ដូចជារួមចំណែកក្នុងការថែរក្សាវប្បធម៌ ប្រពៃណីដ៏ល្អផូរផង់របស់ ជាតិ ឲ្យស្ថិតស្ថេរគង់វង្ស ជាងនេះទៀត ចូលរួមលើកស្ទួយ អភវឌ្ឍន៍វិស័យព្រះពុទ្ធសាសនា ដែលជាសាសនារបស់រដ្ឋ ឲ្យកាន់តែមានភាពថ្កុំថ្កើនរុងរឿង គ្រប់ប្រាំពាន់ព្រះវស្សា និងស្រប តាម ការអភិវឌ្ឍន៍ រីកចំរើន លើគ្រប់វិស័យ របស់ប្រទេសជាតិ ក្រោមការខិតខំ ប្រឹងប្រែង របស់រាជរដ្ឋាភិបាលកម្ពុជាយើងក្នុងគោលដៅកានត់បន្ថយភាពក្រីក្រ លើកកម្ពស់ជីវភាព រស់នៅរបស់ប្រជាពលរដ្ឋ ពីមួយឆ្នាំទៅមួយឆ្នាំឲ្យកាន់តែមានភាពល្អប្រសើរ។
ឯកឧត្តម ឌុល គឿន បានសំដែងមនោសញ្ជេតនារីករាយ និងបានគូសបញ្ជាក់ពីការ ខិតខំរបស់រាជរដ្ឋាភិបាលក្នុងការអភិវឌ្ឍន៍ប្រទេសជាតិ និងជម្រុញឲ្យមន្ត្រីថ្នាក់ក្រោមជាតិ ទាំងអស់បន្តអភិវឌ្ឍន៍មូលដ្ឋានរបស់ខ្លួនឲ្យបានខ្លាំងខ្លាមួយកំរិតថែមទៀត ដើម្បីប្រជាពលរដ្ឋ យើង។
គួរបញ្ជាក់ផងដែរ ទេយ្យវត្ថុដែលត្រូវ វេរប្រគេនដល់ព្រះសង្ឃទាំង២៦វត្តក្នុងវត្តនីមួយៗ មានទានវស្សា១ គូ សាដក់ ១ ប្រេងម៉ាសូត ៣០លីត្រ អង្ករ ៥០គីឡូ បច្ច័យ ១០០០០០ រៀល និងទេយ្យវត្ថុ ផ្សេងៗមួយចំនួនទៀត ៕
