ក្រចេះ៖ នៅព្រឹកថ្ងៃសៅរ៍ទី២៦សីហា កម្លាំងសមត្តកិ្ចចចម្រុះចុះមានមេព្រៃមានប៉េអឹមបានចុះស្ទាក់ចាប់ឡានដឹកឈើប្រណិត៣ឡានយីឌុបដែលឈ្មួញបានដឹកឈើ ឆ្លងកាត់ពីខេត្តមណ្ឌល់គិរី ឆ្លងចូលមកឃ្លាំងស្តុកឈើមួយកន្លែង ដែលគេដឹងថា ជាកម្មសិទ្ធរបស់ឧញ្ញ៉ាជ័យ ស្ថិតនៅក្នុងភូមិ២ធ្នូ ឃុំវេវ ស្រុកស្នួល ខេត្តក្រចេះ។
ក្រោយពីពទ្ធ័ឃ្លាំងអស់ រយៈពេលជាច្រើនម៉ោង គឺចាប់តាំងពីម៉ោង៧៖៣០នាទី រហូតមកទល់ពេលថ្ងៃត្រង់ ថ្ងៃសៅរ៍ ទី២៦ សីហានេះ កម្លាំងចម្រុះមានអាវុធហត្ថលើផ្ទៃប្រទេស និងជំនាញរដ្ឋបាលព្រៃឈើ ដែលចុះប្រតិបត្តិការឡោមព័ទ្ធ ឃ្លាំងស្តុកឈើឈ្មួញឧញ្ញ៉ាជ័យ បានដកថយទៅវិញ ក្រោយពីមានការសម្របសំរួលពីមេដឹកនាំស្រុកស្នួលនិងបានចំណាយលុយច្រើនពាន់ដុល្លារអាមេរិកព្រោះរថយន្តដែលដឹកឈើនោះ ត្រូវបានគេរាយការណ៍ថា ជារថយន្តរបស់ឧញ្ញ៉ា សឹង សំអុល។
ទោះជានាយករដ្ឋមន្ត្រីថ្លែងក្នុងវេទិការការពារបរិស្ថាននិងអភិរក្សធនធានធម្មជាតិលើកទី២កាលពីថ្ងៃទី២៣សីហាថាការការកាប់ឈើដូចកាប់ក្បាលសម្តេចហើយថាការបង្ក្រាបវាគ្មានអីពីបាកដូចគ្រឿងញៀនរួចមក មានសេចក្តីរាយការណ៍ថា ឈ្មួញនៅតែបន្តលួចលាក់ ដឹកឈើខុសច្បាប់ដដែល ។ប្រភពច្បាស់ការពីស្រុកស្នួលបានអោយដឹងថា នៅយប់ថ្ងៃទី២៤នេះ រថយន្តយីឌុបធំៗដឹកឈើលេខ១ ដែលគេដឹងថាជារបស់លោកឧកញ្ញ៉ា សឹង សំអុល បានធ្វើសកម្មភាពដឹក ជញ្ជូនចេញពីទឹកដីខេត្តមណ្ឌលគីរី ចរាចមកតាមច្រកផ្លូវលំច្រកសំពោចភ្នំព្រិច នាំចូលទៅកាន់ឃ្លាំងស្តុកឈើមួយកន្លែងនៅចំណុច ត្រពាំងស្រែរ ឃុំ២ធ្នូ ស្រុកស្នួល ខេត្តក្រចេះ ។
ប្រភពពីមន្ត្រីជំនាញរដ្ឋបាលព្រៃឈើស្រុកស្នួលបានបង្ហើបអោយដឹងដែរថា តាមដឹងក្បួនរថយន្តដឹកឈើទាំងនោះ គេមានច្បាប់អនុញ្ញាតត្រឹមត្រូវដោយបានដឹកចេញពីក្រុមហ៊ុន ( ប៉ា វី ភី )នៅចំណុចស្រែសង្គម ខេត្តមណ្ឌលគីរី ចំនួន៥គ្រឿង ក្នុងគោល ដៅនាំឆ្ពោះទៅកាន់ចំណុចភូមិសង្គមមានជ័យថ្មី ស្ថិតក្នុងស្រុកមេមត ខេត្តត្បូងឃ្មុំ ចំនួន៣គ្រឿង និង២ គ្រឿងទៀតនាំទៅស្រុកស្វាយអន្ទរ ខេត្តព្រៃវែង ។
ជាក់ស្តែង ក្បួនរថយន្តដឹកឈើទាំងនោះបានធ្វើចរាច៣គ្រឿងចេញពីចំណុចខាងលើ ត្រូវបានគេដឹថថា មិនបាននាំទៅកាន់គោលដៅត្រឹមត្រូវតាមច្បាប់នោះទេ បែជានាំទៅខុសគោលដោយដឹកជញ្ជូនទៅដាក់ក្នុងឃ្លាំងរបស់លោកឧកញ្ញ៉ាជ័យ ដែលមានទីតាំងនៅច្រកត្រពាំងស្រែរ ស្រុកស្នួល ទៅវិញ ។ប្រភពបន្តរថា នេះមិនមែនជាលើកទីមួយទេ ក្បួនរថយន្តដឹកឈើ របស់លោកឧកញ្ញ៉ា សឹង សំអុល ដែលមានមេការបស់លោក ឈ្មោះ ខុន ជាអ្នកមើលខុសត្រូវ រត់ការជួបសមត្ថកិច្ចតាមផ្លូវ រថយន្តទាំងនោះជាញឹកញ៉ាប់បានកាច់ចូលទៅតាមត្រពាំងស្រែ បើឱកាសគឺចូលទៅប្រទេសវៀតណាមតែម្តង តែបើស្ថានភាពតានតឹងគឺរត់ចូលឃ្លាំងខាងលើដើម្បីសុវត្ថិភាព ។
រីឯរកាដែលបទចូលតាមច្រកត្រពាំងស្រែរ មានផ្សេងទទួលបន្ត គឺ ឈ្មោះ ជា វណ្ណះ ដែលក្រុមការងារជាមួយគ្នា។ឯច្រករបៀងនៅតាមស្រុកមេមត់មានលោកស្រ៊ុន ផឹងឡាយ ជាមន្ត្រីអាវុធហត្ថស្រុកមេមត់ អ្នកមើលកាខុសត្រូវ ។
សូមបញ្ជាក់ថាកាលពីថ្ងៃទី៧កក្កដាឆ្នាំ២០១៧ដោយយោងតាមសជណលេខ១១៨៨ទីស្តីការគណរដ្ឋមន្ត្រីចុះថ្ងៃទី៨វិច្ឆិកាឆ្នាំ២០១៦និងសជណលេខ៥៨១ចុះថ្ងៃទី២៨មិនថុនាឆ្នាំ២០១៧របស់ក្រសួងបរិស្ថាននិងការឯកភាពរបស់លោកអ៊ុងសំអាតប្រធានរដ្ឋបាលព្រៃឈើចុះថ្ងៃទី៦កក្កដាឆ្នាំ២០១៧លោកប៉ាន់សូសក្ក័រដ្ឋមន្ត្រីក្រសួងពាណិជ្ជកម្មបានចេញអាជ្ញាបណ្ណ័ឲ្យក្រុមហ៊ុនវីអែនឺជីឡូជីស្ទិកនាំចេញឈើប្រណិតជាង១០០០ម៉ែតគូបទៅស្រុកយួនលក់ឲ្យក្រុមហ៊ុនfive stars international manufacture and general business និងក្រុមហ៊ុនធៀនភូឡុកវៀតណាមតាមច្រកត្រពាំងស្រែ។
តែបើពិនិត្យការដឹកជញ្ជូនជាក់ស្តែងគេអាចប៉ាន់ស្មានថាអាច១០០០ម៉ែតគូប១០ដងឯណោះ។សូមបញ្ជាក់ដែរថាកន្លងសមត្តកិច្ចជំនាញព្រៃឈើខេត្តមណ្ឌលគិរីបានឲ្យដឹងថាក្រុមហ៊ុនឌីធីស៊ីរបស់លោកឧកញ៉ាអ៊ឹងតាន់វីរៈជាអ្នកដេញថ្លៃបានឈើដែលបង្ក្រាបបានកាលពីដើមឆ្នាំ២០១៦តែមិនអនុញ្ញាតិឲ្យនាំចេញទេគឺឲ្យកែច្នៃនៅត្រឹមច្រកត្រពាំងស្រែ។
តែអ្វីៗគឺសុទ្ធតែជាការឃុបឃឺតគ្នាទើបការនាំចចេញទៅស្រុកយួនទាំងស្របនិងមិនស្របច្បាប់អាចធ្វើទៅបាន។ពាក់ពន្ឋ័និងករណីនេះត្រូវបានមជ្ឈដ្ឋានទូទៅសង្ស័យថា សកម្មភាពដឹកជញ្ចូនឈើតាមរថយន្តធំៗខាងលើនេះ អាចថាកន្ទេលធំបន្លំដេកហើយ ពីព្រោះក្រុមរថយន្តដឹកឈើទាំងនោះមិនមានពាក់ស្លាកលេខសំគាល់ តាមច្បាប់ត្រូវបានគេសន្និដ្ឋានថាមិនមានច្បាប់អនុញ្ញាតនោះទេ ។
