ខេត្តបន្ទាយមានជ័យ ៖ នៅវេលាម៉ោង22:00នាទី យប់ថ្ងៃទី២៦ សីហា ២០១៧នេះកម្លាំងរបស់
ក្រុមគណះកម្មការចំរុះក្រសួងមហាផ្ទៃ ដឹកនាំដោយលោក វរសេនីយ៍ត្រី រស់ ធារត្ន បានដឹកនាំកម្លាំងចុះធ្វើការឃាត់ជនសង្ស័យចំនួន០៥នាក់ ស្រីម្នាក់ និងប្រុស០៤នាក់ទៀត ដែលជនសង្ស័យទាំង០៥នាក់នេះ។ បាននាំយកម៉ូតូគេចពន្ធដែលខុសច្បាប់ចេញពីប្រទេសថៃចំនួន៥គ្រឿងចេញតាមច្រករបៀងចំការគ ក្នុងឃុំស្វាយចេក ស្រុកស្វាយចេក ខេត្តបន្ទាយមានជ័យ ។
ម៉ូតូគេចពន្ឋដែលជនសង្ស័យបាននាំចេញពីប្រទេសថៃចំនួន៥គឿងចូលមកប្រទេសកម្ពុជាខាងលើនេះមាន។ ម៉ូតូម៉ាកCPXសេរី016ចំនួនពីរគ្រឿង ម៉ូតូម៉ាក CPXសេរី017ចំនួនពីរគ្រឿង ម៉ូតូម៉ាកCPXសេរី016ចំនួនពីរគ្រឿង និងម៉ូតូម៉ាកZoomer ចំនួន០១គ្រឿងទៀតផងដែរ។
នៅពេលនោះប ន្ទាប់ពីកម្លាំងយើងបានធ្វើការឃាត់ខ្លួននិងសាកសួរ ជនប្រុស ស្រី ទាំង៥នាក់ បានប្រាប់អោយដឹងថា ពួកគេជាអ្នកស៊ីឈ្នួលបើកម៉ូតូពីច្រករបៀងចំការគ ទៅដល់ទីរួមខេត្តបន្ទាយមានជ័យ ពួកគេបានកំរ៉ៃក្នុងម៉ូតូចំនួន១គ្រឿងបាន10$(ដប់ដុល្លា) ។
ជនសង្ស័យទាំង៥នាក់ដដែលនេះបានបន្តទៀតថា ប្រសិនបើម៉ូតូទាំង៥គឿងនេះគ្មានពន្ធទេ ក៏ពួកគេមិនហានជិះយកទៅអោយថៅកែទាំងយប់នោះទេ ។
នៅក្នុងនោះផងដែរ ពួកគេក៏បានបង្ហាញលិខិតគយដែលបញ្ជាក់ថាម៉ូតូទាំង៥គឿងនេះមានលិខិតពន្ធផងដែរ
ជនប្រុស ស្រី ទាំង៥នាក់ បានប្រាប់ទៀតថា ម៉ូតូដែលពួកគេបាននាំចូលមកនេះ គឺបានបង់លុយអោយមន្ត្រីគយ និងបង់លុយអោយប៉េអ៉ឹមផងដែរ ជាពិសេសគឺបង់លុយអោយខាងទាហាន ដែលនៅច្រករបៀងចំការគ ច្រកខាងលើនោះតែម្តង ។
បន្ទាប់ពីកម្លាំងរបស់ក្រុមគណះកម្មការចំរុះក្រសួងមហាផ្ទៃ បានធ្វើការសាកសួរហើយ នៅវេលាម៉ោង23:30នាទី យប់ថ្ងៃទី២៦ ខែសីហា ឆ្នាំ២០១៧ ដដែលកម្លាំងចម្រុះបានប្រគល់ជនប្រុស ស្រី ទាំង៥នាក់ និងម៉ូតូទាំង៥គ្រឿងអោយទៅខាងកម្លាំងនគរបាលប៉ុស្តិ៍ថ្នល់បែក នៃវរះការពារព្រំដែនគោកលេខ911 ។ នៅវេលានោះដែរខាងកម្លាំងនគរបាលប៉ុស្តិ៍ថ្នល់បែក ចំណុះអោយនគរបាល នៃវរះការពារព្រំដែនគោកលេខ911 ដែលបានធ្វើលិខិតប្រគល់ទៅអោយខាងមន្ត្រីគយចល័តរបស់ក្រសួង ដែលឈរជើងនៅតាមបណ្តោយផ្លូវជាតិលេខ៥ ក្នុងទីរួមខេត្តបន្ទាយមានជ័យ៕
ដោយ ម៉េង ហ៊ី
