ខេត្តបន្ទាយមានជ័យ ៖ ប្រជាពលរដ្ឋរិៈគន់អាជ្ញារធរក្រុងប៉ោយប៉ែតដែលធ្វើអោយពួកគាត់ខាតការរកស៊ីប្រចាំថ្ងៃរបស់ពួកគាត់យ៉ាងខ្លាំង។ ដោយខាងអាជ្ញាធរថៃមិនអោយពួកគាត់ចូលដោយសារតែមិនមានសំបុត្រចេញ ចូលនោះទេ។ នៅច្រកទ្វារអន្តរជាតិប៉ោយប៉ែតព្រំដែនកម្ពុជា ថៃ នៅព្រឹកថ្ងៃទី២៦ ខែសីហា ឆ្នាំ២០១៧ នេះ ស្ថិតនៅភូមិប៉ោយប៉ែត សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ ។
ក្រុមអាជីវករបានប្រាប់អ្នកយកព័ត៌មានអោយដឹងថា ចាប់តាំងពីអាជ្ញាធរខាងកម្ពុជាដោយចែកសំបុត្រចេញ ចូលមិនគិតលុយមកឃីេញថា មានការអស់សំបុត្រចំនួន៥ទៅ៦ដងមកហើយ ការពីសំបុត្រនៅលក់ ឃីេញមិនដែលចេះអស់នោះទេ ។ ប្រជាពលរដ្ឋបានរិះគន់ទៅលោក ង៉ោ ម៉េងជ្រួន អភិបាលក្រុងប៉ោយប៉ែតយ៉ាងចាស់ដៃតែម្តង។
ពាក់ព័ន្ធនឹងបញ្ហានេះ មន្ត្រីនគរបាលអន្តោរប្រវេសន៍ច្រកទ្វារអន្តរជាតិប៉ោយប៉ែតព្រំកដែនបានប្រាប់អោយដឹងថា ករណីនេះលោកបានទាក់ទងទៅអាជ្ញាធរក្រុងមុនមកហើយ ដើម្បីរៀបចំអោយត្រៀមសំបុត្រជាមុន។ ព្រោះសំបុត្រជិតអស់ហើយ តែខាងអាជ្ញាធរក្រុងថាមកពីម៉ាស៊ីនផលិតសំបុត្រខូចធ្វើមិនទាន់រួចនោះទេ។
ជាក់ស្តែងនៅព្រឹកថ្ងៃដដែល ធ្វើអោយពួកគាត់មានការខកខានមិនបានទៅលក់ដូរអស់រយះពេលមួយព្រឹករួចមកហើយឃើញថា អាជ្ញាធរបានប្រមូលសំបុត្របាន៣០០០សំបុត្រមកចែកជូនពួកគាត់បានវិញរហូតដល់ម៉ោងជាង១១ថ្ងៃដដែរនេះ ត្រូវអស់សំបុត្រតែម្តង តែយ៉ាងណាក៏ដោយ អាជ្ញាធរសមត្ថកិច្ចថាម៉ោង២រសៀលទើបមានសំបុត្រចែកជូនទៀត។
ទោះបីជាយ៉ាងណាក្តីប្រជាពលរដ្ឋ អាជីវក ជាពិសេស កម្មករអូសរទេះ បានប្រាប់អោយដឹងទៀតថា ពួកគាត់អូសចេញចូលក្នុងមួយថ្ងៃ៥ទៅ៦ដង។ អាជីករដែលលក់ដូរក្នុងផ្សារថៃទាំងអស់ ពួកគាត់បានសូមអាជ្ញាធរកុំអោយមានការខកខានទៀតអី? ពួកគាត់រកបានមួយថ្ងៃ ស៊ីមួយថ្ងៃ ៕
ដោយ ឆាយ ដា
